أنثى برج الميزان كلاكيت تاني مرة

كالعادة - وربنا ما يقطعلنا عادة - لم التعليقات بتكتر بيكون فيه اضافات كتيرة بخصوص البرج و لأن مش كل الناس بتقرا التعليقات ففضلت اني افصل ما قد يكون مفيدا بخصوص البرج ليمثل اضافة في فهم أنثى برج الميزان

كلمات على لسان أنثى الميزان :

((ممكن لو قسيت على حد بيبقى علشان مصلحته وبعد كده بتعب جدا علشان قسيت عليه واكتر ناس انا بقسى عليهم اصحابى لما بيعملو حاجه غلط بحس انى ولية امرهم وكمان فى حاجه انا دايما ببقى عايزه انى اكون انا المسيطره عليهم وبنجح فى كده فعلا))

((هو صحيح انا صعبه اسامح بسهوله بس ع حسب الاشخاص اللي اتعامل معاهم والزعل مابيكون الا ع نااااس غالين اكيد يهموني كثير والا ماتضايقت ع الاخطاء اللي تطلع منهم وبالمقابل ابي احس بها الاهتمام واحس بقيمتي ممكن عشان كذا انتظر التبرير والاعتذار اللي يشبع غروري بس عموما نادرا جدا تلاقيني ازعل الا من شي جامد واغلاط سبق انها تكررت ونبهت عليها ممكن تلاقيني بتظاهر بالقساوه وبدعي انه مايهمني وجوده حتى يثبت العكس ))

((ساعات كتير بختلق الاعذار للناس الي بحبهم عشان مزعلش منهم بس اوقات كتير صدقني الجرح من القريب بيبقي اعمق من الغريب عشان كده الزعل بيبقي اقوي))

((صحيح حتة عدم التسامح دي موجودة .. بس انا شايفة انها بتكون بعد صبر ،، بمعنى اني بفوت بمزاجي حاجات كتير ،، و ممكن من حاجة تافهة اعمل من الحبة قبة و مسامحش ،، لأني أصلا بخلص حقي القديم ،، لكن نصيحة للي بيتعامل مع بنات برجي ،، شوية نعمومة و مجاملة و اعترف بسيط بالخطأ هتتحل أصعب مشكلة و هتلاقي التسامح موجود،،))

انتهت الكلمات على لسان أمرأة الميزان

التالي هو ردي على نقطة عدم التسامح في أنثى الميزان و الرد بأكثر من طريقة لتوضيح وجهة النظر :

عشان توصلك وجهة نظري في موضوع عدم التسامح شوفي مواقف صحباتك البنات و كيفيه تعامل ازواجهم او خطابهم معاهم - قصدي طبعا الأخطاء - يعني واحدة صحبتك مثلا خطيبها غلط في حقها او عاملها بشكل وحش مثلا - هتلاقي نفسك دايما بتقولي انا مقبلش كدة ابدا !!! في حين صحبتك دي بتستحمل و بعدين تغفر و تلاقي الموضوع خلص

بالنسبة لصفة التسامح او عدم التسامح فلابد أن أقول كلمة هامة و هي أني عندما أكتب عن أي برج فيكون غرضي و نيتي التي أكتب بها أن ألفت نظر الناس لصفات البرج و كذلك أصحاب البرج نفسه و كما في الحديث القدسي : "فمن وجد خيرا فليحمد الله، ومن وجد غير ذلك فلا يلومن إلا نفسه "

فمثلا اذا اراد شخص الأرتباط بأمرأة من برج الميزان لابد أن يلتفت للعيوب التي ذكرتها و ليكن عدم التسامح و خصوصا من المقربين , اذا وجد هذه الصفة فلي الفضل في تنبيهه و هو قراره اما لو لم يجد الصفة دي فقد اطمأن ! و يبقى خير و بركة

صحيح مش كل الصفات هتنطبق بنسبة مية في المية لكن صدقيني بنسبة مذهلة !

و كمان خايف ان حد يتهرب و يقول العيوب مش فيا من غير ميكون صادق مع نفسه بحجة ان الصفات مش ضروري تكون منطبقة مية في المية - لكن كل واحد لازم يراجع نفسه

أنثى الميزان بتحاسب المقربين حساب شديد اشد من الغير مقربين و لما بتسامح بتسامح عن التوافه لكن لما بتكون حاجة كبيرة مش بتسامح و انا مقصدش انها تفوت لكن اقصد ان لما الشخص المخطئ يشرحلها موقفه و يعتذر تقبل اعتذاره و تحاول تتفهم موقفه ! لكنه انثى الميزان اذا سامحت - و اكرر اذا - فانها تسامح فقط من يعتذر بشدة دون اي تبريرات يعني لو حاول حتى يشرح الظروف او يبينلها انه مكنش قصده او اي شئ لا تقبل اعتذاره و بتعتبره متابش توبة نصوح !
لازم يعترف و يبدي الندم و يعتذر دون تبرير او اي كلام غير التوبة النصوح مما اقترف والا يكون مصيره الطرد من جنتها !

انها لما مش تتسامح بيكون قرار عقلي منها مش قرار عاطفي عشان كدة انا مش بتهمها بالقسوة (يعني من جواها مش قاسية - لكن اللي بيظهر للناس ممكن يكون غير كدة) و كمان دة بيفسر هيا ليه ساعتها مش بتقبل الأعتذار لأنها بتبقى في مود عقلاني اكتر منه عاطفي

و انا ان كنت ركزت على هذه النقطة في أنثى الميزان فعشان تعالجها في نفسها -للي عنده هذه الصفة -
لكن المشكلة انها بتشيل في نفسها - لكن مثلا أنثى العقرب بعد مدة بتنسى الموقف اصلا و لو قولتلها احكيه مش هتفتكره !!!

ولا انا كررت كلمة عدم التسامح عشان الناس تاخد بالها و متعديش الكلمة و خلاص
ثانيا انا مقولتش انها حقودة زي مبتقولي !! هيا ممكن يكون عندها شوية حسد و بتعمل مقارنات بينها و بين غيرها كتير

ثالثا : معلش اعذريني بس الصفات الحلوة بتتذكر في كلمات قليلة لكن لما بيكون فيه صفة وحشة بشرحها باستفاضة عشان الناش متفهمنيش غلط و كمان لأني شايف ان فيه قصور في الكتابة عن عيوب كل برج

يجي لموضوع عدم التسامح - طبعا و دة سؤال متكرر وجاوبت عليه كتير لكن انا هقولك اجابة ليكي مخصوص :
بشكل عام عيوب أنثى الميزان قليلة للغاية ولو حذفنا عدم تسامح هتبقى تقريبا من غير عيوب !!! وطبعا دة مش ممكن - عشان كدة لما حد من برج الميزان بيعترض على وجود الصفة دي بطالبه انه يذكر عيوبه التانية - يعني يقف مع نفسه وقفه صادقة - ولو ملقاش عيوب تانية او لقى عيوب صغيرة وهامشية ساعتها انا مصمم على صفة عدم التسامح -لكن لو لقى او لقت بمعني اصح - عيوب كبيرة او عيب كبير غير عدم التسامح ممكن ساعتها اتقبل واقول جايز انتي بالذات معندكيش الصفة دي
بعبارة اخرى انا مش بهاجم انثى الميزان عشان انتوا تدافعوا عنه - لكن ببساطة بطالب بنات البرج دة انهم يقفوا وقفة صادقة مع نفسهم في هذا الأمر - ولو بعد كدة لقوا ان الصفة دي مش موجودة يبقى خير وبركة انا مش هكره !!! لكن لو موجودة ياريت يخلوا بالهم منها
يعني اكيد فيه استثناءات لكن انا لو قلت كدة كل ابناء الأبراج مش بنات برج الميزان بس هيقولوا انا استثناء انا استثناء !!! طيب امال انا بكتب العيوب لمين ؟ انا بكتبها عشان الناس تاخد بالها وتعالجها - لكن اي واحد شايف نفسه بدون عيوب او مجرد عيوب طفيفة مش مؤثرة من وجهة نظره - فدة اكيد محتاج لوقفة جادة وصادقة مع نفسه عشان يفهمها صح وكمان محتاج يقرا اللي انا كاتبه عن البرج الخاص بيه - جايز كلامي يفيده 

سمات في شخصية أنثى الميزان :

رومانسية حالمة - تبحث عن من يقدرها - و تبحث عن من يستحقها - مستعدة لاعطاءه كل شئ - تريد واحد يحسسها حقا و فعلا و قولا انه نصفها الأخر و انها هي نصفه الأخر - النصف تماما مفيش نص اكتر من نص - يحسسها انهم واحد لكن بدون ان تذوب شخصيتها !

الأسئلة :
أنثى الميزان ماذا تريد؟ :
تريد الحب و الأمان و الرعاية

أنثى الميزان من ماذا تخاف ؟ :
تخاف من أن تجرح من الأخرين

أنثى الميزان إلى ماذا تتطلع؟ :
تتطلع الى الكمال او المثالية

أنثى الميزان عن ماذا تبحث ؟ :
تبحث عن وضع أفضل فيه رفاهية و فيه مكانة

نسيت اقول عيب و هي انها قماصة

تستطيع ان تكسبها بالكلمة الحلوة (مثل كل النساء) في الأول لكن بعد ذلك لابد من أقوال و أفعال !

انثى الميزان بتبقى شايفة ان كل المصايب تهون طالما الحب موجود و زي مهوة !!

تعتقد أنها أكثر النساء رومانسية على الأطلاق 

ميزات اضافة لما ذكرته من قبل :

من أكثر الأبراج الخدومة  - الحس الفني عندهم عالي  - تهتم بجمال بيتها و تهتم بنفسها  - زوجة محبة

مهذبة - مبهجة  - تسعى  دائما ان تكون عند حسن ظنك  -

 ودودة تحسسك انك تعرفها منذ زمن  -  تستطيع اضحاكها بسهولة

تنبيه و تحذير كل ما كتب في هذه المدونة عن صفات الأبراج هو من واقع خبراتي ومشاهداتي في تحليل الشخصيات والتعامل مع البشر وليس له علاقة من بعيد أو قريب بالتنجيم أو الفلك أو الحظ أو التنبؤات! والبرج هو الشهر في السنة الشمسية و هي تقابل السنة القمرية و الشهور القمرية, فما أكتبه يشابه أن تكتب التشابه في صفات أبناء بلد معين أو مهنة معينة, فالعلاقة هي المصاحبة (التوقيت) لا أن النجوم تؤثر في الصفات ,و يشابهها أن نقول أن الجيل الفلاني يتصف بكذا و كذا (صفات في داخل فترة زمنية) -         نسبة دقة الكلام المكتوب – في تقديري الشخصي -  حوالي 80% , بمعنى أنه يصدق أو يصيب بنسبة 80% من الناس و 80% من صفاتهم كأفراد -         تشابه الصفات في داخل وقت محدد هو آية من آيات الله عز و جل – وأن الكون كله في تناغم و علم مسبق لله عز وجل صفات الأبراج – لماذا حذفت و لماذا أرجعت المدونة في الرابط التالي: https://blogatee.blogspot.com/2015/10/blog-post.html وفيه كيفية الاستفادة من الأبراج بشكل سليم لمن أراد معرفة تفاصيل وقصة من أين أتيت بالكلام المكتوب في المدونة عن الأبراج طالع البوست في هذا الرابط : حكايتي مع الأبراج https://blogatee.blogspot.com/2008/09/blog-post_04.html لمشاهدة كل الموضوعات في المدونة اضغط على هذا الرابط: http://blogatee.blogspot.com/view/flipcard