الناس في الدنيا صنفين ناس مش سعدا وناس سعدا لبعض الوقت والدنيا بتعدلهم مصيبة محترمة تطلع
السعادة اللي حسوا بيها على جتتهم تخلي الناس الأولانيين اللي مش سعدا يفتكروا انهم كانوا سعدا وهما ما كانوش واخدين بالهم يقوموا يحزنوا أكتر ان لحظات السعادة فاتتهم من غير ميستمتعوا بيها
الدنيا هي حزن بين حزنين ولحظات سعادة مش حقيقية عشان الواحد يتألم من الحزن أكتر لما يحس بالفرق
الحزن بير كل متاخد منه يزيد
والسعادة نقطة مية في كباية اذا ميلت الكباية عشان تلحس النقطة تكون خلصت كلها على جدار الكوباية وميوصلكش حاجة ولو سيبتها في الكوباية من غير متميلها تنشف وتحزن انك محاولتش توصل للنقطة لحد ميجيلك نقطة
للحقيقة ثمن لكي تعرفها
هي أن تتألم
أما الجهل فهو أن تتألم من أشياء غير حقيقية
الجمعة، 22 فبراير 2008
قليل من التشاؤم
الاشتراك في:
تعليقات الرسالة (Atom)
للحقيقة ثمن لكي تعرفها
ردحذفهي أن تتألم
الارواح المعذبة في الأرض.
الأخ سليمان
ردحذفعودٌ أحمد
في الحقيقة انا كتبت البوست دة كنوع من السخرية من الانسان المتشائم بداخلي
لكن جملة : للحقيقة ثمن لكي تعرفها هي أن تتألم
جملة حقيقية جدا
تحياتي
اتفق معك يا استاذ بلوجاتي ,هذة الجملة من اجمل ما قرأت.
ردحذفالسلام عليكم :
ردحذفكنت اتمنى انك تتكلم شويه عن التفاؤل والامل المفقود عند الدلو
والنبى شوية تفاؤل خلى الدنيا تمشى لاحسن دى وقفت خالص
ماهو التشاؤم ده الى بيخلى الدنيا تبوظ
الا ايه حل مشكلة التشاؤم وفقدان الامل فى الحياة عند الدلو
ميزان
الأخت ميزان
ردحذفضحكتيني بجد
انا كاتب قليل من التشاؤم ! يعني قليل يعني دة أقل حاجة عندي !
و بدل متحمدي ربنا اني مكتبتش كثير من التشاؤم لأ طمعتي اني اكتب عن التفاؤل !!!!
اما بخصوص الدلو - متقلقيش هو هيخرج من الشعور دة لوحده
كمان نسيت أقولك انه بيكتئب فب الشتا !
تحياتي
السلام عليكم :
ردحذفهههههههههههههههههههههههههههههههههههههههههههههههههه
انا الى بجد مش قادره امسك نفسى من الضحك
هو الموضوع مش موضوع شتا يافندم ولا حاجه بلاش تلاكيك بقى سيبو الشتا فى حاله ماهو ابن حلال السنه دى
بس بجدهو فى حالة اكتئاب اليومين دول ومش عارفه اخرجوا منها خالص وطبعا كالعاده بيطلع عليا انا الاكتئاب ده بس المره دى زايد شويتين مافيش عصبيه بس اوحش (الستات لما تتلكك بقى ) ياريت العصبيه ترجع احسن
المره دى مش بيتكلم معايا خاااااااااااااااااااااااااااااااااااااااااااااالص لا بيشتكى ولا بيحكى ولابيتعصب ولا اى حاجه جاييه عليه بالسكات والقرف منى طبعا
ميزان
الأخت ميزان
ردحذفيؤسفني اني أقولك ان دة عادي
موجات و الموجة الأيام دي فيها تشاؤم - عشان الأزمة الأقتصادية
حاولي تنقليله التفاؤل شوية بشوية
في واحد علمني ان كل أزمة جواها فرصة بس الأنسان يستغلها !
و بعد كدة وجدت الكلام دة في القرآن !!!
فإن مع العسر يسرا إن مع العسر يسرا !
و كما قال سيدنا أبوبكر لن يغلب عسر يسرين !
يعني كمان لاحظي ان القرآن قال مع و مقالش بعد !
مع العسر فيه يسرين !
تحياتي
السلام عليكم :
ردحذفانا على فكره من النوع المتفائل جدا صحيح بيجيلى احباط من اقل حاجه بس برجع فى وقت قصير افوق نفسى وكتير بحاول معاه واقوله اصبر عشان ربنا هايديك على قد صبرك وكلام من النوع ده وهو بيستجيب فى ساعتها بس تشاؤمه بيغلبه عايز الكلام يتقال له على طول بشكل مستمر بس انا مش هاروح معاه الشغل واقعد فى ودنه يمكن يكون محتاج يسمع الكلام ده من حد غيرى
عايزه اقول حاجه مش عارفه مفروض اقولها ولا لا بس الحقيقه ساعات بحس ان مامته جزء من احباطه عارف انت فيلم محطة مصر الام الى كل ماتشوف ابنها تندب على حظه فى الدنيا وحاله الى مش هايتعدل انا نفسى بيجيلى احباط (مش بقول كده عشان حماتى والله بس دى الحقيقه ) هههههههههههههههههههههههههه
ميزان
السلام عليكم :
ردحذففى حاجه غلط فى حاجه غلط فى حاجه غلط
احساسى بيقولى ان فى حاجه غلط بتحصل بس مش قادره اتكلم عشان مابقاش انا الى بعمل مشكلة هافضل ساكته لحد ما كل حاجه تبان لوحدها احساسى بيقولى ان الصدمه والجرح هايكون كبير ربنا يستر
ميزان
الأخت ميزان
ردحذفو عليكم السلام
دة ردي على التعليقين :
بجد بجد معاكي حق - بسم الله ماشاء الله انتي فاهماه كويس قوي
متعمليش مشاكل و خليكي انت دايما كويسة عشان تنأنبيله ضميره و يا بخت من بات مظلوم و لا باتش ظالم
و ربنا مش هيضيع مجهودك
تحياتي
السلام عليكم :
ردحذفمش انا قلت فى حاجه غلط بتحصل كل حاجه ابتدت تبان وانا قاعده مستنيه الاخر
ميزان
الأخت ميزان
ردحذفو عليكم السلام
المهم متتصرفيش أي تصرف أهوج !
و خليكي مثالية و متتنرفزيش لحد النهاية
و لو اتأكدتي من حاجة ياريت تقوليلي لأن ساعتها حتبقي بجد محتاجة حد يشور عليكي
تحياتي
السلام عليكم :
ردحذفانا اعصابى هاديه مووووووووووووووووت ويمكن لانى متوقعه ده من فتره يمكن اكون غلطانه بس انا بتعامل مع الموقف ببرود تام مش باين عليا حاجه خالص انا مستنيه لما تبقى كل حاجه حقيقه وامر واقع وحاجه لامساها بايدى وبعد كده هاشوف هاعمل ايه هاسيبه هو بنفسه يلف الحبل على رقبته
شكرا
ميزان
الأخت ميزان
ردحذفاه يانا منكن !
كيد النسا غلب كيد الرجال !
الممهم خللي بالك من نفسك
تحياتي
السلام عليكم :
ردحذفكيد النساء غلب كيد الشيطان مش بس كيد الرجال
انا مسلمة امرى لله وهو الى هايخدلى حقى لو كنت مظلومه
مش بشيل هم نفسى كتير وكل واحد بياخد نصيبه
ميزان
الأخت ميزان
ردحذفو عليكم السلام
و نعم بالله
تحياتي
السلام عليكم :
ردحذفمعلش انا عارفه انى برخم عليك كتير وعاملالك ازعاج
بس اصلى مش عارفه اتصرف عندو اكتئاب شديد جدا ومش عارفه اتصرف معاه الكلام مابقاش ينفع انا حاسه انه تعبان ومش قادره اعملوه حاجه المشكله الاكبر انى مش معاه هو مسافر ولوحده مش عارفه اعمل ايه باتجنن لما احس انه فى الحاله دى وانا مش قادره اساعده
هو غالبا تعبان من التغير وانه لسه مش مستقر وانا مش عارفه اهديه وفاكر انى مش حاسه بيه ولا عارفه الى هو حاسس بيه
معلش انا اسفه مزهقاك
ميزان
الأخت ميزان
ردحذفو عليكم السلام
هو في الوقت دة بيبقى مكتئب !
و كمان عدم وضوح الرؤية مش التغيير هو اللي بينرفزه
هو بس عاوز منك شوية تعاطف و شحتفة و دمعتين ينزلوا في التليفون و شوية تقدير لتضحياته العظيمة
تحياتي
السلام عليكم :
ردحذفمتشكره اوووووووووى انك رديت بسرعه
انا خايفه عليه اوى المره دى يمكن عشان بعيد عنى
شكرا واسفه تانى على الازعاج
ميزان
انا قلبى وجعنى بقى نفسى اتكلم مع اى حد فى اى حاجه
ردحذفميزان
السلام عليكم :
ردحذفانا مش عارفه هو ليه بيعمل كده ليه بيقلب مره واحده كده ومن غير سبب انا تعبت اوى من الطريقه دى
كان بيتكلم معايا طبيعى وبيقولى انا اسف على الطريقه الى بعاملك بيها الفتره الى فاتت وانا عارف انى مقصر معاكى ومره واحده قالى احنا لازم نسيب بعض وقفل
انا مابقتش فاهمه حاجه هو ايه مجنون انا مش فاهمه زهقت زهقت زهقت
ميزان
الأخت ميزان
ردحذفبلاش نفهمه - لكن نتعامل معاه
متعمليش حاجة خالص - هو هيروق لوحده - ممكن تبعتله رسالة قصيرة : مثلا مجنون و بحبك
او حتى لو انفصلنا هفضل احبك
او مهما حصل هفضل احبك
و مهما يقول مترديش عليه - اعتبريه في البنج و بيهلوس
تحياتي
السلام عليكم :
ردحذفوالله ضحكتنى وانا مكتئبه هو الظاهر فعلا بيهلوس بس انا تعبت وزهقت كده كتير بجد زودها اووووووووووووووى
بصراحه حاولت اعمل الى انت كاتبه بس مش قادره انا كمان ليا طاقه
مع انى عارفه انى فى الاخر انا الى حاصالحوا وهاروق بكلمه منه بس هو يقولها
ميزان
السلام عليكم :
ردحذفطيب والله مجنون فعلا
تانى اتصالحنا واتكلمنا وكله كان تمام وبنهزر والمكالمه اخر رومانسيه وفجاءه راح قالب تانى مجنون مجنون مجنوووووووووووووووووووووووووووووووووون
ومش عارفه ايه مزاجه انه يقفل فى وشى ههههههههههههه قلبت معايا بضحك هايجننى والله بقيت هس هس خالص
معلش ياستاذ بلوجاتى خنقاك معايا بس والله ده المكان الوحيد الى بفضفض فيه اصل انا مفهمه الناس كلها انه عاقل اوى ماينفعش احكى لحد عالجنان ده
مش عارفه ايه الى مكبرها فى دماغه ان انا هاسيبه مع انى عمرى ماقلتها قلتلو انا بحبك وهافضل جنبك ومش هاسيبك ابدا وخلينا نفكر بالراحه وناخد كل حاجه واحده بواحده وقلتلوا اى حاجه هاتعملها انا معاك ومسنداك ومعاك ماكان ماتروح اعمل ايه تانى
اعمل ايه تانى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ميزان قرب يتكسر من تقل الدلو
سبحان الله نفس اللي بحس بيه ف اليومين دول خاصه و بكل الايام عامه ههههههههههههههه
ردحذفدائمادا اقرأ ان الانسان يصنع سعادته بنفسه ...
و ان السعاده ليست في نهاية الطريق بل يجب ان نسعد بكل لحظات حياتنا ..
و اللهي ثم و اللهي بجد مش عارفه دي السعاده اصنعها ازاي ..
لاهي بتيجي و لا انا قادره اصنعها
بالعكس اشوفها بتجري بعيد خالص و عمال المحها كده من بعيد و ف عنيه دمعه حائره ..كيف السبيل للوصول اليها .. و متى ؟؟
السلام عليكم :
ردحذفالظاهر ان الشتا فعلا بيجيب اكتئاب
والتاريخ يعيد نفسه
حاله مستعصيه
ميزان
السلام عليكم ورحمة الله ، أخي الكريم بلوجاتي ممكن توضحلي أكثر العبارة :
ردحذف( كل أزمة جواها فرصة بس الأنسان يستغلها ! )
هل تقصد تعلم الدروس من الأزمة هي الفرصة ، أم أن هناك فرص حقيقية أثناء الأزمات ينبغي أن يفطن لها ؟ ويا ليت ضرب مثال لتفريب المعنى لو سمحت
شكرا لك .
أقصد فرصة حقيقية ينبغي أن يفطن لها - و دي مش مقولتي - دي حكمة - للأسف معنديش مثال جاي في ذهني
ردحذفتحياتي