امرأة برج القوس – الوصف و التحليل (ممييييززز)!

امرأة برج القوس – المرأة القوسية – فتاة برج القوس

برج القوس : من 23 نوفمبر - 21 ديسمبر

سمات الشخصية :

حريتها شئ غالي عندها

تستخدم الدعابة أحيانا لتتويه الكلام أي تغير مجرى الكلام حتى لا تتكلم في موضوع لا تريد أن تتكلم فيه

تنفي دائما أي شئ يمكن أن يظهرها بمظهر الشريرة  و تؤكد أنها طيبة (أقصد أن الكل ينفي – طيب يعني هو كلهم كويسين؟)

عندها مهارة الفهم عالية – الاستيعاب – لكن الاستناج و التحليل أقل

هي تعطي ما تريد أن تعطيه أما إذا أحست أنها مجبرة فلا تعطي

و هي تعي تماما أنه لا يوجد شئ بدون مقابل

الصداقة عندها نوع من أنواع التواصل الاجتماعي لكنها لا تصل إلى درجة الأخوة

لما تمدح في حد قدامه لازم تقول في أخر الكلام عيب أو أكتر – بتخاف ليتغر –

لماحة

خيالها خصب و ممكن تسرح بيك

تحب فهم الشخصيات الأخرى و تعتبر نفسها خبيرة في فهم الناس

تكون صداقات و معارف بسهولة لكنها لا تستثمر في هذه العلاقات

تضع القليل من المكياج لثقتها في جمالها

دايما لابسين ماسك او وش بيخفي اللي جواهم و بيكون وش او جه ودود للغاية و من كتر ما بيلبسوا الماسك دة بيبقى حتة او جزء منهم و من شخصيتهم (يعني مش ازدواج لكن طبيعة شخصية) الماسك انها لطيفة و مش مغرورة و انها كريمة و مبتحبش المشاكل و ان ذكائها نص نص - عشان محدش يقلق منها -

  و انها طيبة لحد السذاجة

عمرك ما هتاخد منهم حق ولا باطل – يعني لن تعرف حقيقة مواقفهم -  دايما ودودين

مغرورين شوية لكن عمرك ما هتمسك عليهم كلمة او تصرف تقدر تزنقهم بيه و تقولهم اهوه الغرور اهه !

بشكل عام هاديين

بس انا لاحظت انهم لما بيحسوا ان اللي قدامهم فاهمهم قوي او فاقسهم بيقلقوا جدا و ممكن يهربوا لان دة بيقلقهم

يعني لو عاوز متقلقهاش بلاش تبينلها انك فاهمها بزيادة

مبذرين شويتين -

اصرف ما في الجيب ياتيك ما في الغيب - و يحبوا يستمتعوا بحياتهم

ملهمش عزيز يعني ممكن يبيعوا الشخص لما بيحصل فيه تعارض في المصالح

فيهم مكر ,  أو بالمصري سوسة

خدومين جدا طالما عايزين يحتفظوا بعلاقتهم بيك

بيحبوا اللي يسمعلهم و يقدرهم و يقدر جمالهم و فكرهم أو دماغهم

بيتطوروا باستمرار لكن ببطء

فيهم عزة نفس و بيعيشوا دور الارستقراط

بيحبوا الفسح والخروج جدا و السياحة 

وكمان الخروجات الجماعية

ممثلين درجة اولى – أو لنقل يحسنوا إخفاء ما في داخلهم -

عمرهم ما يواجهوك او يقولولك انت وحش في وشك

بيتكلموا كتير عن الصراحة و الكرامة و الحرية – على المستوى الشخصي –

تحب الرجل النزيه – يعني اللي ميدققش في الفلوس –  و يبر نفسه

طموحة مع حب للترف و الراحة فيظهر التناقض لأن الطموح لابد له من مجهود و تضحيات , و مع هذا التناقض يطهر الاكتئاب أو تسوء حالتها النفسية أحيانا و لكي تخفف من الاكتئاب تفعل ما تحب من ترف و انفاق و أكل .. إلخ

بتلوم نفسها على غلطاتها و بتعاقب نفسها – لكن هذا لا يمنعها من تكرار أخطائها – لأنها نارية مندفعة –

, أحب ان أنوه عن موضوع الطبيعة النارية بشكل عام – فالطبيعة النارية في الأبراج النارية تظهر من حين لأخر لا أنها موجودة طول الوقت ! – يعني مثلا الاندفاع و حب المغامرة كصفات نارية بتبقى موجودة في أبناء البرج الناري على اوقات متقطعة و لنقل انها لا تزيد عن 50% من الوقت , لكن النسبة تكون كبيرة عندما تكون عندهم ضغوط نفسية كبيرة

تحب الحياة الاجتماعية

شخصية خيالية حالمة بعيدة عن الواقع – لكنها ملمة بيه - تعشق التحديات تتعاطف مع الضعيف

عندها ميل بسيط  لممارسة دور الحكيمة و اسداء النصائح لكنها هواية يعني مش دائما و مش لحوحة في النصح

اعتزازها بنفسها- هي شايفة ان دي صفة أساسية فيها – و انا لا أنكرها لكن هناك أبراج أكثر اعتزازا بنفسها من القوس مثل الجدي و الميزان و الأسد و في معظم الأحيان العذراء و في معظم الأحيان العقرب

لا تحب الخسارة و لا تستسلم بسهولة هذا إذا دخلت المعركة , لكن إذا كانت خارج المعركة فقد تتردد في دخول معركة قد تكون هي الخاسرة فيها

مش صبورة إلا إذا حطت الحاجة في دماغها فساعتها بتكون عزيمتها قوية جدا

امرأة القوس لديها مكون غامض و إذا احست أن أحد فهمها جيدا تصبح متوترة و هي تعتقد أنها صريحة أو أنها كتاب مفتوح و الحقيقة انها فعلا صريحة جدا غالبا لكن مش في كل حاجة و عندها صراحة ممتزجة مع جرءة , و هي ترى انها صريحة و كتاب مفتوح زيادة عن اللزوم – و هنا تكمن الحقيقة "زيادة عن اللزوم" فبسبب اعتقادها دة بتعمل مكون غامض في شخصيتها أو بعض التمويه ان جاز التعبير

بالنسبة لامراة القوس فرغم رزانتها و عقلها الكويس - اللي هي مش مستغلاه كويس - لكن ليها تصرفات متهورة و غير عقلانية (يمكن عشان نارية(
أنتي لا ينقصك العقل لكن ينقصك التنفيذ !

تحترم المرأة القوية

و تحترم الرجل ذو العقلية و تنجذب للرجل الناجح

شكاكة 

امرأة القوس عندها رقي و بتفهم في الأتيكيت و تحسها دايما بنت ناس

كرامتها أحسها بطعم اللامبالاة ! يعني بتطنش الأخر كتير

بتعرف تخطط لمستقبلها كويس لكنها بتتلكأ في التنفيذ فهي بشكل عام متأخرة – و دة ليه عدة اسباب منها شوية كسل على انها تحب الترفيه و الرفاهية و الانجاز يحتاج لمجهود – لكنها في فترة تجد عزيمتها اتقدت و أسرعت بالانجاز لكن لنقل بعد فوات الأوان – أو متأخرة حبتين –

شتان تصرفات القوس عندما تريد شئ و بين عندما لا تريد شئ , فاذا ارادت ظهر تصميم و ارادة و عزيمة و اذا لم تريد ظهر كسل و تكبير دماغ و تواني

بشكل عام لا يهمها كلام الناس لكن يهمها فئة معينة هي تختارها – النخبة أو الصفوة من وجهة نظرها –

القوس بتحب الحرية و تقدرها و تعشق الانطلاق

متسرعة

تميل للاستقلالية

هي ترى نفسها عصبية لكن الحقيقة ان عصبيتها لا تظهر إلا لو كانت عليها ضغوط نفسية – غالبا عاطفية – أو حست بالخطر الشديد أو القلق الشديد فيما عدا ذلك فطبيعتها لا تعتبر عصبية

يمكن أن تجعل امرأة القوس تبتسم بسهولة و هي تقدر الدعابة

القوس تحب ان تعرف كل شئ و تجرب كل شئ فهي موسوعة في الحياة – ليس العلوم و السياسة - لكن الحياة يعني أماكن الترفيه و التسلية و ما إلى ذلك

تكره ان يستغلها احد ماديا , فهي مسرفة على نفسها , و متوسطة الكرم مع من تحب , و بخيلة مع الناس العادية

دايما عندها قلق أو شك أو خليط

الناري مندفع و مستعجل الأمور جدا جدا و لما الأمور مش بتمشي على هواه بيتعصب جدا

دي صفة لازم تهذب

وهي لا تفهم نفسها أو بشكل ادق تحاول ان تفهم نفسها و بالفعل تفهم نفسها بالتدريج و تصل للفهم الكامل تقريبا في اول الثلاثينات

المرأة القوسية و الرجل :

هي دائما قلقة من عيوبها أن تؤثر على نجاحها كزوجة في المستقبل

من الأبراج التي تفضل أن يأتي العريس عن طريقها هي لا عن طريق الأهل , أي لا تحب زواج الصالونات

تحب أن ترى تأثيرها على الرجل أكثر من حبها للرجل نفسه ! فإذا تأكدت من قوة تأثيرها لا تبالي به ! بالطبع إلا إذا وجدته يفر من تأثيرها و أسارها

تعشق أن ترى حبيبها مهبول عليها و مبهور بيها و بجمالها و بلبسها و بأنوثتها و بتصرفاتها

القوس بتشجع و تحفز زوجها و تدعمه

إذا أحبت تتفجر انوثتها و تعمل أي شئ لارضاء حبيبها و تملكه

تريد من حبيبها أن يعدد محاسنها و يتغزل بمفاتنها و يحسسها انها متفردة و انه مستحيل يحب غيرها

و أفضل طريقة لمن يحب امراة جوزاء هو التغيير و التجديد و عدم السير بوتيرة واحدة حتى ولو هتعاملها معاملة سوبر يفضل تغير معاملتك على فترات عشان متملش منك و تزهد فيك !

كشعار برج القوس - نصف حصان أو مهرة تريد الترويض و - النصف رامي سهام يهدف لاقتناص فريسته

ممكن نقول انها بتغير و بحب تملك حبيبها لما بتكون بتحبه لأنها بتبقى خايفة جدا تفقده , يعني بعبارة أخرى هي مش غيورة في الأول و ممكن ميلاحظش حبها للامتلاك و السيطرة في اول العلاقة

الدلو يعطيها الصداقة اكتر من الحب و هي تريد اللي يعطيها الحب اكتر من الصداقة

تتعامل مع زوجها بطفولة

و هي تحب الحب المتقد – الناري و تحب أن يبادلها الطرف الأخر الحب بنفس الطريقة – أي لهفة و شوف حب ملتهب

لو أحبت تصبح غيورة جدا – لكنها تكتم غيرتها و تقدر تسيطر عليها – وهي تغفر لزوجها زلاته بشرط أن يرجع لها دائما و أن تكون متأكدة تماما من حبه لها و امتلاكها له و هي تعتبر أن مغفرتها هذه ليس كنوع من التساهل لكن كنوع من الواقعية – فهي بسبب طبيعتها الشكاكة تعتبر أن كل الرجالة ملهومش أمان يبقى احنا نأخد أقلهم خيانة و نستحمل هنعمل ايه هي دي البضاعة اللي في السوق –

وهي تحب الشخص المتكلم

لاحظت ان امرأة القوس لو تزوجت رجل اقل من طموحاتها –دون أن تدري يعني أخطات في الاختيار – تميل لمحاولة التأقلم لذلك ممكن نقول ان القوس تعتبر متأقلمة و نلاحظ أيضا انها لا تتخذ الخطوات الكبيرة بسهولة بمعنى انها رغم شجاعتها و تهورها لكنها مترددة جدا في الأمور الكبيرة

امرأة القوس بتبقى عاوزة الراجل يبقى زي الخاتم في صباعها - تمتلكه امتلاك كامل

 و دة اللي بيخليها تديله كل حاجة ممكن يتخيلها عشان ميقدرش يستغني عنها أبدا يعني تأسره بجمالها و دلعها و اغوائها و كرمها و تحملها - عشان في النهاية يبقى أسير

لكن حب استحواذها و رغبتها في التملك الكامل له تنقلب لنوع من أنواع السيطرة - القيد الحريرى !

من الجائز أن يكون حب امتلاكها لرجل و السيطرة عليه نابع من عدم احساسها بالأمان فهي تسعى لعمل كل ما يربطه بها مدى الحياة , أو لعدم تحملها أن يهجرها رجل فتتجه للاتجاه المضاد هو أن تعمل على أن يكون متعلق بها جدا

إذا احبت تكاد تفقد عقلها – فاندماجها في الحب شديد يطغى على تفكيرها – يعني تصرفاتها تجاه حبيبها أحيانا تكون غير عاقلة يعني مثلا ممكن تندلق عليه أكثر من اللازم يعني رغم ذكائها لكنها مش تعرف تسيطر كفاية على تصرفاتها بسبب طبيعتها النارية

وبياخدوا موضوع الحب دة على اعصابهم لكن لازم يبقى فيه شوية عقل

المرأة القوسية تتحدث عن نفسها :

"مشكلة اني قوس ناريه احب نتائج بسرعة"

"لاني قوس ايضا كتاب واضح الناس تشوف فيا اني غامضة من كثر وضوح ودايمن يشكون فيا ان وراء وضوحي سر........لانا اغلبية البشر غامضين......"

"انا عازوه يحبني ينجن بي ..

..اعطيني اسلوب اخليه يطلع ال انا ابيه منه او اسلوب كيف اخليه يحبني هو ادمن عليا عفكرة "

"انا صراحه احس انو القوس مررررره استقلاليه وتعبانه بحياتها"

"لى فكره مولودات برج القوس يحبو الرجل المستقل القوي ... الي يقدر يشيل نفسه ويشيلها معو
يعني ما تحب الحساس والضعيف الي دايم يندب حظو"

"انا مش انانية انانية انا عايزه لي وحدي ... لاحظ اني من الاول كنت عايزاه ينبهر وينهوس في فعملت شو جامد على الصعيد النفسي والعاطفي لكن كنت استنى منه يبين هالانبهار ويمشي يكلم نفسه "وهذا سر المرأة القوس" رغم ثقتنا بانفسنا بس مع الرجل لازم اشوفه يبكي لاجلي "

"الرجل الذي يعشق الاثارة والغرابه لابد له من امرأة قوس"

"مقهورة جدا انه بعد هذي المعاملة مايتغير عشاني"

"حيخليه دايم فاكر انا ايش وقد ايش هو غبي انه خسرني ومش مهم نرجع لبعض المهم انه يعيش احاسيسي الي عيشني اياها "

"ووصلوا مرحلة الي اعتقدوا اني انا خاتم في اصبعهم وبعدين بعد عدة مواقف تجيني كهرباء في راسي واصير فجأة قوية عاطفيا واتركهم بكل برود"

"في يوم بقي اتصلت عليه  لاقيته كنسل عليا وماتعرفش يومها اد ايه كرامتي انجرحت وقعدت شهر ماكلموش"

"بما اني قوس انا عصبيه وعنيده معاه بحاول اخف من العند ده بس المشكله انه بيعمل تصرفات فعلا بتضايقني ولو انا مش متاكده انه بيحترمني كنت اقول انه بيهيني "

"انا بحبه بجنون وبحس معاه بأمان لايوصف لمجرد وجوده بالمكان احس ان الدنيا لا تزعجني وكأنه سند لي في الحياه في في عنيه صدق وحب مع انه مش بيعبر عنهم بالكلام بيدوبوني كلمة مميز او فريد شويه عليه بحس انه ابني بخافى عليه من نسمة الهوا لتجرح احساسه الرقيق بيحسسني اني ملكة متوجه تأمر فتطاع "

"عصبيه وعنيده لاني بطبعي مش بحب الي يتحكم فيا  

لكن مش ندمانه علي اي شيئ واتعلمت حجات كتير"

"بالنسبه لامراه القوس

بتحاول تظهر انها  دايما قويه وقاسيه  وانانيه لكن لو  دخلت جواها هاتلاقي بحر حنان وتضحيه من غير حدود وبدون مقابل بس للي بتحبه

كمان مش سهل انها  تحب ولو حبت يبقي باخلاص وعمق جدا يمكن لانه بيتصف بصفات الكمال في مخيلتها رغم العيوب الي شايفاها وواضحه قدامها بس بدام وجدت الصفات الاساسيه يبقي مش مهم اوي العيوب بالنسبالها يمكن تكون مثاليه"

"انا مش من النوع المتهور او الغيور و لما احس ان الي قدامي واضح معايا  خلاص حتي بسيبه بديله الثقه يعني كان اوقات  بيهزر مع اصحابي قدامي وانا  عادي جدا واثقه فيه ده طبعا  قبل مانقلب علي بعض

في حاجه كمان احب اضيفها من عيوب شخصيتي  اني مش بعترف بالوقت  بحب اتصرف بحريه من  غير قيود  المواعيد  هو طبعا 

كمان ممكن اكون مستهتره شويه  بس  مش معناه اني بهمل المسؤليه لا لو حد اداني المسؤليه بكون ادها

  ومش بهتم بالتفاصيل اوي

يقول بلوجاتي : –  إلا مع حبيبها – و عدم الاهتمام بالتفاصيل المقصود التمعن و التفكير العميق فيها – كنوع من الكسل – لكن عندها قوة ملاحظة عالية

""" بالنسبه لطبيعتي النفسيه

ممكن اكون  شخصيه متقلبه  جداا  يعني  ممكن اكون هاديه  وفي لحظه لو حصل موقف استفزني اتنرفز  واقلب درجه بس  برجع تاني لطبيعتي  لما اطلع الي جوايا  180
مش بحب اشيل في نفسي بمعني اصح وده  بعتبره اكتر عيب فيا  عصبيه زياده عن اللزوم

كمان متسرعه جدا  دي برضو مشكله في قراراتي  باخدها  بسرعه جدا تقريبا مش بدي نفسي وقت افكر بس ده بالنسبه للمواضيع العامه او المواقف المفاجئه   لكن لما الموقف يخلص واقعد مع نفسي اراجع كل الي عملته  واهدي وافكر  ارجع اقول ليه ماعملتش كذا   لكن في قرارات  بتستوجب التفكير العميق  مش معناه اني لاغيه عقلي  خالص

 صريحه جدا والي في قلبي علي لساني زي مابيقولو ودي مشكلتي مش بعرف اجامل  نهائي بس شويه بتعود

بحس اني جرئيه في قراراتي  مش بحب التحكم حتي من اقرب الناس ليا  كمان مش بحب الكذب  لاني  بشوف ليه اكذب لما ممكن اقول الصراحه يعني  ايه اسواء الافتراضات  الي يحصل يحصل

طموحه زياده عن اللزوم بس الحمد لله معظم احلامي بتتحقق لاني بحطها في دماغي   بس دايما الناس تقولي انتي عايشه في احلام ورديه  حتي اصحابي يقولولي انتي مش عايشه في الدنيا يمكن  لاني ببقي متفائله  زياده عن اللزوم

دايما  بشوف ان ليه نبص في نص الكوبايه الفاضي خلينا نشوف الجزء المليان طبعا ده مش بيعجب ناس كتير

  بحب الي  يديني الثقه  لاني مش  بعمل حاجه غلط ،يعني براعي ربنا في كل تصرفاتي وواضحه دايما مع الي قدامي ،بالنسبه لاهلي تقريبا  بحكيلهم كل حاجه عني  علشان اريح نفسي او اكسب ثقتهم بس مش كل حاجه اكيد في اسرار بحتفظ بيها لنفسي بس برضو  بتتعرف لاني  للاسف كل حاجه بتبان عليا 

 اصحابي هما اهم حاجه في حياتي  ماقدرش استغني عنهم ابدا ومش بحب اقعد وحدي  او اقعد في البيت  بحب دايما الخروج مع اصحابي  وبحب السفر اي حاجه فيها حريه وانطلاق

 بعتمد علي احساسي في الحكم علي الاشياء  وتصرفات الناس  ودي معظم اصحابي يقولولي اني غلط بس كتير بتبقي صح  بفهم الناس بطريقه عجيبه انا نفسي مش عارفاها يعني بقراهم ممكن من تصرفاتهم من  عينهم بيتهايالي دي مش موجوده عند كل حد  ده بيخليني  شاكه  برضو في احساسي رغم  اني متاكده منه من كلام الناس

كمان انا مش لبقه ومش بعرف اقول كلام حلو كتير بس بحاول

كمان مش بندم علي  الي فات  بعتبره دفعه جديده للمستقبل بتعلم من اخطائي  

لما  بسيئ لحد سواء بقصد اوغير قصد بعتذرله حتي انا كمان لما حد بيزعلني  ببقي متوقعه الاعتذار

في حاجه مستغرباها في نفسي اوي  لما بحب حد اوي  بجرحه اوي اوبقسي عليه مش عارفه ليه يمكن لاني ببقي متعشمه فيه او عايزة اعرف غلاوتي عنده هايسامح اد ايه

او ببقي متوقعه رد فعل معين ومابيحصلش  مش عارفه  كمان سعات بحس اني انانيه رغم اني مش كده

لكن انا متسامحه جدا  ، بسامح بس مش بنسي تقدر تقول بطنش علشان  مش اشيل من حد يعني مش بحب ازعل من حد 

اصحابي شايفيني اني ميه دماغ في بعض وليا ميه الف رأي

ممكن اكون متردده  ""

"كل حاجة تمنيتها في شريك حياتي لقيتها فيه ...من ناحية الرجوله والعفويه والاعتماد والجديه في العمل وتامين المستقبل والحنان والعاطفه .  و يعرف يعبر عن حبه ليها "

"انطلاق واستقلاليه انثى برج القوس

عصبية ومنطلقه وما تحب القيود .."

"لكن فيه بنات قوسيات يأسو من التحرر والاستقلاليه فتجدها على اخر عمرها تبغى واحد يعطيها حنان وتستقر

صح انا متحرره واحب الطلعات"

"مشكلتى انى مينفعش اتجوز واحد مبحبوش لازم اكون بحبه جدا وهو كمان بيحبنى

 انا كرامتى فوق كل شئ وصعب اقدم السبت والحد وملاقيش حاجه "

"بالنسبة لكلامك يا بلوجاتي عن إمرأة القوس - انها تحب السيطرة على رجلها - برأيي انها تحاول ان تفرض شخصيتها وتثبت وجودها لأن تجاهلها يعني بالنسبة لها نهايتها ..
وإلا في الحقيقة إمرأة القوس لا تحب ابداً ان تستبدل دورها مع الرجل ولا تحس ابدا بالأمان مع الرجل الضعيف الذي يخضع لسيطرتها.
كل ما في الأمر اننا نحب الرجل القوي وبنفس الوقت الذي يقدرنا ويعرف قيمتنا و أهميتنا.  "

"مولودات برج القوس يحبو الرجل المستقل القوي ... الي يقدر يشيل نفسه ويشيلها معو يعني ما تحب الحساس والضعيف الي دايم يندب حظو  "

"مين قالك انك تصدق كل كلامي 
صحيح قلتلك تبعد بس مانت عارف دايما برجع في كلامي

يمكن كلام طلع مني في وقت ثورتي مكانش المفروض يطلع مني

يمكن كنت عايزة اعرف قيمتي عندك

يمكن كنت بدور علي موقف اختبرك

ممكن اكون غلطت في حقك بس برضو انت الغلطان

قلتلك خلاص كرهتك يمكن كنت فاكره اني هانساك
بس عمري ماكرهتك ولا هاقدر انساك 

نفسي نرجع تاني ولو يوم من ايام زمان
نفسي اشوف ضحكتك ولهفتك عليا زي زمان
يمكن كان غلطنا احنا الاتنين بس انت برضو اناني  "

بلوجاتي : نستفيد من الكلام السابق أنها بترجع في كلامها كتير , انها لما بتتعصب بتقطع و لما بتهدى بتندم , انها مش بتحب تحمل نفسها المسئولية وحدها لازم تحمل الأخر معاها المسئولية – يعني مبتحبش حد يشيلها الغلط كله لوحدها - , انها بتضع حبيبها في اختبارات , انها صعب تنسى حبها الحقيقي , ان الذكريات الحلوة بتتحفر في ذاكرتها و دة معناه انه عندها صفة الحنين إلى الماضي

"مش بخيلة ابدا بس مش ساذجة "

"فى حاجة كمان بالنسبة لحريتى ممكن اعقد فى مكان شهر مخرجش لكنى عارفة ومتاكدة انى يوم ماأنوى اخرج هانزل دلوقت بدون نقاش من احد ,لكن لو قاعدة فى مكان مدة طويلة وعارفة ان مفيش بديل غيرةبشعر ساعتها بالقهر والثورة "

"انا ممكن اتحمل الهجران و الخداع لكن ما اتحمل ان شخص كان ملكي ينساني "

"في حاجه مهمه فينا القوسيات اننا صادقين جدا مش بنحب الكدب لو اتعرضنا لموقف مش عايزين نرد نغير الموضوع علشان نتفادي الكدب وده الناس بيتفسره غموض "

"في حاجه حابه اضيفها عن برج القوس هو مش مسيطر خالص زي مالناس فاهمه بس بنحب الاهتمام والحنيه التجاهل هو المشكله ده اللي عايز يكسبنا والله احنا طيبين خالص بس بنحب الي يحترمنا ويقدر عقلنا مش اكتر ياخدعينينا بس الناس مش فاهمه كده "

"القوس عفوية زيادة عن اللزوم وحريتها مدياها مساحة كبيرة"

"كريم بحرص"يعنى ميحبش حد يستغله "

"يعتقد في نفسه " حدسه عالى وبيعرف يحكم على الامور كويس بيفكر لغيره كويس ولما بيقع فى مشكلة مش بيعرف يتصرف "

"صاحب ارادة عالية وممكن يتحدى الدنيا فى حاجة مقتنع بيها وبعدين بيرضخ للواقع وعنده"

"في حاجه في حته ان القوسيه مش بتسمع الكلام ده مش غرور او تسلط بس مش بتحب الاوامر وفي فرق بين الطلب والامر يعني الي عايز حاجه يطلبها بطريقه حلوة هاتنفذ "

"معتزه بنفسها وعجباها تصرفاتها اللى احيانا بتكون طفوليه..اكتر حاجه بتحبها فى حياتها هى حريتها متحبش تحس انها ملك حد ابدا وتحب شخصيه الراجل القوى"

"وبتعرف ازاى تتخلص من حبها وتنساه بسهوله برضه (أشك ) ..متسرعه جدا ودايما بتقع فى اخطاء بسبب تسرعها ..مش بتوزن الامور بعقلها الا متاخر ..عندها عفويه وجراه "

كلام من المحيطين لأمرأة القوس :

"  أما أختي بقى في أوائل العشرينات وهي أنزوحة شوية ومسرفة شويات بس كريمة جداً زي والدي يعني اللي في ايدهم مش ليهم أختي بتحب الخروج وبتحب تهرج كتير بس اما بتكلم معاها بجد بحسها عاقلة جداً .. عندها اقبال على الحياة ونشيطة في كل حاجة إلا شغل البيت ههههه .. سايبه كل الشغل علي وعلى والدتي .. بس لما كنت تعبانة بسبب الحادثة كان لازم تساعد الحجة لأنها ست كبيرة .. وأول ما ربني كرمني وقمت رجعت ما تعملش أي حاجة إلا نادراً أما الحجة تديها كلمتين في العضم مثلاً .."

"فهي عاطفية متطلبة
وكل ما سايرتها عاطفيا ركنت للعاطفة اكثر وطلبت الكثير
اشعر أنه يجب دفعها والقسوة قليلا عليها حتى تعمل"

"هي قوس أصلي صريح و منطلق و يحب الحياة و يكره التقاليد"

"القوس منطلقه وفى كل مكان تلاقيها ومعظمهم عايز الرجل اللى يلاعبها على الشناكل لو جالها سهل متحبوش"

"القوس في حالته السلبية أفضل منه للغير في حالته الاجابية"

مشاهير امرأة القوس :

مي كساب , جيهان نصر , ميرفت أمين , فايزة كمال , تينا ترنر , كريستينا أبلجيت , كاثرين هيجل , كيلي بروك , باربرا و جينا بوش , ايلونا ستالر "سيكيولينا" , ماريا بيتروفا , جينا لي نولين , ماجدة الرومي , تيري هاتشر , كيم باسنجر , فيليستي هوفمان , جنيفر كونيللي , أليسا ميلانو , جولي دلفي , جوليان مور , مديحة يسري , بريتني سبيرز , مونيكا سيليز , إيملي مورتيمر , إيمان سركسيان , حليمة بولند , جاين أوستن , نبوية موسى , ميلا جوفوفيتش , سونيا غاندي , كاتي هولمز , كريستينا أجوليرا , جين فوندا , نجلاء فتحي , عفاف شعيب , منى جبر , كاميليا , بسمة , سهير الباروني , شريهان , حياة قنديل , سوزان نجم الدين , أسمهان , ميرفت أمين , شويكار , ميرنا وليد , ندى بسيوني , بوسي , علا غانم , فايزة أحمد , يوليا تيموشينكو , أنا نيكول سميث , دونا ميلز , لوسي ليو ,

تنبيه و تحذير كل ما كتب في هذه المدونة عن صفات الأبراج هو من واقع خبراتي ومشاهداتي في تحليل الشخصيات والتعامل مع البشر وليس له علاقة من بعيد أو قريب بالتنجيم أو الفلك أو الحظ أو التنبؤات! والبرج هو الشهر في السنة الشمسية و هي تقابل السنة القمرية و الشهور القمرية, فما أكتبه يشابه أن تكتب التشابه في صفات أبناء بلد معين أو مهنة معينة, فالعلاقة هي المصاحبة (التوقيت) لا أن النجوم تؤثر في الصفات ,و يشابهها أن نقول أن الجيل الفلاني يتصف بكذا و كذا (صفات في داخل فترة زمنية) -         نسبة دقة الكلام المكتوب – في تقديري الشخصي -  حوالي 80% , بمعنى أنه يصدق أو يصيب بنسبة 80% من الناس و 80% من صفاتهم كأفراد -         تشابه الصفات في داخل وقت محدد هو آية من آيات الله عز و جل – وأن الكون كله في تناغم و علم مسبق لله عز وجل صفات الأبراج – لماذا حذفت و لماذا أرجعت المدونة في الرابط التالي: https://blogatee.blogspot.com/2015/10/blog-post.html وفيه كيفية الاستفادة من الأبراج بشكل سليم لمن أراد معرفة تفاصيل وقصة من أين أتيت بالكلام المكتوب في المدونة عن الأبراج طالع البوست في هذا الرابط : حكايتي مع الأبراج https://blogatee.blogspot.com/2008/09/blog-post_04.html لمشاهدة كل الموضوعات في المدونة اضغط على هذا الرابط: http://blogatee.blogspot.com/view/flipcard