هل اصبح القاء الرئيس بوش بالحذاء عملا بطوليا !!! ينبغي الأحتفاء به !!!
هل هكذا نعلم ابنائنا ؟؟ بدلا من ان تجتهد يا بني او تتفوق او تخترع او تصبح مديرا ناجحا يكفي ان ترمي اي رئيس امريكي او اسرائيلي بالحذاء لتدخل التاريخ ولا مانع يا بني ان تبتكر لتنال مكانة اعلى و تف عليه مثلا و لتكن تفافة بالبلغم
هكذا تكون الأعمال البطولية هكذا يكون النجاح
شفتوا الهبل فيه ناس بتقترح عمل تمثال للجذمة طيب لو الموضوع عاجبكوا اعملوا تمثال للي رمى الجذمة مش الجزمة نفسها !!!
ولا الجزمة كمان بقت بطلة ولازم يتعملها تمثال !!!!
مفيش عقل مفيش تقدم
انتهى
لفهم وجهة النظر بشكل كامل أرجو قرائة البوست التالي :
الفكر كما ينبغي أن يكون ....!
و اذا أعجبكم فياريت تقروا دة كمان :
عفوا ..... ليست الأمكانيات ....!
الاثنين، 22 ديسمبر 2008
أيوة انا ضد عملية الحذاء ..!!!
الاشتراك في:
تعليقات الرسالة (Atom)
اختلف معاك جدا لية بئا اولا حنقول ذاكر يابني تقدم يا بلد وبعدين الولد يذاكر يا يدخل الكلية اللي عايزها وتنمي مهراتة يايتحبس في كلية ملهاش اي لزمة وتخلية يدفن بلحياة ولنفرض دخل كليتة واجتهد والمفروض يتعين معيد حيجي الكوسة دورها ويتعين ابن الدكتور بلاش الحظ كان حليفة واتعين حياخد مرتب ضئيل والدراسة والتعيين مش حتوفرلة اي تقدم عقلي او تنمية للابتكار ويجي يعمل دراسة الماجستير في شيء عبقري جدا بس بدون تجربة عملية وياخد شهادة ماجستير ولسة مطبقتش لانها يا سادة في الدرج لان مفيش اماكن لتطبيقها وحيبئا زي زويل يجي بئا الدور للام الحاضن امريكا يسافر هو يخترع هناك ويستفيدوا بية ويبئا متامرك امريكاني يعني بس فية عرق عربي بيختفي بلايام يبئا ايه الحل مع دولة موتت ناس وشعب انتهكت اعراض مسلمات امام زوجاتهم لو واحد عربي شاف واحدة بينتهكوا عرضها ودامة مش حيرميهم بلجزمة لا بصاروخ لو يقدر لو انت ضدد الجزمة يبئا لازم تكون كمان ضدد الانتفاضة الفلسيطينية اللي بدات بلحجارة لان ببساطة مفيش اسلحة يدافعوا بيها عن نفسهم اطفال بتموت شباب بتقتل عزة رجال بيداس عليها الستات بينتهك عرضهم امام اهلهم يعملوا ايه بس معاهم نسيت ابو غريب نسيت كل اللي بيحصل انا معاك ان اللي حصل دة مش موقف بطولي نفضل نمجد فية بس دة الم بيفقونا بيقولنا فقوا بئا بلاش جبن اصرخوا اتكلموا الناس فرحانة عشان عايشة في قمع وظلم عشان لو حاولت تفكر او حاولت تتكلم وتقول لا مصيرها بيكون بلجزمة وفي شعبها لان بقا البنادم ملهوش قيمة ويمكن الجزمة ليها قيمة عن البنادم
ردحذفيمكن اكون اول مرة اختلف معاك بس دة راي انا ودة راي والاختلاف مفهوش شيء غلط لولا الاختلاف لبارت السلع سلام يابلوجاتي وتبئا تقرا موضوعي الاخير
انا كنت بكتب بسرعة ففي اخطاء كتير
ردحذفالأخت حروف
ردحذفانا عارف وانا بكتب اني بكتب ضد التيار - و الموضوع يعني موضوع الجزمة انا شايف ملوش اي اهمية وميستاهلش اني اكتب عنه
لكن اللي استفزني للكتابة هو ردود افعال الناس !!!
انا ضد الأنفعال بدون عقل
انا ضد الدخول في دوامة الشماتة و الغل و الكره
انا ضد تفريغ الانفعال باي طريقة و السلام و بعدها الواحد يرتاح و كأنه عمل اللي عليه و زيادة !
اذا كان استاذ الجامعة مش عايزني انجح يبقى لازم انجح مش اديله لالجزمة !
اذا كانت امريكا مش عايزانا ننجح يبقى لازم نشتغل و نجتهد و نفكر و نخطط و ندبر و ننجح ! لكن اني اشتم امريكا و العن ابو سلسفينها فدة قمة التخلف العقلي اضافة لقمة الضعف اللي موجود أصلا !!
يعني : تخلف عقلي + ضعف + مؤامرات من الأعداء = فـــشــــل
يا ناس يا هوه
يا أمة لا اله الا الله
الأعداء مش ممكن هيبطلوا يبهدلونا او يتأمروا علينا لأن دي وظيفتهم !
لكن احنا وظيفتنا اننا نبقى أحسن منهم و نخطط زي مبيخططوا !!!!
الأنتصار عمره ما جه ولا بالجزمة ولا بالحجارة !!! ولا بالشتيمة !!
الأنتصار بالعقل والعمل !!!
يعني خطط صح وبعدين نفذ
العاطفة عمرها مبتبني !!! الا عاطفة الحب - لكن العقل ممكن يبني - الجهد ممكن يبني !
يا جماعة لو كان رسول الله صلى الله عليه و سلم عايش وسطينا تفتكروا كان هيرمي بوش بالجزمة ؟؟؟؟
ولا كان هيقول للمسلمين اجتهدوا و اتوحدوا و تقدموا و بعدين حاربوا اللي انتوا عايزينهم !!!؟
و في النهاية لا يصح الا الصحيح
يا اخ بلوجاتي يا اخي العزيز لا زلت اختلف معك انت مش وسطهم عشان تحس بية الزيدي يعني لو واحد ازتفزك في الشارع حتخرج عن شعورك وتشتمة مش حتفكر تتقدم عليه بلعقل الزيدي اخر موضوع عملة كان عن هتك اعراض المسلمات العراقيات امام ازواجهم وامام اطفالهم وامام الناس علي يد الامريكان جة بوش يتكلم عن السلام اللي قام بية والدنيا اللي بقت بمبي خلي الراجل يخرج عن شعورة عادي جدا انت بئا بتتكلم عن انك ضدد التيار لا انت مش ضدد التيار ولا احنا العاطفة اخدانا احنا عارفين القضية صح بس بنحاول ندور علي فرحة تنسينا هممنا زي الي شايف وبيغمض عينة عارف ليه عشان لما بنفتحها بنلاقي واقع صعب نعيش فية لا قادرين نغيرة ولا قادرين حتي نصارح نفسنا ونقول الحقيقة الناس بتمشي علي الرصيف وفي الظل لاحسن تتحاسب ان خيالها بان يابلوجاتي انا معاك ان موضوع التمثال وان موضوع الفرحة زيادة اوي وهمجية ومعرفش اية وحاجات كتير زي ما الناس شايفة اننا بقالنا 25 سنة واكتر بندعي علي اليهود والامريكان وفي خطبة الجمعة نقول امين بعلو صوتنا ومن قلبنا مع ان لو البشر دول اللي بيصلوا اتجمعوا في العالم العربي وقالوا يحاربوا حيكون في نتيجة بدل مندعي ونسكت من غير فعل قولي في ايدنا اية نغير ما بانفسنا الاول عشان الحال ينصلح طيب الشعب غير اللي جواة حيحصل ثورة زي ايام عبد الناصر تيجي ناس تغريهم المناصب والكراسي ويجي واحد زي السادات نعيش في دنيا جميلة وبعدين....... احنا في دوامة الكويت بتقول الكويت حتبقي ازاي ف 2025 واحنا مش عارفين مصر حتبئا ازاي في 2009 حنذاكر ونتعب وحنعمل اللي علينا وفي ناس كتير بتعمل كدة بس مكبوتة ومش لاقية تاكل واحد اخترع حاجة خاص بلسيارات تقلل تكلفة ادم الاختراع لتنفيذ في مصر رفضوة راح المانيا ودلوقتي صاحب اكبر مصنع سيارات وغيرة وغيرة الناس بتنجح وبتكون مفيدة لغيرها مش لبلدها مش بقول منتقدمش بنقول نغير القمة والقاع حتلاقية اتغير اوتوماتيك عشان محدش نفسة يكون وحش الناس نفسها تتغير الرسول صلي الله علية وسلم لو كنا في عصرة كنا حاربنا لو مصر قالت حربوا العرب حيقولوا زي ما اليهود قالوا لسيدنا موسي مفيش وحدة احنا بنستورد من امريكا ومناوربا ومفكرناش نستورد من ليبيا اللي جمبنا او اي بلد عربية حنتكلم في ايه ولا ايه بس
ردحذفطولت كلعادة سلام
ولا عملية الحذاء هتعمل حاجة للعراقيات اللي اغتصبوا ولا هتفيدهم بشئ ! ولا حتى الأنتقام ! و كذلك الفرحة الغامرة بالعملية مش هتعمل حاجة !!!
ردحذفكلها عواطف و مشاعر ساذجة و متخلفة !!!
تاني و تالت و رابع و مليون دوروا مش هتلاقوا واحد ناجح في الدنيا بيخلي انفعلاته هية اللي تحركه
عايزين ننجح ولا عايزين نهلل و نشتم و نلعن و ندعي على اللي ظلمنا ؟!!
يا ناس يا هو , مي قال اننا محتاجين نحارب امريكا ولا اسرائيل - احنا محتاجين نبقى اقوياء و لو نجحنا في دة مش هنحتاج نحارب حد - لأن حقوقنا هترجع لوحدها ساعتها !!!
و القوة مش القوة الهمجية - مهياش عركة في خمارة !!! -
لكن القوة هي القوة البشرية - نوعية البشر -
quality of people
و مش عددهم
و العرب مش هيتحدوا غير لما يبقوا بني ادمين نضيفة و انس كويسة ساعتها بس هيتحدوا و لو اتحدوا مش هيحتاجوا يحاربوا !
اللي بيفكر بس في الحرب و الظلم اللي واقع عليه مش هيتقدم - دي مراهقة او طفولة فكرية دة لو فيه فكر من اساسه
هو دة اللي انتي فاهماه !!!!
ردحذفان اليابان لازم تحارب روسيا عشان تاخد الجزر بتاعتها ؟؟؟!!!!
اكيد هتخسر و كمان هتدمر بالكامل !!!
يعني لو اليابانيين خدوا بنصيحتك مش هيبقى فيه يابان !!!
عشان كلامك دة اليابان يابان و مصر مصر !
عشان هما ناس عاقلين
انت مصمم بئا لا مش دة اللي انا قصداة بس اليابان اذكي من كدة وحتاخدها بطريقة اللي هي شيفاها هما حاطين سياسة ليهم مش ماشين سبهللة والحرب مش لازم دروع وبشر وطيرات وقذاف يا بلوجاتي في حروب من نوع تانية اليابان بتعملها مع روسيا زي اتفاقية الصيد اللي انا اتكلمت عليها دة نوع من انواع الحرب ضدد اليابان ياباشا والحرب مش عيب ولا حرام طالما دة اخر حل لاسترداد حق وانا مقلتش نبدا بلحرب وتكون خيارنا الاولي غير البلد وشوف الشعب حيكون ازاي الشعب اللي بيبني طب والسياسات والحكومات اللي مالكة البلد كاننا لازلنا في عصر الاشتراكية كل موارد مالكها الحكومة تحت مسمي تحولنا الي الراسمالية وفي وجود ديمقراطية بين الحكومات وبعضها وغياب ديمقراطية بين حكومة وشعبها وكل واحد عندة راية وكل واحد حر
ردحذفالأنتصار عمره ما جه ولا بالجزمة ولا بالحجارة !!! ولا بالشتيمة !!
ردحذفالأنتصار بالعقل والعمل !!!
يعني خطط صح وبعدين نفذ
كلام صحيح ..
(كل شكري وتقديري )
لماذا لانت ضد الحذاء اذا رمى عليك الحذاء انتا على حق امااذا رمي على هذا المجرم فهذا قليل عليه ولكن انا لااستغرب من مصري ان يقول هذا الكلام فانتم طبعا مع الاستسلام
ردحذفالاخ بلوجاتي
ردحذفشدني راس الموضوع المكتوب على الهامش معنونا بعملية الحذاء واستغربت كثيرا عندما قرات انك ^^تكتب ضد التيار^^
لا ادري انا اعيش الان في اوروبا و لم اعلم ان الشارع المصري يعتبر الزيدي بطلا
انا في الاصل عراقي و لا اخفيك القول انني شعرت بالاشمئزاز عندما رايت الحدث
وهذا ليس شعوري وحدي بل شعور ملايين العراقيين الذين ادركوا ان الصحافة و الاعلام العراقي اصبحت ماوى لمثل هؤلاء الهمج اللذين تاثروا بنداءات و تحريض جهلة ارادوا ان يسيروا الامور حسبما تشتهي انفسهم خدمة لاجنداتهم الخاصة
و اثارت ايضا مخاوف ان تعود العاطفة و الشعارات و العنتريات الى الساحة مرة اخرى
انا عراقية واستنكرت هذا التصرف.. لانه صحفي والصحفي يحاور, يحاجج, يسأل, يناقش, لكن لا يستخدم حذائه للتعبير عن رأيه او موقفه.. المفروض انه شخص مثقف ويعرف كيف يعبر عن رأيه وقضيته بصورة مشرفة.
ردحذفانت لست ضد التيار, وانا معك.