كيف تسيطر على قطيع حيوانات مشاغب !! من وحي العلاوة والبنزين

سؤال جاء على بالي وحاولت الرد عليه :
ماذا تفعل لو عندك قطيع من الحيوانات المشاغبة أو المتمردة أو المتنمردة أو المتنمرة ؟؟
أعمل أيه أعمل أيه ؟؟
و بدأت أجاوب :
أول حاجة أجيبلهم كلب شرس يخوفهم ويفضل يهوهو طول النهار و أقولهم أن دة لحراستهم من الذئاب
ولو اشتكوا أنهم بيخافوا من الكلب دة أكتر من الذئاب أسيب شوية ديابة يقربوا منهم عشان يحسوا بالخوف ويعرفوا ان الله حق ! , واني بدور على مصلحتهم
و بعدين أجيب لهم راعي يكون قاسي يعاملهم بالشدة و عشان ميحسوش أني أنا اللي قاسي , اجيبلهم كمان راعي طيب بس ييجي يوم واحد في الأسبوع بس
و أجي في يوم و أكلهم أكلة جامدة عشان يعرفوا أني مصدر النعم
و بعدين أقللهم الأكل عشان ميتعودوش على الدلع
و مفيش مانع من حين لآخر أجيب واحد من القطيع المشاغب دة وأدبحه
و كمان أخلي الزريبة ضيقة , عشان يتخانقوا مع بعض من الزنقة و ميفكروش ضدي أو ميعرفوش يفكروا يشاغبوا ! ويبقى كل همهم يلاقوا مكان يقفوا فيه أو يناموا فيه أو يا ترى الأكل بكرة هيكون قليل ولا كتير !
وبكدة يبطلوا شغب و يعرفوا أني سيدهم وتاج راسهم !
يا ريت يا جماعة اللي يعرف وسائل زيادة للتعامل مع القطيع المشاغب يا ريت يخش يعلق وينورني زيادة !

و الآن أتكلم ...حد فاهم الرجالة ؟؟!

كنت أنوي ألا أتحدث عن الرجالة أو طبيعة الرجل , ببساطة لأن كلامي لن يعجب الرجالة و لن يريح الستات , لكن بعد البوست السابق : حد فاهم الستات ...؟؟!! , وجدت في الردود أن الرجالة أيضا غير قابلين للفهم .. يعني بصرة (بتاعت الكوتشينة مش البرتقال !!) , لأ ....لأ...لأ.... مش كل الطير اللي يتاكل لحمه أمال أيه !! , أنا مصمم الستات غير قابلين للفهم , أما الرجالة فيجمعم خط واحد لكن الستات لامنكن أبدا يجمعهن خط واحد أخرهم قصدي آخرهن أن يجمعهن شوية نقاط مبعثرة , اللي ذكرتها في البوست اللي فات ,
و سأحاول أن أعرض طبيعة الرجل في صورة سؤال و جواب و كذلك في نقاط سريعة , واللي يقرا يقرا على مسئوليته !! واللي متجوز ميخليش مراته تقرا البوست دة , واللي خاطب ياريت يبعدها عن المدونات من أصله !!

* لماذا ينجذب الرجل نحو المرأة ؟ (طبعا غير أنها تكون عاملاله عمل)
واحد يقولي الفطرة , صح بس الأجابة الأعمق هي : جايز عشان بتفكره بأمه و الحنان و العاطفة و الدفء الذي كان يحصل عليه عندما كان رضيعا , أو عقدة داخلية بأن الجنس الآخر أحلى و أجمل و أكثر نعومة منه , فيريد أن يستحوذ على الطرف الآخر ويمتلكه .

* ما الدوافع وراء انجذاب الرجل للمرأة ؟

في المراهقة : العاطفة الساذجة و الإعجاب بالشكل وكمان تجربة جهازه العاطفي.

في العشرينات : الرغبة الجنسية

في الثلاثينات : الإحتياج العاطفي وانه يكون مرغوب + الرغبة الجنسية تقريبا 50 % 50 %

في الأربعينات : خليط من الاحتياج العاطفي + الرغبة الجنسية + المراهقة

* هل الرجالة كلهم عينهم زايغة ؟

قبل الاجابة يجب أن نضع في الاعتبار أن استثارة الرجل سهلة وهي تتم بترتيب الفاعلية عن طريق االنظر و السمع و اللمس , أما الشخصية و العقلية و الكلام دة مش مهم , يعني لا يثير الرجل لكن يثير فيه حب الامتلاك

الاجابة : نعم

الحب قد يقلل هذا الأمر و كذلك الوازع الديني , لكن النفس أمارة بالسوء الا من رحم ربي

* هل الرجل عنيف أو عصبي بطبعه؟

في الحقيقة الهرمونات الذكورية تزيد من العصبية و الرغبة في العنف و على عكسها الهرمونات الأنثوية تساعد على الهدوء والوداعة !!!

* هل الرجل أناني بطبعه؟

الأنانية صفة مرتبطة بالأنسان رجل وأمرأة , لكن المرأة لا تكون أنانية مع اطفالها , لكن يزداد في المقابل حب الأستحواذ.

* الرجل عندما يحب يحب بعمق أكثر من المرأة

* المرأة أكثر من الرجل تحملا للصدمات العاطفية

* الرجل يصمد أمام الكوارث في المدى القصير لكن اذا طالت المدة ينها بعكس المرأة تنهار في أول الصدمة أو الكارثة ثم تصمد و تتأقلم.

* الرجل يغار على المرأة و من المرأة لكن المرأة تغار على الرجل و من المرأة

حد فاهم الستات ...؟؟!!

حاولت سنيين طويلة أفهم المرأة لكن هيهات , ما عرفته قليل :


- كل امرأة عالم بذاته تختلف عن بقية العوالم
- المرأة لا تلتزم بكلمتها (رأيها طالما فيه رأي أحسن ليه أثبت على رأي )
- المرأة تبحث عن الأمان (خوف دائم من المستقبل أو فقد الأحبة)
- المرأة بشكل عام تحتاج الى التقدير recognition , فهي عندها نقص في الثقة في النفس , عايزة تحس إن ليها فايدة و عايزة تحس أنها مهمة و عشان كدة بيحبوا الأطفال لأنهم دايما بيحتاجولهم , لذلك اللي عايز يكسبهم لازم يحسسهم إنهم مهمين يحسسهم انهم متميزين , تحسسهم أنك متقدرش تعيش من غيرهم ..!
- الكلام أو بالتحديد الكلام الحلو (الإطراء والمديح والثناء و الاعتراف بالجميل و التقدير) أهم عندهن من الفعل حتى ولو قلن غير ذلك , الكلام الحلو للمرأة مثل الماء
- المرأة جميلة كانت أم لا محتاجة اللي يقولها أنتي جميلة
- المرأة مهما كبرت سنها محتاجة تحس أنها مرغوبة wanted
- المرأة إذا أحبت ممكن تعمل أي حاجة
- المرأة تثار من أذنها (يعني عن طريق الكلام الحلو )
- المرأة تضحك على الرجل عندما تطالب الرجل بالصراحة (احذر هذا فخ..!)
- المرأة تطالب بالصراحة ولا تمارسها و أيضا لا تستطيع تحملها
- لن تستطيع أبدا أن تتنبأ بمن الذي ستقع المرأة في حبه ...!
- المرأة تحب أن تشتكي وتفضفض و بعض الفضفضة أو البكاء بتفرغ الشحنة السلبية بداخلها وببتبقلى كويسة
- المرأة تغار من المرأة
- إياك و مديح امرأة أمام امرأة أخرى
- غريزة الأمومة أقوى الغرائز الإنسانية
- المرأة كائن عاطفي يحكم العواطف على العقل
- الحقيقة عند المرأة لها أوجه كثيرة
- المرأة لها قدرة عجيبة على ابتكار إجابات خارج قانون الاحتمالات , يعني مثلا لو طلبت منها الزواج , فان الرجل يتوقع واحد من ثلاث احتمالات : نعم , لا , أفكر
فتفاجئه المرأة كل مرة بإجابة مختلفة خارج الإجابات السابقة مثل : لما أخلص كلية , محتارة , أنا مش بفكر في الجواز دلوقتي , عملت استخارة و شفت حلم وحش .... الخ