الاثنين، 14 ديسمبر 2009

امرأة برج السرطان (ممييييززز)!

امرأة برج السرطان - أنثى برج السرطان
برج السرطان : من 22 يونيو - 22 يوليو

أكثر أبراج بني جنسها رقة ! ضحكتها فيها براءة و طفولة , مخلصة لزوجها لكنها اذا كانت غير مرتبطة لا تعرف هي ميالة لمين ؟!
عندها اعتقاد يقيني أنها ستتزوج أول واحد ترتبط به - يعني تعتقد أن أول خطيب هو الذي سيكون زوجها -
وهي و إن كانت غير طموحة لكنها تحب أن تعمل أو تفضل العمل على الجلوس في البيت , لكنها ستتنازل عن عملها بسهولة أمام احتياج بيتها لها !
تحب حياة الرفاهية و تهتم بمظهرها لكنها لا تقانل من أجل الرفاهية مثل امرأة القوس أو تقع في تبذير امرأة القوس و امرأة الأسد
لا تحب تقديم التنازلات
أمرأة السرطان بتدخل في جو الحب بسرعة أول مبتخطب و كمان بتحاصر خطيبها بالحب ودة بيخنقه و بيحس انها زنانة و عبء عليه لأنك أكيد عايزاه يعمل معاكي زي مبتعملي معاه !!!
مستفزة بشكل طبيعي بالفطرة دون تعمد فما بالنا اذا تعمدت !
امرأة السرطان مستفزة و شخصيتها منتفخة - دون ان تحاول ان تبذل المجهود الكافي لتكوين شخصية كما تريد , فمثلا امرأة الميزان شخصيتها منتفخة أكثر من السرطان لكنها تبذل مجهود أكبر بكثير لبناء شخصيتها من امرأة السرطان

و كسولة أيضا
تصنع لنفسها عالم خاص
شكاكة
لزقة في الحب
وده لأن برج السرطان مبيحبش التغيير و اللي تعرفه احسن من اللي متعرفوش
بتخش في الدور بسرعة
خيالية أكتر منها واقعية
روتينية و معندهاش جديد
عنيدة و غير سلسة لكن بلين بمعنى أنها تصمم على الرفض لكن بدلع و رقة دون لين حقيقي أو تنازل أو تغيير في المواقف
تقطيم و لوم
بتوافق في الاول و بعدين ترجع ترفض , أو متنفذش اللي اتفقتوا ليه , و طبعا بيبقى عندها مبرر
اقناعها صعب و لما بتوافق على حجاة بترجع و تغير رأيها
عندية و دماغها ناشفة
أنثى السرطان مش بيثبتوا على راي بس ممكن يثبتوا على الـ لأ بس
هادئة المظهر مما يثير اعجاب محبي الهدوء و يستفز محبي الحماس
مش بتدقق في الأختيار
لكن مش معناه اي واحد و السلام , يعني لو عنده عيوب واضحة هترفض
لكن لو مش واضحة مش هتفتش و مش هتفحصه
فاكرة نفسها واعية – و ممكن نعتبره ثقة بالنفس -
تعطيك رأيها أحيانا في صورة صادمة , بتقول على نفسها انها احيانا بتبقى مدب
طموحة بس تتنازل عن طموحاتها أمام الأولاد
و أحيانا طموحها يكون غير ظاهر بسبب كسلها و رقتها !
لما بتكون في أزمة بتواجه مشاكلها و مبتنكسرش بس دة في الأزمات فقط و أما غير ذلك فمظهرها ضعيف
لا تبكي على اللي فات (رغم أنها لا تترك شئ يضيع منها بسهولة إذا كان في متناول إيديها) , و بتنسى بسرعة
بتظهر نوازع التمرد عندها إذا انتقص أحد منها أو لم يحترمها
من فئة النساء إذا ضايقتها أنثى أخرى تكيد لها و تتأمر ضدها كدفاع عن نفسها
بتحب تظهر بمظهر الضعيفة و دة بيديها تعاطف من الرجال و جاذبية , و يظهرها بمظهر الرقيقة , لكن هذا غالبا ما يثير استفزاز بنات جنسها
هي تحب الزواج من رجل ذو شخصية قوية , لكي تستسلم له و تكون مطيعة بعد أن تتأكد من أنها في أيد أمينة – دة من وجهة نظرها , لكن أنا لا أعتبرها مطيعة لأنها تحتاج لمثابرة و زن لكي تنفذ طلباتك
هي لا تمانع ان ترى الصورة كما تراها أنت معظم الأحيان و ترى أن ذلك طاعة و لكنها لا تتنازل عن رأيها إذا كانت لا يعجبها الأمر أو غير مريح بالنسبة لها بمعنى غير مضحية
بشكل عام لا تعتبر خجولة
بعض أقوال المحتكين بأنثى برج السرطان :
"هى بتحب البيت جدا و الحياه العائلية و أولادها جدا
و مش بتحب المغامرة بس بتحب تخرج كتير و تشوف البحر و بتحب السباحة قوى
انتقادية
نكدية بتزعل بسرعة و هى بتتصالح مع نفسها بنفسها
لانها مش بتحب زوجها يخاصمها طبعا
لأنه بيمثلها حاجه مهمة قوى اكتر من اهلها كمان و بيكون له الأولوية فى كل حاجة و بتبقى طوع أمره
لكن لايمكن تخالفه المقاوحه دى بس علشان تعمل حالها قدامه انها شخصيه لكن بترضخ فى ثوانى لانها فعلا شخصيه منقادة دائما
و اعتمادية ما تعرفش تعتمد على نفسها الا فى شغل البيت و الاكل
بياكلوا جميع انواع الاكل الناعم الزبد و القشطه و الجبن و بتاكل من التلاجه و هى بتطبخ تلاقيها تاكل
بس ست بيت ممتازه الحق يقال
من ناحيه ترتيب البيت و النظافه و الاكل "
قماصة
أنثى برج السرطان عاطفية جدا ورومنسية جدا وعايشة في الخيال أكثر من الواقع ومش بتشوف الناس زي ماهما لا بتشوفهم زي ماهي بتتصرف وبتتتخيل ان الناس زيها في حاجات كثير على فكرة دموعة قريبة أوي وهي دموع حقيقية مش تماسيح
فيها طفولة
مش بتقدر تحسسك انها عايشة في مشاكلك لأنها مش بتحب تعيش جوة المشكلة بعبارة أخرى أنت بتحس انها مش حاسة باللي حواليها
مش بتقدر تحط نفسها مكان اللي قدامها
في الصغر إذا صادفتها مشكلة فإنها تتقوقع على نفسها لفترة
نصيحة لابد أن تعطي أولا كي تأخذي
حالمة و تعيش في خيالها كثيرا , أي تتخيل مواقف و تعيشها
خجولين في سن تحت العشرين
بشكل عام تستطيع أن تتعرف عليهم بسهولة لأنهم بارعين في إزالة الحواجز بيسر و دون تكلف
لا تحب الرسميات و لا البروتوكولات حسب لفظ أحد بنات السرطان , لكن أنا أقول ان هذا قد يعني أيضا انها لا تحب القيود ! (بذور التمرد)
كرئيسة ودودة و تسعى لكسب مرؤسيها
ليس لها مواصفات خاصة في الزوج أي لا تشترط شروط مسبقة , لكن فكرة أن يكون لها زوج هو المهم بعبارة أخرى لو كان الشخص ليس به عيوب قاسية فلن ترفضه
الصفة اللازقاوية تكون مع الشخص اللي بترتبط بيه أو مقدملها أو زوجها بمعنى أن التخلي لا يكون من ناحيتها و تظل تحاول استعادته إلى أن تتأكد تماما من عدم رغبته فيها , و هي تجد نفسها لا تستطيع الابتعاد عنه حتى و لو أرادت بسبب هذه الصفة !
و هذه الصفة لها ميزة أنها كثيرا ما تبدأ المصالحة حتى و لو لم تكن هي المخطئة من وجهة نظرها
أنثى السرطان متدلعة شوية- ومش بتسجيب من نفسها - يعني بنضطر نجبرها او حتى نضحك عليها عشان تستجيب للطلبات
الانتقاد بيوترها و غالبا لا تستجيب للنصيحة حتى و لو طلبتها إلا لو وافقت النصيحة رغبتها أو ما كانت تفكر فيه بالفعل
بتعمل انها مطيعة
وبعدين تستهبل و متنفذش حاجة
و طبعا القهر احد وسائل السيطرة عليها !
رايقة و بتكبر دماغها
أي علاقة عندها لابد أن تنتهي بالزواج فلا يوجد عندها شئ يسمى الحب للحب, فكل شئ عندها يدور حول فكرة الزواج و خير البر عاجله
انثى السرطان اول ما واحد بيشبك في ايدها بتوديه على البيت على طول معندهاش تفاهم - يلا نتجوز !!!!
لأنها عايزة تبقى عروسة و زوجة و عندها بيت و أولاد و زوج تفتخر بيه
يعني مش الرومانسية البحتة
بتحبوا بس بالطريقة دي
كمان عندها قدرة عجيبة على حب زوجها أو خطيبها
بمجرد ندوس على زرار الخطوبة
و هما بيفسروا دة ان سببه ان عندهم حب مختزن أو بيوفروه للشخص اللي هترتبط بيه
انثى السرطان مشجعة على المعاكسة - built -in - و لما كان قصدي انها بتحب تتعاكس كان قصدي شيئين الاول انها مش بتصد بعنف - يمكن لأنها رقيقة - و الثاني انها بتحب الأعجاب بيها وقصدي انه شئ فطري غير متعمد و غير متصنع
و المعاكسة هنا قصدي بيها زي مبيقولوا في مصر الملاغية , يعني مثلا زميلة في العمل تقولها مثلا صباح الخير - و بعد شوية تقولها صباح الخير تاني تقول منتا قولت تقولهها احسن اكون نسيت - تسألها مثلا انتي مرتبطة تقول لأ قولها مش ممكن !!!!
دة قصدي بالملاغية !
بالتأكيد المعاكسة المباشرة الفجة بترفضها أي بنت محترمة
كمان رغم اني بشوف ان انثى السرطان خجولة لكن عينيها بالذات مش خجولة !!! و ككمان بتبتسم كتير و دة بيدي اشارات للراجل انه يبتدي يعاكس حتى لو كان دة مش قصدها !!!
مخلصة لزوجها و خطيبها لا تحب غيره – طالما بيعاملها باحترام -
بشكل عام مثلها مثل بقية الأبراج المائية لها القدرة على التأقلم
كلام على لسان امرأة السرطان :
"أنا لما بيصعب عليا حد بعملوا اللي هو عاوزه و ممكن أجي على نفسي قوي"
"أنا أعترف أني مرات تصرفاتي بتكون طفولية جدا لكن بكون فقط محتاجة انو اللي أمامي يستحملني فترة صغيرة بس و بكون محتاجة لأن أدلل"
"انثى السرطان اكثر رقة و اقل تهورا تقريبا مفيش تهور تحب البيت و زوجها اكثر من العمل و لا تحب التنازلات ليس من باب العند لكن من باب الدلع
طبيعة السرطانية اهية قليلة الثقة بالنفس وتحتاج بس من يعطيها تشجيع حتى تبادر وتنطلق
احتياجها للكلام الحلو أقل من أبراج كتير , هي أكثر ما تحتاجه التواصل و المشاركة و لو بالكلام و قليل من الاهتمام
لحوحة و بتحاصر حبيبها بحبها
لا تحب التغيير يعني اللي تعرفه احسن من اللي متعرفوش"
"انا كامرأة سرطان مبخفش و لما اتنرفز ياعيني...بدون تعليق خاصة لما واحد بايعندني....لا اعتقد انه برج بيخاف لانني ولا عمري خفت"
لابد أن نذكر أنها عندما تتعرض لمشاكل زوجية عنيفة – تنتهي بالطلاق – فإنها تصبح شديدة التمرد على مجتمعها و تقاليده




رسالة للفتاة السرطانية :
يلاحظ أن عدد الجوانب التي تؤخذ على أنثى السرطان كثيرة في العدد – لكن هذه الصفات أغلبها يسهل التخلص منها – إذا أرادت – بعكس معظم الأبراج الأخرى التي قد يكون بها عيوب قليلة العدد لكنها مؤثرة و يصعب التخلص منها !
المرأة السرطانية بالنسبة للرجل :
هي امرأة رقيقة , طيوبة , تحتاج للانسان الصبور لكي يحسن التعامل معها مثل الجدي و الثور و الجوزاء و الميزان , بشرط عدم اهانتها أو الانتقاص منها , و الأبراج الانتقادية تخرج أسوأ ما فيها – مثل الدلو و الحمل –
هي امرأة تسير بالقليل من الوقود العاطفي و المادي – رغم طلباتها لكن لا تلتفت لكثرة طلباتها و نفذ ما تريد , فقط تحمل زنها و شكواها مش أكتر – (الاسلوب دة مثلا لا يصلح مع امرأة القوس !)
اتبع معها سياسة الأمر الواقع دون الدخول في جدليات كثيرة
ست بيت جيدة و أم ممتازة
مقاوحتها هي لاظهار شخصيتها ليس إلا –يعني كلام سيبه يعدي !
احد اهم مزايا السرطانية انها هي بتتبدي بالصلح حتى و لو هي مش شايفة نفسها غلطانة - و دي ميزة جامدة جدا و مش متوفرة
صحيح ممكن تعتذر بسهولة لكن مش سهل تعترف بغلطها
زي مقلت بلاش جدال معاها – خلي دايما الظروف هي اللي بتجبرنا على كدة يا حبيبتي !
عليك و على خيالها و عاطفتها و بلاش عقلها
بشكل عام يسهل كسبها
عندما قلت انها لزقة في الحب , كان قصدي انها لن تتخلى عنك بسهولة فلا تسئ استخدام هذه الصفة !
هناك هناك أناس فهمت كلامي في اول البوست خطأ , أن المرأة السرطان ملهوفة على العرسان أو ملهوفة على الرجال ! و هذا ليس صحيحا , لكنها ملهوفة على تكوين أسرة و أطفال
و فهم خطأ أيضا أنها ممكن تطلب من واحد الزواج ! و دة طبعا خطأ فظيع , انما كان قصدي ان تفكيرها في علاقة الرجل و المرأة منحصر في الزواج و تكوين أسرة , يعني معندهاش حاجة اسمها حبو علاقة عاطفية أو صداقة أو نفضل أصحاب و كدة ! , فهي تترك حبيبها بسهولة إذا لم يكن جادا في الزواج لتقبل العريس المناسب الجاهز الجاد !

مشاهير امرأة برج السرطان :
إيزابيل أدجاني , هيلين كيلر , الأميرة ديانا سبينسر , كاميلا باكر الزوجة الثانية للأمير تشارلز , سميرة صدقي , راقية إبراهيم , نبيلة كرم , نوال الزغبي , سميرة عبد العزيز , وداد حمدي , زوزو نبيل , غادة عبد الرازق , رنا أبيض , لمياء الجداوي , سميحة أيوب , ناهد جبر , نعمات المليجي , شيرين رضا , فايدة كامل , فردوس محمد , كريمة مختار , نسرين الحكيم , رانيا محمود ياسين , سميحة توفيق , هياتم , ميريل ستريب , الإمبراطورة جوزفين زوجة نابليون , هدى شعراوي , نيكول سابا , باميلا أنديرسون , ليڤ تايلر , إيميلدا ماركوس , ليندسي لوهان , وداد محمد عيسوى زرارة (وداد حمدي), نانسي ريجان , اميلي موريسمو , الملكة نازلي , تسيبي ليفني وزيرة خارجية إسرائيل السابقة , إيفا جرين , شيريل لاد , فوبي كاتس , أميرة كاسار , لوديفين ساجنييه , ميريي ماتيو , سهير القلماوي , أنجيلا ميركل مستشارة ألمانيا , مارجريت كورت أسطورة التنس , جنجير روجرز , حسيبة بولمرقة , جيسيكا سمبسون , مروى اللبنانية , رولا سعد , دوللي شاهين , مشيرة خطاب , 



تنبيه و تحذير
كل ما كتب في هذه المدونة عن صفات الأبراج هو من واقع خبراتي ومشاهداتي في تحليل الشخصيات والتعامل مع البشر وليس له علاقة من بعيد أو قريب بالتنجيم أو الفلك أو الحظ أو التنبؤات!
والبرج هو الشهر في السنة الشمسية و هي تقابل السنة القمرية و الشهور القمرية, فما أكتبه يشابه أن تكتب التشابه في صفات أبناء بلد معين أو مهنة معينة, فالعلاقة هي المصاحبة (التوقيت) لا أن النجوم تؤثر في الصفات ,و يشابهها أن نقول أن الجيل الفلاني يتصف بكذا و كذا (صفات في داخل فترة زمنية)
-         نسبة دقة الكلام المكتوب – في تقديري الشخصي -  حوالي 80% , بمعنى أنه يصدق أو يصيب بنسبة 80% من الناس و 80% من صفاتهم كأفراد
-         تشابه الصفات في داخل وقت محدد هو آية من آيات الله عز و جل – وأن الكون كله في تناغم و علم مسبق لله عز وجل

صفات الأبراج – لماذا حذفت و لماذا أرجعت المدونة في الرابط التالي:
وفيه كيفية الاستفادة من الأبراج بشكل سليم

لمن أراد معرفة تفاصيل وقصة من أين أتيت بالكلام المكتوب في المدونة عن الأبراج طالع البوست في هذا الرابط :
حكايتي مع الأبراج

لمشاهدة كل الموضوعات في المدونة اضغط على هذا الرابط:


 

رجل برج السرطان (ممييييززز)!

رجل برج السرطان : من 22 يونيو - 22 يوليو


هو رجل تقليدي كلاسيكي تحس انه رجل ينفع يعيش في الزمن اللي قبلنا و كان هيبقى رجل تحفة و كلمة تقليدي دي لأنه بتأثر بالتقاليد و البيئة المحيطة (طبعا كلنا بنتأثر ) لكن الذي أقصده انه بيعمل زي الأغلبية مبتعمل - يعني لو الغالبية بيفضلوا العربية اللانسر يبقى هيشتري لانسر و لو الغالبية بستثمر في البورصة يبقى هيستثمر في البورصة –
و بياخد اللي قدامه على قد عقله لما الرياح اللي قدامه بتكون قوية - و بعدين بينفذ اللي في دماغه - تجده رزين جدا في كلامه لكن افعاله غير كلامه – ليس إنفصال كامل لكن مش كل كلامه بينفذه -
هادئ خارج البيت و اذا تعصب داخل البيت يكون عنيفا - اذا اراد فانه يستطيع استفزاز الذي امامه بشكل قوي جدا و بأبسط الألفاظ و أقل مجهود
بشكل هام مخلص لزوجته - يحب عائلته باباه و مامته
يحب أبناؤه جدا رغم أنه عنيف معهم
عاطفي و يتاثر لكن ليس بالضرورة أن ينعكس هذا على تصرفاته
لزقة و مش سهل التخلص منه , و لا يملل من السعي و راء ما يريد
نستطيع أن نقول أن حياته ليس بها إثارة أو مفاجأت
- تفكيره محدود شوية - يعني صعب تفكيره يبهرك - لكن ممكن يقول كلام موزون
ديكتاتور بعد الزواج - بيتوتي - - منتقد لزوجته
لا يتكلم كثيرا –قليل الكلام –
لا تستطيع أن تجعله يتكلم عن نفسه أو يبوح بما في داخله – فهو كتوم و متشكك
له قدرة عالية على التمثيل إذا أراد !
قدرته الذاتية على التطور محدودة لكن ممكن بالتشجيع الخارجي
مهندم و مظهره جيد
لديه احساس جيد بذاته – أو ثقة بالنفس -
تقريبا لا يقع في الحب , فليس هو الذي يسهر الليل يفكر في واحدة !
محظوظ في الصغر – تقريبا لنهاية فترة الثلاثينات – ثم يكون بعد ذلك متوسط أو أقل من المتوسط في الحظ
بشكل عام هو أقرب للتحفظ أو اليمين منه لليبرالية و الأفكار المتحررة
بياع شاطر (أو محظوظ) , و له قدرات قيادية جيدة جدا , و إذا أصبح قائدا فهو ديكتاتور بعكس ما قد يتخيله مرؤسيه قبل أن يتولى القيادة – يظنون انهم سيتحكومون فيه و يؤثروا عليه لكن هيهات -
رجل برج السرطان باختصار : بيتوتي , محب لأسرته ولامه و أهله , بشكل عام مخلص , غير معبر , كلامه عاقل لكن تصرفاته من دماغه لأنه عنيد ,
مبينساش الغلطات وهيفتكرهالك ويعيدها مع كل خناقة !
مفتاح فهم شخصيته أنه شخصية تقليدية يعني ابن بيئته , يعني لو اللي حواليه بيتجوزوا بدري هيتجوز بدري و لو غالبية الناس بتحط فلوسها في العقارات يبقى هيعمل كدة و لو أهله متدينين هيطلع زيهم يعني يقلد الأغلبية في البيئة اللي حواليه , و لو البيئة اتغيرت غالبا بيتغير
شكاك
يحب الأكل و يستمتع به
قائد سيارات ممتاز - قيادته سلسة , تشعر بالأمان و أنت معه في السيارة -
أحيانا بحس أنه صاحب شخصية قوية و أحيانا أحس أنه غلبان جدا !
بيحب يتجوز ستات شخصياتهم قوية وغالبا اقوى من شخصيته ! وبيهاودهم في الأول وبعدين بيبقى مسيطر و عايز طاعة وسي السيد و كدة (زي معظم الرجالة اللي حواليه )محظوظ بالنسبة لامكانياته , مجتهد في عمله - طموحه محدود لكنه موجود - راضي بحياته - رغم انه دائم التقطيم لزوجته متأقلم في الحياة - شخصيته بتتهز بسرعة مع المشاكل أو الصدمات الكبيرة و أخيرا يعتبر لزقة كل متهربي منه يلزق فيكي مش سهل التخلص منه - بيلبيلك طلبات مؤقتا لحد مترجعي وبعدين ترجع ريمة لعادتها القديمة !!
يمكن أن يتمرد على زوجته لكن لا يتمرد على مجتمعه
يتأثر بزوجته رغما عنه – لأنها جزء من بيئته المحيطة التي ذكرنا أنه يتاثر بها باستمرار –
انه بيعمل نفسه مقتنع بالكلام و بعد الجواز بينفذ اللي في دماغه مش اللي اتفقتوا عليه !!!
طيب و ايه الحل ؟ الحل انك تاخديه بالراحة و تعملي عبيطة عشان يطلع كل اللي جواه و كل اللي ناوي عليه و بعدين يبقى القرار ساعتها في ايدك لو انتي مخطوبة
مشاهير رجل برج السرطان :
أشرف عبد الغفور , أحمد فلوكس , عامر منيب , علي الشريف , صلاح نظمي , أحمد عبد العزيز , أحمد عدوية , صلاح قابيل , خيري بشارة , مصطفى العقاد , عبد السلام محمد , عبد الوارث عسر , فريد شوقي و علاء مرسي , هاني سلامة , محمود الحديني , يحيى العلمي , وائل نور , فريد الأطرش , حسين صدقي , محمد مختار , مظهر أبو النجا , تامر عبد المنعم , يوسف وهبي , ثروت أباظة , يوسف شعبان , علي رضا , محمود التوني , جلال عيسى , فؤاد خليل , محمد أبو الحسن , محسن صالح , محمد بوضياف , أمل دنقل, جون قرنق , زين الدين زيدان , ليونيل ميسي , هوراشيو هربرت كتشنر أو اللورد كتشنر , الشيخ نواف الأحمد الجابر الصباح ولي عهد الكويت , الحسين بن عبد الله الثاني ولي عهد الأردن , مايكل فرِد فيلبس الحائز على 14 ميدالية ذهبية أوليمبية , جيرار مايكل "مايك" تايسون , محمد يونس مؤسس بنك جرامين (بنك الفقراء , الشيخ أحمد ياسين مؤسس حركة حماس , أحمد حسن البكر , روبرت فوجل , رفعت علي سليمان الجمال (رأفت الهجان) , عباس محمود العقاد , جان جاك روسو , خليل مطران شاعر القطرين , كارل لويس , الشيخ إمام واسمه الحقيقي إمام محمد أحمد عيسى , پاتريس لومومبا , كارلوس منعم , توم كروز , جورج بومبيدو , توماس ستامفورد رافلز، مؤسس سنغافورة , تينزن غياتسو، الدالاي لاما , نور سلطان نزاربييف , الجنرال دانييل مورجان , جورج واكر (دبيلو) بوش (الإبن) , سيلفستر ستالون , بيير كاردان , الملك الحسن الثاني , دونالد رامسفيلد , جون كالفِن مصلِح ديني ولاهوتي فرنسي , أندريه أندرييفيتش جُـروميكو , نيلسون مانديلا , صمويل كولت - مطور المسدس , جريجور يوهان مندل , إلياس سركيس , سمير القنطار , إرنست ميلر همنجواي , بول جوليوس رويتر مؤسس وكالة رويتر , يوسف إسلام , محمد بن راشد آل مكتوم حاكم دبي , جيورجيو أرماني , جورج إيفرست , روبين وليامز , كارلوس ألبرتو , روجيه جارودي , مصطفى بن حمزة , محمد مهدي عاكف , يوليوس قيصر , روبرت فيسك , هاريسون فورد , جيرالد فورد , خافيير سولانا , رامبرانت , السلطان حسن البلقيه سلطان بروناي , محمد عطية , علي مصطفى مشرفة باشا , آصف علي زرداري , أحمد منصور مذيع الجزيرة , علي خامنئي , مراد هوفمان , سامي يوسف , إسماعيل عوض الله سلام و زير الصحة الأسبق , أحمد نظيف , اللواء عمر سليمان , ايلون ماسك , ريتشارد برانسون ,



تنبيه و تحذير
كل ما كتب في هذه المدونة عن صفات الأبراج هو من واقع خبراتي ومشاهداتي في تحليل الشخصيات والتعامل مع البشر وليس له علاقة من بعيد أو قريب بالتنجيم أو الفلك أو الحظ أو التنبؤات!
والبرج هو الشهر في السنة الشمسية و هي تقابل السنة القمرية و الشهور القمرية, فما أكتبه يشابه أن تكتب التشابه في صفات أبناء بلد معين أو مهنة معينة, فالعلاقة هي المصاحبة (التوقيت) لا أن النجوم تؤثر في الصفات ,و يشابهها أن نقول أن الجيل الفلاني يتصف بكذا و كذا (صفات في داخل فترة زمنية)
-         نسبة دقة الكلام المكتوب – في تقديري الشخصي -  حوالي 80% , بمعنى أنه يصدق أو يصيب بنسبة 80% من الناس و 80% من صفاتهم كأفراد
-         تشابه الصفات في داخل وقت محدد هو آية من آيات الله عز و جل – وأن الكون كله في تناغم و علم مسبق لله عز وجل

صفات الأبراج – لماذا حذفت و لماذا أرجعت المدونة في الرابط التالي:
وفيه كيفية الاستفادة من الأبراج بشكل سليم

لمن أراد معرفة تفاصيل وقصة من أين أتيت بالكلام المكتوب في المدونة عن الأبراج طالع البوست في هذا الرابط :
حكايتي مع الأبراج

لمشاهدة كل الموضوعات في المدونة اضغط على هذا الرابط: