أنثى برج الثور (ممييييززز)!

أنثى برج الثور - امرأة برج الثور

برج الثور : من 22 أبريل - 21 مايو

نبدأ القصة من البداية ! من الطفولة ! فهي طفلة جميلة جذابة جدا و رغاية جدا ! فهي أميرة برينسس سنو وايت , في فايري تيل , فهي باربي أو عروسة بالفستان الأبيض أو أميرة بالفستان البنبي !

تغني و ترقص و تحب اللبس و الزينة و إطلاق شعرها !

فطفولتها يمكن أن نعتبرها سعيدة , و كل ذلك يكون له تأثير عميق في شخصيتها في المستقبل , فهي بمجرد أن تدخل في المراهقة تجد أن الدنيا ليست وردية و أن الناس لا يعاملونها كأميرة كما في خيالها و أن الدنيا فيها من هي أجمل و فيها من هي أذكى و فيها من هي أكثر مجهودا ! و بالتالي أكثر نجاحا , فتصاب بصدمة تؤثر على نفسيتها فتصبح أقل بهجة و أقل طفولة , هذا إن لم تصب بالاكتئاب !

امرأة برج الثور تصلح أن تكون أميرة زوجة لأمير أو ملكة زوجة لملك أو السيدة الأولى ! فهي تحس أنها مخلوقة لهذا - و هي بالفعل تستطيع ملء هذا الدور –

امرأة برج الثور مليئة بالأنوثة الشرقية – فالغرب لديه مقاييس أخرى –

و شعرها عادة ملئ بالقوة

و هي لا تحسن التمثيل – إلا دور واحد فقط –

و لا تتمتع بخفة ظل – عادة – (يمكن عشان رزينة ؟)

غيارة شوية

و كتومة و تخاف من الحسد جدا

بل و أقول سر من أسرار امرأة برج الثور أنها أكثر الأبراج شكوى من الحسد و السحر و الأعمال , و لا أدعي أنها متوهمة في هذا , لكن يبدوا أن طبيعتها تكون أكثر عرضة لهذه الأمور و تكون أكثر تصديقا , و كمثال فهي بعد شفائها تكون متوهمة أنها ما زالت مصابة

و من الجائز أن يكون اعتقادها المستمر أن الأمور لا تسير معها كما يرام – من وجهة نظرها – هو الذي يدفعها للبحث عن أسباب خفية أو غير تقليدية لعدم سير الأمور بالشكل المطلوب

و هذا ذكرني بشئ هام فهي تلقي بأسباب أي فشل على شماعات بدلا من أن تتهم نفسها

تختار الرجل أي تحب من تختاره لا أن تقع في الحب أولا

عاطفية بطعم العقلانية

كلام حلو كتير المدح هتضعف قصادك و لا تحب الانتقاد بيوترها

تهتم ببيتها و اولادها جدا – أنا شخصيا أعتبرها زوجة مثالية – لكن تداخلها في كل صغيرة و كبيرة يجعلها مليئة بالأعباء – تشبه جل برج الثور في هذه النقطة فهي لا تفوض السلطات و لا تثق في قدرات الآخرين بسهولة -

تهتم بالمظاهر

هيا عايزة واحد تتفشخر بيه قدام صحابها انه اشيك واحد و اعلى واحد منصب مثلا

تعتني بالمظاهر و تعتقد انها من طبقة اعلى من اللي حولها لكن دون غرور - يعني لما بتشتري عفش مثلا بتشتري أغلى من اللي في طبقتها

بتخاف من المخاطرة و تحب الثبات أو الـstability

شخصية اتكالية تعتمد على الاخرين في الصغر - لكنها شخصية يعتمد عليها في الكبر (لما بتكبر و تنضج بتبقى هايلة (

مخلصة لزوجها جدا جدا
و تحب أولادها بجنون , و تكون صديقة لأولادها و محل ثقتهم و مؤتمن أسرارهم

لا تتزن نفسيا الا بعد الزواج

عندها إحساس أنها غير محظوظة في الحب و الزواج , و لاحظت شئ هام بخصوص الجانب العاطفي لأنثى الثور , فهي عندها تجارب و ذكريات سيئة و تجربة واحدة نستطيع أن نقول عنها سعيدة فهي ليست مثلا مثل امرأة برج الأسد أو العقرب التي يمكن أن يكون في ذاكرتها أو تاريخها اكثر من تجربة سعيدة , فامرأة الثور ترى دائما التجارب السابقة أنها تجارب تعيسة !

و يمكننا أن نقول أنه لديها نوع من رثاء النفس

و هذا الرثاء للنفس يحجب عنها رؤية داخلها رغم أني أعتقد أنها ليست مركبة من الداخل , أي أنها بشوية تجرد ممكن تنظر لنفسها من الداخل و تفهمها

(هذا لا يمنع أنها احيانا كثيرة تكون سعيدة في زواجها)

كلاسيكية و تحب الوصول من أقصر طريق و تحب ان تصل للنتائج او الاحكام بسرعة

عندها نظرة انتقادية

تنظر للخلف كثيرا – يعني الماضي بيشغل دماغها إلى أن يأتي حاضر قوي جميل يمحو ما سبق و يصرفها عن التفكير في الماضي

تحسن أن تصنع شئ واحد فقط , بمعنى أنها ليست متعددة المواهب

تحب السيطرة لكنها لا تقاتل من أجلها

لا أستطيع أن أصفها بأنها واسعة الحيلة – فليس عندها مثلا ما يسمى بكيد النسا -

امرأة برج الثور تتحدث عن نفسها :

""صفاتها: أولاً:الجانب السلبى:-
- عنيده جدا
- هادئة لكن أذا أحد أثار معها مشاكل فتنفعل جدا( تجيب عليها وطيها)أو بمعنى اخر عليا وعلى أعدائى ولكن ذلك بعد صبر شديد على الأهانة أو على الأيذاء
- أحيانا كسولة
الجانب الأيجابى :
- بداخلها طيبه جدا
- تحب الخير للناس
- عندها صبر و قوة تحمل عالية على الآلآم
ذكية ، مرحة ، لها طلة ، محبوبة ، جذابة ، أنيقة
عاشقه جدا الرجل الذى يختاره قلبها تعشقه لدرجه عالية وتمنحه شلال من الحب و الحنية لدرجة أنها ممكن تفضله فى طلباته على نفسها
- منظمة ، تحب بيتها ، زوجها ""

"فوجدت في نفسي الصفات التى يحبها (رجل برج الدلو) أن تكون فى حبيبته ، فركزت فى التفكير وجدت التالى:

أحب التجديد وبزهق بس مش بسرعة هو بيزهق بسرعه عنى وبيحب التجديد على طول-

وجدتنى أحيانا يصبنى أحباط وجدته يصيب بالأحباط بس على نطاق أوسع منى-

أحب فى عملى أن اكون مستقله لا احب القيود وجدته كذلك ولكن على نطاق أوسع منى-

وجدتنى حساسة من تعامل الناس لى وجدته حساس و لكن بدرجه اعلى منى- "

"انا مش عاوزه علاقه عاطفيه وبس ؟! !!انا عاوزه راجل يقدر شخصيتي ..يشوف فيا حاجة مميزة ..يستمر معايا بعيوبي قبل مميزاتي !!"

نموذج لرأي المحيطين بأنثى الثور :

"امرأة برج الثور قشرا ماينداسلها على طرف, عنيدة، صبورة، كسولة، غير منظمة، تحب الرفاهية بمعنى تحب ان يخدموها الناس لكنها لاتخدمهم, تميل الى كثرة الأكل, تتميز بذوق رفيع في اختيار الأثاث والملابس, ذكية غالبا ماتتفوق دراسيا, جافة بمعنى غير ودودة. هذا اللي لاحظته"

"الاخت برج الثور عنيده فقط ,متشبثه برايها تفرض سيطرتها بالقوه, لحوحه ولاتمل ابدا,توهم من امامها انها تتحمل مالا يتحمله بشر,اما الصبر فهى صبوره لبلوغ هدفها, ,جبانه و لا تحب المواجهه,تحب التملك "

"بالنسبة لصفات خطيبتى

فهى كما تشير صفات برج الثور حرفيا فى انها تميل لاشياء القيمة تحب الدهب جدا

تهتم انها تاكل فى مطعم فخم جدا ... اول حاجة لما تجيب حاجة او تشوف حاجة تعجبها انها تعرف ماركة اية وهل اصلى ولا تقليد

فى المظهر واللبس والاناقة تحفة ملهاش حل .....الى حد ما اعتقد ان الاهتمام بالمظهر عندها عالى شوية

ودى احد مجالات اختلافاتنا

هى شخصية لا تحب الكلام الكتير ... بتجيب من الاخر ... لدرجة انى بواجة مشكلة معاها فى النقاش مش بعرف اخد وادى معاها زى اى بنت كنت اعرفها قبل كدة

شخصية كلاسيكية جدااا ... لا تميل الى التغيير ولاتجديد ودى احد مواصفات برجها بردك

عندية الى حد ما ودى احد اهم مواصفات برجها

ذكاء متوسط ... وان كانت واثقة فى نفسها بشدة الى درجة العوجان على الاخرين احيانا

عاطفة جياشة جداااااااااااا ..... لا تعطى بدون مقابل ... فلازم تاخد وبعدين تدى ولو ادت حاجة بدون مقابل تبقى مشكلة

تهتم بالعادات والتقاليد ... فهى الى حد ما تقليدية بطبعها ودة عكسى

فى الشغل والحركة نشيطة جدا وممكن تادى عمل كتير فترة طويلة ... ... بس طموحها على ادها تحت رجليها يعنى

من النوع اللى طموح الطموح الخيالى بدون فعل يؤيده

ليست عقلية علمية .... الامور ماشية معاها الى حد ما بالمزاج وزى ما اهلنا ربونا واتعودنا ... دة يمكن لانها تقليدية شوية زى ما قلت

فى بداية الحوار لاول مرة مع الاخرين تكون متحفزة جدا حتى يزول الحائل بينها وبين الناس

ملهاش هوايات او حاجات بتحبها معروفة ..... ببقى مش عارف اشاركها فى اية ... انا بحب الف حاجة هى مش بتحبهم

ومش بتحاول تحبهم علشانى ... او تقرب منى من الناحية دى ...

قدرتها التحليلية ضعيفة جدااااااا .... فلا تنظر الى الامور بالعمق الكافى ... متسرعة تاخد قرارات سريعة وبثقة جداااااااا

وعنادها مش بيخليها تقبل التراجع حتى لو الراى كان غلط

نفسية ضعيفة من الداخل ... زعلها قوى جدااا وصعب جدا فى مصالحتها او ارضائها

انسانة داخلية تعيش فى الداخل ... بمعنى انها كتومة قليلة الكلام غالبا تحب الخلو بنفسها دائما

تعشق سماع الكلام الرومانسى الحلو ولا تمل منة ابدا ... ولو مسمعتهوش تقلب العكس "

**

مشاهير أنثى برج الثور :

نرمين الفقي , برلنتي عبد الحميد , عبير صبري , شيرين سيف النصر , سناء جميل , عايدة رياض , منة عرفة , عفاف رشاد , عبير الشرقاوي , هندية , ميريام فارس , ماجدة , وفاء عامر , سماح أنور , فريدة سيف النصر , ماري كويني , معالي زايد , ليلى حمادة , فريدة فهمي , إنعام محمد علي , منيرة المهدية , نانسي عجرم , عائشة الكيلاني , آثار الحكيم , فاتن فريد , هانم محمد , زينات علوي , ثريا حلمي , بينيلوبيه كروز , جيسيكا ألبا , ميشيل فايفر , أوما ثورمان , كرستن دانست , الأميرة هيا بنت الحسين إبنة الملك حسين ملك الأردن وزوجة الشيخ محمد بن راشد آل مكتوم حاكم إمارة دبي , جولدا مائير , أودري هيبورن , الإمبراطورة أوجيني , فلورنس نايتينجيل، رائدة التمريض الحديث , جابريلا ساباتيني , جانيت جاكسون , مادلين أولبرايت , ستريدا جعجع , شيريل لي , شير , أمينة السعيد , أصالة , شيرلي ماكلين , باربرا سترايساند , شيرلي تمبل , إيفا بيرون , لاتيتيا كاستا , فيروز (الممثلة الطفلة بتاعت أنور وجدي ) , 

تنبيه و تحذير كل ما كتب في هذه المدونة عن صفات الأبراج هو من واقع خبراتي ومشاهداتي في تحليل الشخصيات والتعامل مع البشر وليس له علاقة من بعيد أو قريب بالتنجيم أو الفلك أو الحظ أو التنبؤات! والبرج هو الشهر في السنة الشمسية و هي تقابل السنة القمرية و الشهور القمرية, فما أكتبه يشابه أن تكتب التشابه في صفات أبناء بلد معين أو مهنة معينة, فالعلاقة هي المصاحبة (التوقيت) لا أن النجوم تؤثر في الصفات ,و يشابهها أن نقول أن الجيل الفلاني يتصف بكذا و كذا (صفات في داخل فترة زمنية) -         نسبة دقة الكلام المكتوب – في تقديري الشخصي -  حوالي 80% , بمعنى أنه يصدق أو يصيب بنسبة 80% من الناس و 80% من صفاتهم كأفراد -         تشابه الصفات في داخل وقت محدد هو آية من آيات الله عز و جل – وأن الكون كله في تناغم و علم مسبق لله عز وجل صفات الأبراج – لماذا حذفت و لماذا أرجعت المدونة في الرابط التالي: https://blogatee.blogspot.com/2015/10/blog-post.html وفيه كيفية الاستفادة من الأبراج بشكل سليم لمن أراد معرفة تفاصيل وقصة من أين أتيت بالكلام المكتوب في المدونة عن الأبراج طالع البوست في هذا الرابط : حكايتي مع الأبراج https://blogatee.blogspot.com/2008/09/blog-post_04.html لمشاهدة كل الموضوعات في المدونة اضغط على هذا الرابط: http://blogatee.blogspot.com/view/flipcard

رجل برج الثور (ممييييززز)!

برج الثور : من 22 أبريل - 21 مايو

بس بشكل عام هو من الأبراج الثابتة التي تحب الثبات ولا تحب التغيير , عنيد , لا يغير اتجاهه بسهولة , مخلص , يتجنب الوقوع في المشاكل – إلا إذا تم استفزازه - , يحب ان تكون شريكة حياته مطيعة , و يكون واضح في مطالبه معها

الثور بيخطط لكل حاجه فبيريحها غير كدا هوا مش مهتم بالناس ورايهم

طموحه من النوع المتوسط – فهناك أبراج أعلى منه طموحا و هناك أبراج أقل منه – و هو يجتهد من أجل طموحه لكن لا يخاطر فهو لا يحب المخاطرة

حمول بمعنى قوي التحمل – و إن كان مع الضغوط الشديدة يتعصب -

الشغل يأخذ جزء كبير من وقته على حساب حياته العاطفية

مهذب حنين

أنقل بعض التعليقات للمتعاملات مع رجل برج الثور :

" هو حنون بجد .. و كله حنيه .. و بحسها نابعه من القلب "

"لما بيتغزل .. بحسه مثل الاطفال مش بيعرف يوصل احساسه بالكلمات .. لكني ببقى فهماه .. "

"لما بيحب و يكون فااااضي و ما عندوش اي حاجه .. بيحب يكون مع اللي بيحبها و مايفرقهاش لحظه .. و لا غمضة عين ..."

"لما بيكون مشغول ..و عامل بزنس مان .. و حوليه صحابه مثلا ..

عادي اوي انه ما يكلمنيش اليوم بطوله .. ع اساس ,, انتي ف قلبي يا حبيبتي و استحمليني شويه خخخ "

"اذا بدا انزعاجي من غيابه ..و انشغاله..اول ما يفضى .. يفضل يراضي فيني و يعوضني .. عن كل حاجه و لا كأن حاجه حصلت .."

"مش خبيث و لا متنكر .. عفوي و بيخش القلب بسرعه ..

روتيني بعض الشيء ..

بيحب يخدم صحابه اوي ..و بيساهم معهم و بيشاركهم ..

صاحب واجب و عند وعوده.."

"و بعد ساعه كده يبدا يصالحني و يقول لي مش قلتلك ..و الله انا اسف و اسمحيلي بس بليز لما اتشوفيني معصب ,, ابتعدي عني لغاية ما اهدا..."

"عنده تانيب ضمير جامد .."

"بيسمع لي و مش بيرد لي طلب .. و اقترحاتي ياخذ فيها بعين الاعتبار .. و يقول لي دايما ( كل شي انتي تقولينه انا اسويه )

بصراااحه قلبه كبييييير"

"الشي الحلو اللي بحبه فيه انه ما يضغط علي ابدا .. و يحبني مثل ما انا .. حتى سلبياتي تعود عليها"

متسامح بشكل عام

لكن النزعة الانتقامية التي في الابراج الترابية هي اقل عنده و لا تأتي إلا إذا كانت العملة سودة

بيحاول دايما انه ينسى الماضي التعيس و يفكر ف الغد الجميل

لا يبوح بآلامه و ان فعل .. فيفعلها و هو يبتسم لكي لا يسبب الحزن لمستمعه..

رغم أنه فضولي لكن فضوله ليست في شئونك الخاصة

بيكبر دماغه

نساي شوية و نص

اديله نصايحك - في صورة اقتراحات - دون الحاح و دون عتاب و سيبيه و اديله مساحة اختيار مع الوقت هياخد برأيك - لأن الثور عنده استعداد , بمعنى ان تأثير زوجته عليه كبير

بلاش آراءك تبقي قاطعة في صورة صح و خطأ أبيض أو اسود - عشان ميعندش, خليها في صورة ايه رايك ؟ شوفت ناس بتحب تعمل كذا

الثور واضح و مش بيلف و لا يدور

خليكي بسيطة لأنه مش بيحب التعقيد و الأشياء العميقة و المركبة

و بلاش القمص

هو كتوم اذا كان هناك أمر مهم يشغله و مركز فيه , لكن باقي الوقت أو أوقات الفراغ فهو رغاي جدا و تستطيع الحصول على المعلومة منه بأقل مجهود

طويل البال و لا يرد على الاهانة بالمثل , إلا إذا تم المساس بشخص في نطاقه و خصوصا لو كانت الشخص دة أنثى

فيه حياء

مخلص

يحب الجنس الآخر لكن هذا لا يظهر عليه بسبب حياؤه

رجل برج الثور حنون جدا - و اعتقد انه صادق لأنه مباشر إذا كان غير مجبر على الكذب يعني اذا كانت الصراحة لا تسببله أذى

هو عاوز منك اسلوب مباشر - لما تعوزي حاجة اطلبيها مباشرة - بلاش حركات الميزان معاه زي انك تلوميه او تقطميه لأن دة بيوتره جدا و بعصبه - و ان كان هو بشكل عام هو هادئ الطبع , اساليه عن شغله و هو هيتكلم - اللي اعرفه عنه انه رغاي - الا لو نفسيته متأثرة و عنده مشاكل كبيرة

بيميل لأخذ الأمور ببساطة و سطحية شوية - قوليله آراءك بس بدون متفرضيها عليه و بدون متقوليله ان دة الصح و اي حاجة تانية غلط و طبعا لو معملش بلاش تلومميه او تقوليله مش قلتلك مش نصحتك

أب و زوج حنون و مخلص - محتاج دعم و تشجيع نوع الأمام و زرع شوية مرونة فيه و اعطاءه ثقة في نفسه و دعم بالعواطف و الحب

بتهيألي ان امراة القوس هتكون أسرع من الثور - فدة ممكن يعمل شوية عدم توافق , و كمان امراة القوس عندها حب سيطرة و رجل الثور ممكن يتقبل دة بس بصنعة لطافة و إلا هيعند جدا
على العموم هو حنون و عاطفي اكتر من امراة القوس و ممكن يسببلها شوية احساس بالملل او الرتابة - لكنه مخلص و عطوف و مستقر

رجل برج الثور عاطفي و عنيد

يبقى لما نريد التأثير عليه(وليس السيطرة عليه) يبقى نستخدم الأسلوب العاطفي - صدقيني هيتأثر-
اما محاولة فرض السيطرة عليه (على الأقل هو معتقد كدة ) هتزود عناده

ماذا عن التأثير العقلي ؟ عند مخاطبته بالعقل فهو مستمع جيد جدا لكنه يقتنع بصعوبة جدا

لا يحب الاهتمام الزائد بالمظاهر , و لا يحب التدقيق في كل حاجة

متزن و رزين , و واقعي , ليس خيالي – و غالبا ما يفتقد للخيال و الابداع (فإذا ألف فهو مؤلف الواقعية)– فهو صاحب الفكرة الواحدة أو المشروع الواحد , يصعب عليه التعامل مع أكثر من مشكلة أو مشروع في نفس الوقت , فلا تجد من مشاهير رجل برج الثور من هو متعدد المواهب – مثلا طبيب بارع و شاعر مشهور أو رسام مبدع –

يميل للمركزية و التدخل في كل شئ بنفسه و هذا يدل على أنه يفتقد الثقة في قدرات الآخرين , و لنكون أكثر دقة فلنقل أنه قليلين من يكتسبون ثقته في قدراتهم

فهو عصبي بس عصبية طيبة , هو بشكل عام رجل طيب , عنيد لكن بييجي بالدلع و المحايلة و تجنبه او تجنب الرد عليه في اوقات عصبيته
يحب الطريق المستقيم و لا يحب التكلف و لا يحب النصائح بشكل مباشر - لازم بلباقة
كتر الخصام يخليه يمل و يعاند
تقليدي ولا يحب التغيرات الفجائية
و يحب الحلول الجاهزة - مش بيحب يفكر كتير لأن دة بيوتره و بيعصبه-
لابد ان تحسسيه قولا وفعلا انه هو القائد
بشكل عام يحب المشاركة و كريم و عاطفي و حساس جدا
لكن عيبه انه يحكم على الناس بسرعة و بالظاهر

يحب أن يكون مظهره حسنا و مهندما

عاطفيته و بعض ردود أفعاله و شئ من تعليقاته فيها طفولة

لابد أن نعترف أنه يتمتع بجاذبية جيدة جدا و لديه نوع من أنواع الكاريزما

عندما يعتنق فكرة ما أو مجموعة من الأفكار فإنه يكون مخلصا لها و يدافع عنها بتزمت ( التزمت يأتي لأنه عادة غير مرن , بالاضافة إنه يحب الثبات و يكره التغيير)

من الممكن ألا يتصرف التصرف الأمثل , لكنه بالتاكيد لن يتصرف تصرف طائش

كما ذكرنا من قبل أن طموحه من النوع المتوسط , و هناك عوائق تعيق وصوله للنجاح وهي أنه كسول شوية , و لا يحب التغيير بمعنى أنه أحيانا يفتقد المرونة و مع مرور الوقت يفتقد الرغبة و القدرة على التجديد و التغيير , بالاضافة إنه بيكسل يفكر – بمعنى إنه بيفكر قليلا و لا يحب إجهاد نفسه في التفكير – متداخل معها إنه من النوع اللي بيكبر دماغه –

فلابد من التخلص و مراعاة هذه المعوقات حتى يصل إلى النجاح

و الملاحظ ايضا أن رجل برج الثور عندما يفكر و يخلص في التفكير (إعمال العقل ) بشكل مستمر فإنه يصبح واحدا من المؤثرين بقوة في مجتمعه – أي يصل لنجاح كبير -

أنا شخصيا أعتبره رجل و الرجال قليل ُ !

مشاهير رجل برج الثور :

ثيودور هرتزل , ديفيد بيكهام , نيكولو دي برناردو دي ماكيافيلّي , صلاح عبد الصبور ,عاصي رحباني , محمد حسني مبارك , كارل ماركس , زكريا محيي الدين , رابندراناث طاغور , جورج كلوني , توني بلير , سيجموند فرويد , جان هنري دونانت، رجل أعمال سويسري ومؤسس الصليب الأحمر ,عبد الحليم محمود شيخ الأزهر , هاري ترومان , إنريكه إجليسياس , الدكتور أحمد شفيق , حازم إمام , سلفادور دالي , هنري فوندا , بيرس بروسنان , إدوارد جينر ,قصي صدام حسين , بيرتراند راسل , يوحنا بولس الثاني , محمد التابعي , يانيك نواه ,هو شى منه , مالكوم إكس , موشيه دايان ,فِيلَّم أَيْنِتْهُوفَن , ليون بورجوا , إيمانويل كانت , كاكا , بيار كوري , نصرالله بطرس صفير , روبرت أوبنهايمر، فيزيائي أمريكيومدير مشروع منهاتن لخلق القنبلة الذرية , فلاديمير لينين , جاك نيكلسون , ويليام شكسبير , ماكس بلانك , محمد مصدق , روجيه ميلا , غوليلمو ماركوني , آل باتشينو , يوهان كرويف , رودولف هس , صدام حسين , أندريه أجاسي , عباس فارس , طارق التلمساني , نبيل الحلفاوي , عبد الغني ناصر , الضيف أحمد , محمد رياض , نور الشريف , عبد السلام النابلسي , حمدي الوزير , محمد الموجي , محمود شكوكو , إسماعيل فاروق , حسام الدين مصطفى , زكريا أحمد , زين العشماوي , جمال الغيطاني , صلاح أبو سيف , ممدوح وافي , شعبان عبد الرحيم , شريف منير , أحمد مرعي , عادل إمام , مصطفى شعبان , طلال مداح , محمود قابيل , يوسف إدريس , علي حميدة , أحمد حسن , جوزيف بروز تيتو , توفيق الدقن , أمير عبد الحميد , لويس التاسع , جمال جماد , هنري بوانكاريه , مارك زوكربيرج ,

تنبيه و تحذير كل ما كتب في هذه المدونة عن صفات الأبراج هو من واقع خبراتي ومشاهداتي في تحليل الشخصيات والتعامل مع البشر وليس له علاقة من بعيد أو قريب بالتنجيم أو الفلك أو الحظ أو التنبؤات! والبرج هو الشهر في السنة الشمسية و هي تقابل السنة القمرية و الشهور القمرية, فما أكتبه يشابه أن تكتب التشابه في صفات أبناء بلد معين أو مهنة معينة, فالعلاقة هي المصاحبة (التوقيت) لا أن النجوم تؤثر في الصفات ,و يشابهها أن نقول أن الجيل الفلاني يتصف بكذا و كذا (صفات في داخل فترة زمنية) -         نسبة دقة الكلام المكتوب – في تقديري الشخصي -  حوالي 80% , بمعنى أنه يصدق أو يصيب بنسبة 80% من الناس و 80% من صفاتهم كأفراد -         تشابه الصفات في داخل وقت محدد هو آية من آيات الله عز و جل – وأن الكون كله في تناغم و علم مسبق لله عز وجل صفات الأبراج – لماذا حذفت و لماذا أرجعت المدونة في الرابط التالي: https://blogatee.blogspot.com/2015/10/blog-post.html وفيه كيفية الاستفادة من الأبراج بشكل سليم لمن أراد معرفة تفاصيل وقصة من أين أتيت بالكلام المكتوب في المدونة عن الأبراج طالع البوست في هذا الرابط : حكايتي مع الأبراج https://blogatee.blogspot.com/2008/09/blog-post_04.html لمشاهدة كل الموضوعات في المدونة اضغط على هذا الرابط: http://blogatee.blogspot.com/view/flipcard