‏إظهار الرسائل ذات التسميات أمرأة برج الحمل. إظهار كافة الرسائل
‏إظهار الرسائل ذات التسميات أمرأة برج الحمل. إظهار كافة الرسائل

السبت، 4 أبريل 2009

امرأة برج الحمل (ممييييززز)!

امرأة برج الحمل - أنثى برج الحمل

برج الحمل : من 22 مارس - 21 أبريل

من أكثر أبراج بني جنسها عاطفية
بتهتم بكرامتها و دة مع العاطفية بتبقى قماصة
و بتتصالح بسرعة و بكلمتين حلوين – الكلام الحلو بيأثر فيها جدا جدا
دايما عندها احساس ان مشاكلها اكبر من مشاكل الآخرين ! و ان محدش حاسس ولا مقدر
معطائة جدا لكن تنتظر المقابل دائما ! او ممكن نقول بتبقى متعشمة زيادة
دمها خفيف جدا و حبوبة بس للأسف مع حبيبها بتبقى نكدية شوية !
ممكن تخنق حبيبها بحبها و المبالغة في الاهتمام بيه !
و تعتبر مسرفة و مزاجية
و عاطفية جدا و هتموت على الحب و رأيها دايما إن اللي مرتبطة بيه مش عاطفي كفاية و مش مهتم بيها كقاية و مش بيديها كم العواطف اللي هيا محتاجاه و أنها خايفة يكون بخيل !
و مش بتفكر غير في الحب - يعني لو مظبطها عواطف مش هتفكر ف حاجة تانية !
و مش بتبطل نصايح !
و طبعا أهم حاجة بتشتكي على طول بتشتكيله من ماماتها و باباها و زملاتها و من حبيبها الأولاني و بتحكي عنه كتيييييييير و كمان بتشتكي من حبيبها الحالي بس بقة لصاحباتها او المقربين ليها
مبيتبلش في بقها فولة ! – يعني بتقول كل حاجة حتى ولو سر -
مبتعرفش تخبي خالص
قماصة أو عشان متزعلش حساسة جدا و مرهفة الحس !
و عندها تفاؤل خيالي و هواجس تشاؤمية
طبعا هي عطوفة و يعتمد عليها و مخلصة لزوجها - بس بتحب تستفزه ! - بتحب المناغشة و دة في رأييها !
و بسبب أنها شكاكة و احتياجها العاطفي عالي كل شوية بتبقى عاوزة تتأكد من حبه و ممكن تكون بتسأله عن حبه كتير و بتقلق قوي لا يكون بطل يحبها
طبعا هي عاطفية و رومانسية و عايزة تعيش قصة حب جامدة - يخلدها التاريخ - طبعا اللي قدامها بيحس انها مش عقلانية و مش واقعية رغم ان دة مش صحيح
هي تضحي تضحيات كبيرة في أول العلاقة و بشكل مؤثر و غالبا ما تتطوع به !
عجولة و لما دماغها بتسخن خلاص لازم تعملها و السرعة بتأثر على الدقة فمثلا لو طبخت بتبهدل المطبخ و كمان الأكل مش بيتظبط منها !
و ممكن تلاقيها فجأة تحمست لشئ و بعد شوية تلاقيها مش فارق معاها الشئ دة خالص
و بتحب هي اللي تجيب الحاجة و كل مرة بتجيب حاجات شكل !
و بتعيب دايما على اللي جايبه غيرها و بتقوله لأ كان ممكن تجيبها أرخص
طبعا بتتهم غيرها بالإسراف و عدم الإحساس بالمسئولية
شكاكة و عندها سوء الظن عالي
عصبيه شويه و مدب فى الكلام
انت بس اديها ودنك و هيا هتفضل تحكي تحكي و مش هتبطل كلام
بتحاصرك بعاطفتها و باهتمامها – لما بتركز معاك – عشان تكسبك في صفها و دي طريقتها في كسب الناس
نرجع لتعاملها مع حبيبها
هو بيبقى مش فاهمها ! و لما بتجيبله سيرة اللي فات بيبقى خايف تكون مش هتقدر تنسى الأولاني !
و كمان لما بيشوفها قلقانة بيحس انها مش مبسوطة معاه !
مننساس انها احيانا كتير بتتقل عليه و حجتها في دة انها خايفة لا تسيب عواطفها و ساعتها هتنفجر طاقة المشاعر اللي جواها و هو مش هيقدر ساعتها يبادله نفس الكم من المشاعر ! و كمان خايفة تبينله أنها مدلوقة عليه !
طبعا دايما خايفة و قلقانة - لازم تدور على حاجة تقلقها ! (و كمان عشان تلاقي حاجة تشتكي منها)
بتحب تكسير القيود أو أي نوع من أنواع القوانين أو الـrules
و اللي بيخليها تعمل كدة انها مخنوقة و مبتستريحش غير لما تكسر قيد او تعمل حاجة مجنونة او متهورة !
ممكن تطق في دماغها او تطلعلها الجنونة عايزة تخرج في نص الليل ! او تطلب دليفري في الفجر - و ممكن جدا ما تاكلوش لما ييجي - !!!
حبيبها ممكن يتخنق من كتر شكاواها و انها بتزيد و تعيد في حكايتها بنفس التفاصيل الدقيقة كل مرة و طبعا هي بتبقى عايزاه يتعاطف معاها و يطبطب عليها و يقولها أنتي كويسة أنتي حلوة انتي صح و متعمليش في نفسك كدة !
بتعرف تتقمص دور العواطف و الرومانسية كويس جدا يعني بتعرف تعيش الحالة بجد - دة لا يمنع انها عاطفية فعلا-
نسيت أقول ان دمعتها قريبة - اتفرجوا عليها قدام الأفلام -
ترى نفسها مثالية و مثال للتضحية
و رغم انها تحاصر زوجها او حبيبها الا انها لا تقبل نفس الحصار عليها و تتمرد على هذا الحصار – على الأقل من وراه –
هي بتبقى عاوزة اللي يسمعها و دي اهم حاجة للي عاوز يكسبها
مثلا لما زوجها يوقع في مشكلة عويصة ببتعاطف معاه جدا بس المشكلة انها من كتر تعاطفها بتنوح و بتتشحتف مما قد يزيد من احساسه بالمشكلة ! و خصوصا انها بتبقى مصابة بالهلع و دة بيأثر على نفسية الرجل جامد
عندها قدرات عقلية متميزة لكن بسبب طغيان العاطفة على شخصيتها فان هذا الجانب قد لا يظهر للكثيرين بل قد يعتبرونها تافهة مثلا لكن هذا غير صحيح بالمرة
شخصية تستطيع تحمل المسئولية ثق بها و ستظهر قدراتها بشكل لن تتوقعه !
تحب السير أثناء المطر
ان رغبتها في التضحية و العطاء سببها احتياجها لكلمات التقدير و كذلك ان تعمق إحساسها بشعور الضحية !
تميل الى الارحة البيت لكنها فجأة اذا أحست ان البيت أصبح قيدا عليها تسعى فورا الى تحطيمه (القيد مش البيت هههههه) و تتصاعد رغبتها في الخروج
غيورة على زوجها
تدافع عن زوجها و تتفاخر بأبنائها – لكنها ايضا تشتكي منهم ! أما إذا أبديت ملاحظات على أبنائها فهي تدافع عنهم بشراسة (أدعي على ابني و أكره اللي يقول آمين)
إذا أجبرتها على شئ أو اخترت لها فإنها تشتكي من دكتاتوريتك أما إذا خيرتها فإنها تترك لك الاختيار !
أحيانا تطلب منك طلبات لمجرد اختبارك إذا كنت ستستجيب ام لا
المرأة الحمل كمديرة :
و الكلام دة ينطبق عند توليها أي منصب قيادي مديرة – وزيرة – أم - أخت كبرى - حماة
بتظهر شخصيتها الحقيقية أو الجزء المختفي وراء العاطفية و هي إنها امرأة مسيطرة جدا و ديكتاتورة ! و هي تضع السياسات و لا تحب من يخالفها و تريد من الكل ان يؤمنوا بقدرتها الفائقة على القيادة و عجولة و دائمة الانتقاد و تمارس ضغوطا كبيرة و لا ننكر أن من يستجيب و ينصاع لأوامرها انصياع كامل ترضى عنه و تعامله معاملة خاصة
للمزيد لابد لصاحبة البرج أن تقرأ بوست رجل برج الحمل لأن طبيعتهم النفسية متشابهة جدا
مشاهير امرأة برج الحمل :
صبيحة كوكجن اول قائدة طيارات مقاتلة في العالم , كيري راسل , أليسون هانيجان ,سارة جيسيكا باكر , كيرا نايتلي , أمي سمارت , ديانا روس , نانسي بيلوسي رئيسة الكونجرس , ماريا شارابوفا , جينيفر كابرياتي , سيلين ديون , جوليا بطرس , بيجوو فيليبس , جلوريا آريو رئيسة الفلبين , سينثيا نيكسون , ماندي مور , كاستوربا غاندي زوجة غاندي , شانن دوهرتي , كلير دانز , جولي كريستي , ايما تومسون , سامنثا فوكس , ايما واتسون , جينيفر جارنر , الملكة اليزابيث الثانية ملكة بريطانيا , نجوى أبرهيم , إسعاد يونس , باسكال مشعلاني , زوزو شكيب , هالة فؤاد , ريس ويثرسبون , أمينة رزق , ماريا كاري , سميرة أحمد , ممتاز محل التي بنى لها زوجها الضريح الشهير تاج محل 



تنبيه و تحذير
كل ما كتب في هذه المدونة عن صفات الأبراج هو من واقع خبراتي ومشاهداتي في تحليل الشخصيات والتعامل مع البشر وليس له علاقة من بعيد أو قريب بالتنجيم أو الفلك أو الحظ أو التنبؤات!
والبرج هو الشهر في السنة الشمسية و هي تقابل السنة القمرية و الشهور القمرية, فما أكتبه يشابه أن تكتب التشابه في صفات أبناء بلد معين أو مهنة معينة, فالعلاقة هي المصاحبة (التوقيت) لا أن النجوم تؤثر في الصفات ,و يشابهها أن نقول أن الجيل الفلاني يتصف بكذا و كذا (صفات في داخل فترة زمنية)
-         نسبة دقة الكلام المكتوب – في تقديري الشخصي -  حوالي 80% , بمعنى أنه يصدق أو يصيب بنسبة 80% من الناس و 80% من صفاتهم كأفراد
-         تشابه الصفات في داخل وقت محدد هو آية من آيات الله عز و جل – وأن الكون كله في تناغم و علم مسبق لله عز وجل

صفات الأبراج – لماذا حذفت و لماذا أرجعت المدونة في الرابط التالي:
وفيه كيفية الاستفادة من الأبراج بشكل سليم

لمن أراد معرفة تفاصيل وقصة من أين أتيت بالكلام المكتوب في المدونة عن الأبراج طالع البوست في هذا الرابط :
حكايتي مع الأبراج

لمشاهدة كل الموضوعات في المدونة اضغط على هذا الرابط: