الاثنين، 20 سبتمبر 2010

أيها المسيحيون ماذا تعبدون ؟


إن محور المسيحية هو عقيدة الصلب و الفداء – و التثليث
و هذا الموضوع هو محاورة عقلية تظهر مدى عقلانية هذه العقيدة


1-  لماذا تأخر نزول المسيح ابن الله آلاف السنين ؟ مع أن الخطية وجدت مع وجود آدم نفسه ؟
2-  أين كان ابن الله طوال هذه الآلاف من السنين ؟ و ماذا كان يفعل ؟ و لماذا لم يخبرنا الله منذ قديم الأزل بقدوم ابن الله ؟ أم كان لايعرف أنه سينزل ؟
3-  قبل نزول المسيح كان هناك مؤمنين بالله ولو قلة – فما مصيرهم و هم لا يؤمنون بعقيدة الصلب و الفداء – لأن المسيح لم يكن ظهر بعد – فإن كان مصيرهم الجنة فيمكن إذن للمؤمن بالله أن يدخل الجنة دون أن يؤمن بعقيدة الصلب و الفداء , و إن كانوا في النار – فإن الآلاف من المؤمنين سيزج بهم في النار لمجرد أن المسيح تأخر في النزول
4-  لماذا يرسل الله عز وجل أنبياء أو نبي و هو يحيى (يوحنا المعمدان) في نفس الوقت مع المسيح ؟ ألا يكفي وجود ابن الله لهداية البشرية ؟ و إذا كانت سياسة إرسال الرسل فاشلة و تطلبت نزول ابن الله بنفسه إلى الأرض فلماذا وجد رسل بعد رفع المسيح ؟ بولس الرسول مثلا
5-  إذا كان صلب المسيح كان لفداء البشرية و انقاذها من الخطية – و لا يوجد خطية أعظم و لا أخطر من الكفر و لا أحوج للغفران من الكفر- فإذن الكافرين سيدخلون الجنة (المسلمين مثلا) , و إن كان الفداء لا ينفع مع هذه الخطايا الكبيرة فهو إذن مختص بالخطايا الصغيرة – فهل الله عز وجل غير قادر على غفران الخطايا الصغيرة و يحتاج الأمر لنزول ابنه على الأرض و تركه يصلب و يتعذب ؟ لمجرد أن يستطيع أن يتمكن من غفران الخطايا الصغيرة ؟
6-  هل استفاد البشر من نزول و صلب المسيح ؟ أم فرض عليهم ذلك واقعا جديدا أصعب بأن فرض عليهم الايمان بعقيدة صعبة التصديق فأوقعهم ذلك في الكفر – اي ساهم في زيادة الكفار بدلا من هداية الناس , فإذا كان البشر أصلا واقعون في الخطية فهل يكون انقاذهم بتصعيب الامتحان عليهم ؟
7-  لماذا احتاج الأمر لنزول ابن الله بنفسه إلى الأرض و يتم صلبه لفداء البشرية ؟ هل لا يستطيع الله أن يغفر بدون هذا ؟ أو على الأقل يفنينا جميعا – لا جنة و لا نار –
8-  لماذا يضحي الله بابنه من أجل بشر خاطئين ؟!! هل لمجرد أنه عاجز أن يغفر لهم ؟ هل حبه للبشر يفوق حبه لابنه – الوحيد –
9-  لماذا يتعذب من لا خطية له من أجل من اقترفوا الخطية ؟ ألم يكن الأجدى أن يتعذب من ارتكب الخطية ؟ هل لأن الله يحب أهل الخطية فيعذب ابنه لأجلهم ؟ ألم يكن من الأسهل أن يغفر لهم ؟ ألم يكن من الأسهل أن يهديهم ؟ أم أنه إله غير قادر على الغفران – غير قادر على الرحمة – غير قادر على الهداية ؟
10-                     لماذا نزل المسيح في صورة بشرية – ساهمت في حدوث لبس كبير- ألم يكن من الأفضل نزوله في هيئته الحقيقية بصفته ابن الله
11-                     كيف مات المسيح على الصليب ؟ هل ابن الله قابل للموت أصلا ؟ و لماذا قام في اليوم الثالث ؟ لماذا ثلاثة أيام ؟ لماذا يستغرق قيامه ثلاثة أيام ؟ و كيف عاد إلى الحياة ؟ و كيف من يحيى الموتى ليثبت للناس أنه ابن الله ثم نجده بعد ذلك يموت هو نفسه !
12-                     على فرض قصة الطبيعتين – الطبيعة البشرية و الطبيعة اللاهوتية للمسيح – فكيف ماتت الطبيعتين معا – داخل الجسد – على الصليب ؟ أم أن الأمر مجرد جسد و روح – مثل أي بشري – و الذي مات هو الجسد و انتقلت الروح إلى خالقها
13-                     لن أسأل لماذا احتاج ابن الله لرحم امرأة ليظهر ؟ لكن سأسئل لماذا احتاج إلى الروح القدس ليدخله في رحم مريم العذراء ؟ لماذا لم يدخل في رحمها مباشرة ؟ هل هو عاجز هو الآخر ؟
14-                     بعد أن قام المسيح و صعد إلى السماء و جلس على يمين أبيه , لماذا لم يتحدوا معا ؟ و السؤال بشكل مختلف – الأب و الابن و الروح القدس هل هم موجودون بشكل منفصل في السماء ؟ بدليل أنه عندما صعد المسيح جلس على يمين أبيه , فلو كل واحد منهم إله – فهم ثلاثة آلهة , و لو هم إله واحد فهو إذن متجزء لثلاثة أجزاء  , فهل الإله قابل للتجزئة ؟
15-                     يقولون أن الابن مساوي للأب في الجوهر , و الفرع عندما يساوي الأصل فهو إذن انقسام (مثل الخلية تنقسم إلى خليتين متساويتين متشابهتين من أصل واحد) و هذا بالطبع يؤدي بنا إلى الاستنتاج إلى أنه أصبح هناك اثنين من الألهة – أو نسختين – فلا معنى لقولهم إله واحد !
16-                     إذا كان هذا لانقسام قد حدث مرة فهو قابل للتكرار , فيكون هناك العديد من الأبناء
17-                     المسيح ابن الله مولود من الله , و الروح القدس منبثق من الله – هكذا يقولون , فما الخطأ في أن نعبد – نحن المسلمون – الله الأول و نترك الباقين لأنه لا دليل على وجودهم و عقولنا قاصرة عن استيعاب هذه العقيدة ! فأدلة وجود الله وفيرة , أما أدلة ألوهية المسيح أو بنوته فمعدومة
18-                     إن العملية التمثيلية الكبرى التي تتمثل في قصة الصلب و الفداء للمسيح الذي صلب نيابة عن البشرية ليفديهم أوقعتنا في اشكالية أكبر – فالاله العاجز عن غفران الخطايا و اضطر لارسال ابنه في تمثيلية أوقعنا و أوقع نفسه في إشكالية لا حل لها و هي أننا ارتكبنا أم الخطايا التي يصعب غفرانها عن حق ! و هي خطية تعذيب و صلب و قتل ابن الرب ! و هي خطية تحتاج لنزول الأب بنفسه ليصلب هو الأخر فداءا لهذه الخطية الكبرى !
19-                     إن امتزاج الطبيعة الناسوتية (البشرية) مع الطبيعة اللاهوتية في رحم مريم العذراء لتكون المسيح ابن الله – كل هذا تم بمعجزة و بمساعدة الروح القدس , و السؤال أن هذا الامتزاج الصعب كيف ينفصل هذا الامتزاج بموت و صلب المسيح ؟ أي كيف ما جمعه الله يفرقه الانسان – قتلة المسيح -  , إن أدوات القتل كافية لقتل الجسد البشري لكن هل تكفي لفصل هذا الامتزاج المعجز بين اللاهوت و الناسوت ؟
20-                     يقولون إن المسيح هو عقل الله , فأين ذهب عقل الله في الفترة بين موته على الصليب و قيامته بعد ثلاثة أيام ؟ بصيغة أوضح – هل ظل الله بلا عقل لمدة ثلاثة أيام ؟
21-                     هل ولد المسيح في جسد مريم ؟ أم ولد في السماء "اليوم ولدتك" ؟ أم كان أول شئ "في البدء كانت كلمة " ؟
22-                     عندما قال الله للمسيح " انت ابني اليوم ولدتك " فهل كان المسيح لا يعرف من هو ؟ هذا مناف لألوهية المسيح – لأن الإله لابد أن يكون عالما و لو لم تكن عنده صفة العلم فهو ليس بإله و لن يكون –
23-                     في الثلاثة أيام التي تفصل الصلب عن القيامة , ما هو مصير الطبيعة اللاهوتية و الطبيعة الناسوتية ؟ - يعني بالمصري جثة المسيح كانت ليها طبيعتين و لا واحدة و لا ملهاش ؟ و لو ملهاش يبقى الطبيعتين راحوا فين ؟
24-                     يقولون أن المسيح هو عقل الله كما أن الروح القدس هو روح الله , في حين أنهم يقولون أيضا أن المسيح مساوي للأب في الجوهر و له ما للأب - , و هذا تناقض واضح و صريح (ثلاثة لهم نفس الصفات و الخصائص أم ثلاثة كل واحد منهم له خصائص مختلفة عن الآخر؟)
25-                     يضربون مثلا للثلاثة في واحد , بالشمس و نورها و حرارتها , في حين أن النور هو نور الشمس لا الشمس نفسها , و الحرارة هي حرارة الشمس لا الشمس نفسها , أي أن النور و الحرارة بمجرد انفصالهما عن الشمس – لا يصح تسميتهما أنهما شمس أو حتى جزء من الشمس لكن نقول النور القادم من الشمس أو الحرارة المنبعثة من الشمس, و هو ما يقوله المسملون أن المسيح  و الروح القدس بمجرد انفصالهما و حضورهما إلى الأرض زالت عنهم صفة الألوهية – على فرض أنهما كانا جزء من الذات الألهية
26- إن مسيحيي العالم عندهم لبس في قضية الاتحاد و الانفصال فعينهم تنظر إلى الثلاثة و تراها واحدا ً ! و عين المسلمين ترى الثلاثة ثلاثة ! و المسيحيون مصممون أن العيب في اعيننا ! و المسلمون مصممون أن العيب في عقول المسيحيين لا في أعينهم ! 
    و أقول انهاءا لهذه المسئلة بشكل نهائي أنه طالما هناك ثلاثة أجزاء و كل جزء منهم له إرادة منفصلة و تصرفات منفصلة إذن فكل واحد منهم هو كيان بذاته , و لا يوجد مثال في الدنيا لشئ أو لموجود منقسم لثلاثة أجزاء أو ثلاثة طبائع مثلا و لها إرادة و تصرفات منفصلة و يمكن وصفها أنها واحد ! مثال لذلك يد الانسان هي جزء منه و كذلك روح و جسده , لكن بمجرد انفصال أي جزء عن الكل و يصبح الجزء له ارداة و تصرفات منفصلة عن ارادة و تصرفات الكل فانه  يصبح كيانا منفصلا , فالروح داخل الجسد توصف بأنها انسان لكن بمجرد خروج الروح عن الجسد صارا كائنين الروح و الجسد أما كلمة انسان فهي ماضي لا واقع , يؤيد هذا الكلام و التصور أن المسيح عندما صعد إلى السماء جلس عن يمين الأب ولم يندمجوا معا , فالمسيح ينزل و يصلب و يصعد , و الروح القدس يحل في الكنيسة , كل هذه تصرفات منفصلة تدل على إرادات منفصلة لكيانات منفصلة – حتى ولو كان بينها قرابة أو تنسيق – لكن وصفهم بأنهم كيان واحد لا يعدوا كونه وصفا لفريق عمل واحد مثلا أو مؤسسة واحدة –أي على سبيل المجاز لا الحقيقة -



وَقُلِ ٱلْحَمْدُ لِلَّهِ ٱلَّذِي لَمْ يَتَّخِذْ وَلَداً وَلَم يَكُنْ لَّهُ شَرِيكٌ فِي ٱلْمُلْكِ وَلَمْ يَكُنْ لَّهُ وَلِيٌّ مِّنَ ٱلذُّلِّ وَكَبِّرْهُ تَكْبِيراً           الإسراء 111

الخميس، 16 سبتمبر 2010

النموذج السئ للمرأة الجوازئية

نموذج من التعب الذي كنت ألاقيه من المدونة



هذا هو حوار و نقاش حول مشكلة عرضت عليّ , و كان طرفها فتاة أو امرأة جوزائية , و أصريت على عرضها كاملة - رغم طولها الشديد - ثم ليعود من يقرأها و يقرا بوست امرأة برج الجوزاء - و ليرى حجم المجهود الذي أبذله لأكون محايدا و أنزع من ذهني تأثيرات النماذج السيئة - و أن الحياد ليس سهلا , و ليعرف القراء الأعزاء سبب غضبي حينما يتهمني أحد بالتحيز أو التجني أو عدم الحيادية -  لأني أكون أعلم أسرار غير مكتوبة عن البرج و لا أصرح بها - حتى لا أضر أصحاب البرج و لا أقلل من قدرتهم التنافسية في وسط المجتمع - بعبارة اوضح أني رغم أني أحذف العديد من الأسرار عن البرج و لو كتبت ستزيد صورة البرج سوءا إلا أني رغم ذلك لا أسلم من اتهامي بالتحيز ضد أصحاب هذا البرج !

أولا على المدونة في تعليقات رجل برج الدلو كلاكيت تالت مرة :
من جوجو :

الأخت دلواية
أنا بقرا المدونة بقالي مدة ومفكرتش أعلق الا لما قريت ردك بصي يا حبيبتي أنا حكايتي زيك بالظبط
أنا برضه جوزي دلو ومهندس بس احنا في مصر وكمان إنا جوزاء
والجوزاء يا أختي ممكن يقاوح عشرة بس قدام سبع البرمبة كنت بسكت عشان الموضوع مايكبرش وبفوت وبرضه مش عاجبه العجب
كنت بحس اني زي مابيقول صلاح قابيل في الراقصة والسياسي عارفه الست اللي ربنا مديها شوية صحة أما بتستفرد بسجادة عشان تنفضها أهو انا ببقى السجادة
الأستاذ مستوطي حيطتي أي مشكلة حتى لو ماغلطتش يطلع زرابينه عليا ويقطم فيا
وفي الآخر يا يتأسف يا ما يتأسفش هو ومزاجه
لحد اما زهقت وبيقيت أقاوح في الأول على استحياء عشان اثبتله اني ممكن أرد لقيت مفيش فايدة بقيت أوريه المقاوحة اللي على حق اتنرفز وضربني قلم كأنه روسية مش بونية واجتنبته فترة وفضل ورايا بالهدايا والاعتذارات وانتي مراتي وماقدرش استغنى عنك واذا انتي مستحملتنيش مين اللي هيستحملني
وأقوله استحملك آه استحمل انك تجرحني لأ
حلفلي مية يمين برضه انه مش هيعمل كده تاني وعملي من البحر طحينة
لحد اما سامحته ورجعت أفيض عليه بحناني في الأول كان ابن حلال وحسيت انه ممكن فعلاً يكون اتغير
وبعدين رجعت ريما لعادتها القديمة !
زعيق وشخط ونطر وتقطيم وأنا زهقت وبقيت مخنوقه منه بجد ولولا بنتي الصغيرة كنت سبته وكمان والدي متوفي ووالدتي ست كبيرة واخواتي كل واحد في حاله
فقررت اريح نفسي من وجع الدماغ واسيبه يكاكي مع نفسه وبرضه في مرة رجع من شغله متنرفز وبيزعق جامد وكالعادة قلت هحط أعصابي في تلاجه وقلتله كمان حقك عليا مش قصدي ازعلك مع اني معملتش أي حاجة وسبته ورحت المطبخ أكمل عمايل الأكل لاقيته دخل ورايا ورقعني قلم طبق الأصل القلم اللي فات وقالي اما أبقى اكلمك متسيبينيش وتمشي
ساعتها انفعلت وقلتله لأ هسيبك وماليش عيش معاك بعد كده ؟ ونفسي عزت عليا وقعدت أعيط قالي انتي اللي جبتيه لنفسك وشوفي قمة الغيظ اللي كانت فيا قمت حدفاه بكوباية من المطبخ في دماغه
وطبعاً جريت بعدها على الحمام حبست نفسي ساعتين كنت خايفة أطلع يضربني تاني جه خبط عليا وقالي اطلعي مش هعملك حاجة قلتله مش هطلع غير لما تسيب البيت خالص وفعلاً ساب البيت بس رجع مالقانيش
خدت بنتي ورحت قعدت مع والدتي واهي برضه ست كبيرة الواحد يكسب فيها ثواب وبالمرة أريح نفسي من الصداع اللي كنت فيه
وبرضه مش سايبني في حالي كل شوية ينطلي ارجعي انا ماليش غيرك انتي وبنتي وحقك عليا ووالله كان عندي مشاكل جامده وانتي بنت ناس واستحمليني قلتله لا استحملك ولا تستحملني كل اما يكون عندك مشاكل هتعكنن على أهلي خلاص الموضوع انتهى وربنا يسهلك مع واحدة تقدر تحبها وتحترمها يقولي أنا بحبك وبحترمك أقوله اللي يحب واحدة مش هيعاملها كده
وبرضه مش سايبني في حالي
انا ماقلتش لحد إنه ضربني وأما حد يسألني أقول ماتفاهمناش مش عشان خاطره لكن ده أبو بنتي ومش عاوزه البنت تكبر تطلع كارهه أبوها وعشان مابقولش حاجة الناس فاكرينه ملاك وأنا اللي وحشة وبتقطم وبدلع والمشكلة برضه اني محتارة زيك بالظبط
أنا مش هحرم البنت من أبوها مستحيل طبعاً لأنه بصراحة أب كويس وبنتي متعلقة بأبوها جامد وكل شوية تسألني بابا فين ؟
ممكن نبقى نتفق على وقت يشوفها فيه لكن مش عاوزه أعيش معاه وبنتي تكبر وتتعلم إنه عادي جوزها يمد إيده عليها مع انه حلفلي برضه ان ده مش هيتكرر تاني بس هو حلفلي قبل كده ايه اللي يخليني أصدقه
وخديها نصيحة مني وبلاها دلو خالص ده برج متعب وسيبك من البرج الراجل اللي يمد إيده مره هيمدها تاني
وبصي يا أختي أنا مش عاوزة أقلقك لكن افتكر انك لسه ماخلفتيش وده كويس استني أما الأمور بينكم تستقر شوية وخدي بنصيحة بلوجاتي واديله فرصه تانية عشان لو رجع لطبعه ده تاني تخرجي باقل الخساير الممكنة
وخدي بالك من نفسك ورمضان كريم

جوجو



****



رد من بلوجاتي :

الأخت جوجو

الحقيقة انا لو لية اخت مجوزهاش دلو - و لو لية اخ مجوزوش جوزاء

و نظرا لأن كلامك من طرف واحد , لكن بسبب معرفتي الجيدة بالدلو و الجيدة بالجوزاء - فممكن يكون طريقة اجتناب نرفزته بسيطة جدا - و هو اللي هيقولك عليها -

المهم انا عندي اقتراح :
فيه سنة مهجورة - و هي مذكورة في القرآن - حكما من أهله و حكما من أهلها -
لكن المشكلة ان الحكم لازم يكون ليه شروط منها انه يكون عادل - يعني محايد - و منها انه يكون له معرفة بالشرع - عشان يحكم بما يوافق شرع الله
فلذلك انا - شخصيا - ممكن اقوم بهذا الدور بينكوا - متطوعا-
أي محاولة الصلح و كذلك الحكم بينكوا (أي أن حكمي سيسري عليكما معا - اي توافقوا مقدما على الالتزام بما سأحكم به -)
طبعا لو عجبك الاقتراح , اعرضيه عليه بهدوء - وخصوصا اني شخص غريب مما يجنبكما حرج الأهل - و خليه يقرا هنا في المدونة شوية - ولو ارتضتوني حكم بينكوا انا على استعداد
(اعتبروني ماريج كونسيلار بس بشكل اسلامي )

و رمضان كريم

تحياتي



****


رد من جوجو :


شكرا على ردك يا بلوجاتي وانا متفقة معاك في كلامك عن الدلو بس الجوزاء طيبين والله خصوصاً إني ماغلطتش في الأستاذ بحاجة
وحكاية الحكم من أهلي أو أهله صعبة لأن هيبقى فيها قعدة وسين وجيم وإيه اللي حصل وعاوزه تسيبيه ليه ؟ وطبعاً مش عاوزه الكلام يكتر في الموضوع عشان بنتي

أنا ماعنديش مانع إن حضرتك تحكم بيننا بس أنا مش طايقة أتكلم معاه خالص يعني ممكن اتصل بيه وأمهدله في الأول
وبعدين لو ينفع ممكن أبعت لحضرتك الإيميل بتاعه ده بعد ما حضرتك تديني ايميلك

لكن أنا شخصيا صعب أقعد واتكلم معاه وحتى لو حصل مش ببص في وشه ويقولي بصي في وشي على الأقل
وبصراحة كل اما أبص في وشه مابقتش ألاقي الراجل الحنين اللي اتجوزته بلاقي واحد ضربني وكلامه شخط ونطر فصعب أقعد معاه
وآخر مرة قالي يا بنت الناس لو فضلتي مصممة فأنا يوم ما أطلقك صحيح هبقى بموت وأنا بعمل حاجة زي دي بس لازم أعيشك معززة ومكرمة انتي وبنتي والصراحة أنا معاييش مبلغ يخليني أطلقك أرد وأقوله يا أخي مش عاوزه منك حاجة يقولي بس انا عاوز أعوضك لأنك أم بنتي واستحملتيني
هو مش مقصر في أي مصاريف على قد مايقدر لا في حق البنت أو حقي كمان بس الصراحة انا معرفش كلامه ده بجد ولا بيماطل
والمشكلة إني عارفه إنه بني آدم كويس ومش عارفه إيه اللي بيغيره معايا وماتقوليش راجعي تصرفاتك يا بلوجاتي ربنا وحده اللي عالم أنا ببقى حريصة معاه ازاي
أنا شايفه الأحسن إني أمهدله واسيبه منه ليك إيه رأيك ؟ وشكرا على تعبك ورمضان كريم

جوجو

****
رد من بلوجاتي :


الأخت جوجو

انا عاوز اوضح حاجتين , ان دي مهمة صلح و تحكيم
الصلح يعني ايجاد وسيلة لمنع - أسباب النزاع و عدم تكرارها - , دة انا بستغل فيه فهمي لطبيعة الشخصيتين عشان مخليش شرارة الغضب تشتعل و تصل لمرحلة الضرب
انتي و هو ممكن متكونوش حاطيين ايديكوا على الشئ الصغير اللي ممكن ميخليش الأمور توصل لكدة - كل دة تحت مهمة الصلح

اما التحكيم فهو ان كل واحد ياخد حقه و يدي حقوق غيره بما يرضي الله - و ايضا تغليب ما يغلبه الشرع - زي بغض الطلاق - زي مصلحة الأولاد - زي كرامة الزوج - زي تطييب خاطر المرأة - الخ الخ

اللاعقة بين رجل الدلو و امراة الجوزاء محتاجة لمجهود و تنازلات من الطرفين
انا عارف ان الدلو احيانا لا يطاق - لكن الجوزاء من اكثر الابراج استفزازا

اما ايميلي فهو موجود على المدونة و حطيته كتير و هو :
*******@gmail.com

تحياتي

***


رد من جوجو :


يا بلوجاتي الجوزاء فعلاً مستفز بس أنا ماكنتش مستفزه معاه وحتى لو ده حصل مالوش انه يجرحني ويضربني بحجة الاستفزاز
أنا عندي 29 سنة وقراقوش 31 يعني مش مراهقة عشان استفزه من الباب للطاق انت عارف المرات القليلة اللي استفزيته فيها كان لما بيجرحني قوي
وحتى لو حصل كنت ببقى حريصة في كلامي كنت بخاف أتقل عيار الاستفزاز ليجرحني بزيادة لدرجة إني كنت ساعات باجي على نفسي وأطيب خاطره وهو الغلطان
وعشان كده سبته حاسه إني عند أي مشكلة لازم اسكت واتنازل وبعدين يهين كرامتي ويضربني
كل اما حد يسألني عن اللي حصل بيني وبين الأستاذ أقول ده موضوع شخصي ومفيش نصيب فالكل حتى أمي فاكرني بتدلع وعاوزه أخرب البيت على الفاضي وجايبين الغلط عليا
أنا مش عاوزه أعيش دور الشهيدة ده أبو بنتي وانا بتمناله الخير على رأي أنغام
وربنا عالم بظروفه ولو في أي حاجة كانت ممكن تكون معكننة عليه وبيطلعه عليا فربنا يسهله أموره
بس ربنا كمان عارف وشايف أنا استحملته قد إيه
وجوزي كمان عارف اني جيت على نفسي كتير وفي الآخر انضرب بالقلم على وشي وجاي يقولي أرجعيلي وننسى اللي فات
أنسى إيه بالظبط ؟ يعني أرجع للقلق برجليا وانا لو رجعت هيبقى عشان بنتي وحتى دي مش قادره عليها
هو جرحني جامد لدرجة اني مش عارفه أحط خاطر لبنتي يخليني أرجعله أو اسامحه

رمضان كريم واسمحلي أبقى أحاول أتواصل معاك على الإيميل وشكراً



***


رد من بلوجاتي :


الأخت جوجو

اكيد اتفضلي - الايميل دة متاح للجميع -

انا بس مش عاوزك تتنرفزي من كلامي - انا بحاول اكون محايد , و حتى ول انتي صح 100% و هو غلط مليون المية فمحدش هيقولك كدة في وشك لأنه هيكون بيقويكي على زوجك و بيشجعك على الطلاق -

ثم انا اول مرة اعرض على حد اني اتدخل بشكل شخصي - لأني مش خايف انك مترجعيلوش - لكن خايف انك ترجعي و يضربك لتالت مرة - لأننا لم نزيل الأسباب - و ساعتها محدش هيعرف يقنعك ترجعيله تاني

و ببساطة اكتر - المشكلة مش تسامحيه و لا لأ , المشكلة هو ليه بيضرب ؟ , فمثلا لو السبب من عنده بنسبة 80% و الباقي عندك , ممكن لو معرفناش نزيل الأسباب بتاعتك و بتاعته - نخليه لما يقرب من الشعور بفقد السيطرة على نفسه يقولك مثلا ابعدي من وشي دلوقتي - و انتي لازم تستجيبي و مترديش - لحد ميهدأ

ارجو اكون وصلت اللي انا عاوز اوضحه

تحياتي



***


ثانيا على الايميل :


ايميل من جوجو :





أزيك يا بلوجاتي
يارب تكون بخير أنا جوجو
أنا بس أحب أقولك ان في ردي الأخير على المدونة ماكنتش متنرفزة منك أنا كنت متنرفزة من جوزي وعشان كده بان في ردي اني متنرفزة بس مش منك
وعندي سؤال
انت بتقول لو المشكلة من عنده بنسبة 80 % ومن عندي بنسبة 20 % أقله لو وصل للمرحلة دي ينبهني عشان أبعد من وشه
بس أنا لما بحس انه هيوصل لمرحلة النرفزة أو الزعيق مش برد عليه وببعد عنه عشان الحكاية ماتكبرش الغريب بقى إني بلاقيه جه ورايا وبدأ الخناق والزعيق من تاني
 زي آخر مرة ضربني فيها أنا لما لاقيته بيزعق قلتله حقك عليا وبعدت عنه عشان مايتنرفزش بزيادة لاقيته دخل ورايا المطبخ وبدون أي مقدمات أداني قلم صعيدي محترم
انت بتقولي كمان أنا مش خايف انك مش عاوزه تعيشي معاه أنا خايف ترجعي ويضربك لتالت مرة واحنا عاوزين نعرف بيضرب ليه ؟
أحب أقولك إنها ممكن تكون تالت مرة يضربني على وشي بس مش تالت مرة يضربني
هو ضربني قبل كده كذا مرة يعني ممكن يضربني على ضهري ممكن يمسكني جامد من دراعي وبعدين يزقني ممكن يحدفني بأي حاجة في إيده بس حكاية الضرب دي مش بتحصل كتير يعني اما بقاوحه ساعات بيمد إيده
هتقولي إذا بطلي مقاوحة هقولك حكاية المقاوحة دي برضه مش بتحصل كتير لأني بخاف من رد فعله عشان كده في الغالب ببقى وصلت للشرطة الحمرا وببقى معبية منه
والمقاوحة عند جوزي لا تشترط الضرب يعني ممكن أوقات أقاوح ويسكت وممكن بدون مافتح بقي الاقيه اتنرفز وزعق وراح زقني مثلاً هتقولي كده من الباب للطاق ؟ هقولك أيوة كده من الباب للطاق
هتسألني أكيد في سبب وصله لكده وشوفي انتي عملتي إيه ؟ هجاوبك قرار النرفزة والغضب ده مش ضروري يكون بسبب جريمة عملتها ممكن يكون بسبب حاجة مضايقاه نقول في شغله  أو انه زهقان مثلاً وحاسس إن في شحنة زهق لازم تطلع مين بقى اللي لازم يستحمل زهقه وغضبه أكيد مفيش غيري بس هو لو غضب كده من الباب للطاق هيبقى منظره وحش
فبيتلكك زي رشدي أباظة وكمان بتقولي صباح الخير ؟
وصدقني معنديش مانع استحمله وهو زهقان أو لو في حاجة منرفزاه بس استحمل انه يجرحني من غير أي حاجة صعب ومع ذلك كنت بستحمل بس لكل بني آدم طاقة أما مابعرفش استحمل كانت بتنتصر عندي صفات الجوزاء وأجادل وده زي ماقلتلك قليل قوي
والمجادلة هنا مش بحكم طبيعة الجوزاء لكن مجرد إزاحة عشان أعرف استحمله بعد كده
زي الخزان أما بيعبي هيوصل لحد مش هيعرف يمتلى بعد كده لازم يفضي عشان يعبي من تاني
يعني هحكيلك موقفين عشان تفهمني
في يوم كانت البنت بتلعب بالشاحن بتاع سعادته وبعدين نامت والشاحن في إيدها ودخل يسأل على الشاحن عشان يشحن الموبايل قلتله الشاحن في إيد البنت كانت بتلعب بيه
قالي وليه تلعب بيه أصلاً انتي عايشة حياة العزوبية ومش واخدة بالك من البنت أو البيت
مع إنه ربنا عالم إني مش مهملة في بيتي أو البنت أو حتى فيه و أما لاقيته متنرفز قلت براحة خالص عشان اهديه هو انت ياابني عشان حنيت لأيام العزوبية فاكرني زيك ياسيدي انت وبنتي عندي بالدنيا ولو على الشاحن البنت لسه نايمة وكمان ربع ساعة أما تروح في النوم هاخد الشاحن وأجيبهولك
قام رايح واخد الشاحن من البنت فالبنت صحيت وقعدت تعيط قلتله براحة عاجبك كده يا سيدي أهي صحيت ؟ بصيت لاقيته لاوي سلك الشاحن فوق بعضه وضربني بيه على رجلي
وأنا متنحة مش عارفه اتكلم ولا ايه اللي حصل ونرفزه كده وطبعا فضلت اسبوعين ماكلموش
بس فضل كالعادة يتحايل ويتأسف
وفي مرة تانية كانت البنت عملت حاجة غلط مش فاكراها فقلتها عيب وضربتها على ايدها براحة زي مابنعمل مع الأطفال
بصيت لاقيته شخط فجأة وقالي ماتضربيش البنت والا مش هخليها تسمع كلامك أصلا              
ساعتها كنت معبية منه جامد واتنرفزت فقلتله انا ماضربتهاش وأما أبقى مرات أبوها أبقى  خليها ماتسمعش كلامي وخلصت الحكاية على كده 
بعدها بيومين بالظبط كنا قاعدين نتفرج على التليفزيون في الصالة وسألني انتي ليه ضربتي البنت من كام يوم ؟ قلتله عشان غلطت 
قال حتى لو غلطت دي عيلة ماكملتش سنتين وأحسنلك عامليها كويس لأن من غيرها مالكيش لازمة
ومع اني اتنرفزت من كلامه قلت بهدوء يابن الحلال اللي ماكملتش سنتين دي انت ساعات بتشخط فيها وبتضربها على إيدها كمان ترضى ساعتها أقولك عاملها كويس لأنك مالكش لازمة من غيرها
قالي وهو متنرفز انتي هتعملي راسك براسي أنا أبوها
ساعتها اتنرفزت أنا كمان وقلتله وانا امها والدين وصاها عليا 3 مرات وعليك مرة
قالي هو انتي هتعلميني ديني ؟
قلتله يعني وهو انت اللي هتعملني ازاي اربي بنتي ؟
قالي لو مش عارفه اعلمك ولو ماتعلمتيش يبقى اتفضلي امشي ومالكيش لازمه
قلتله وانت كمان مالكش لازمة من غيرها لأنه لولا البنت ماكنتش كملت معاك أصلاً
قام ماسك ريموت التليفزيون وحدفني بيه في دماغي
وقالي لو ماحترمتيش نفسك هطلقك قلتله ياريت في دية بقى سبت أسبوع ورجعتله لوحدي مارضيش يتأسف أو حتى يطيب خاطري
ودي من المرات القليلة الللي جادلته فيها وانا مش ملاك أكيد ممكن أكون عملت حاجات تضايقه بس مش حاجات تستاهل منه المعاملة دي
هتقولي أكيد في حاجة مضايقة جوزك هقولك أيوة في بس انا معرفش هي إيه أكتر من مرة
أطبطب عليه وأسأله انت في حاجة مضايقاك ؟ لو في اقعد اتكلم معايا ؟ يإإما يقولي مش عاوز اتكلم أو يقولي انتي هتضايقيني بالعافية ليه هو انا ناقصك  
كذا مرة سألته يابن الناس انت ندمان انك اتجوزتني ؟ يقولي ببرود اما بتضايقيني أكيد بندم وياعالم مين اللي بيضايق مين
هتقولي ممكن تكوني جيتي على كرامته من غير ماتاخدي بالك هقولك وانا ماجاش على كرامتي باللي عمله 
هتقولي ده جوزك واستحملي هقولك استحملت لحد اما وصلت لمرحلة اني امتليت على آخري لانا عارفه أعبي ولا أفضي
هتقولي يعني معقول ماعملش معاكي أي حاجة كويسة ؟ هقولك الشهادة لله عمل والكويس أكتر من الوحش بس هو قبل مايجرحني بالشكل ده ماكنش فاكرلي أي حاجة كويسة
أنا كمان الكويس بتاعي أكتر من الوحش
والبني آدم يا بلوجاتي بيبان على أصله في اللحظات الوحشة مش الكويسة لأنه في اللحظات الكويسة كلنا طيبين واللحظات الوحشة بتبين البني آدم إذا كان عاقل ولو غضب هيعرف يبقى عاقل في غضبه ولا هيسيب نفسه لغضبه وزهقه ويجرح اللي حواليه
انا كنت في مرحلة هوافقك على حكاية التحكيم بس بعدين لاقيت انه حتى لو اتغير مش هعرف اسامحه ومش هقدر نفسياً أعيش معاه تاني أنا بس مستنية أما رمضان يخلص وهبدأ في موضوع الطلاق
معلش أعذرني لو طولت عليك أنا كنت مخنوقه وعاوزه أفضفض وانا عارفه ان في رمضان بتبقى الناس مش فاضية عشان كده ياريت اتواصل معاك بعد رمضان ان شاء الله
وشكرا        

****

ايميل من بلوجاتي :




اخت جوجو

حسب كلامك - هو فعلا طبعه صعب
و انا شخصيا مصدقك - و بعرف اميز نبرات الصدق من المبالغةو عدم الصدق

و سلوكه غريب - مش النرفزة او العصبية - لكن انه ميحكيش معاكي ابدا عن اسباب ضيقه دي حاجة غريبة جدا و مش من طبع الدلو
انا شاكك ان فيه واحدة تانية

و اللي ممكن ياكد دة - انك تلاقيه كتير بيتغاظ لما تكوني مثالية في البيت او معاه - يعني لما تكوني قايدة صوابعك العشرة شمع - تلاقيه متضايق و متنح و بيسرح

فعلا معاكي حق الموضوع مش سهل

****

ايميل من جوجو :

أنا كمان مش عارفه يا أخ بلوجاتي 
حكاية إن في واحدة تانية فكل شيء جايز ولو بجد في يبقى ربنا يوفقه بس ليه مش عاوز يطلقني ويتجوز اللي عاوزها ؟ 
وبعدين احنا متجوزين عن حب وخلال فترة الحب والخطوبة وفي أول الجواز كان طيب ومحترم جداً وحتى بعد كده أما بدأت الجنونة تطلع كان ساعات بيتنرفز وساعات بيرجع زي ماكان 
هو بيشتغل شغلين شغل في شركة وشغل حر مرات شريكه في الشغل الحر قالتلي ان الشغل كان بيمر بمشاكل وهو مش متعود يحكي عن شغله مع حد وخد بالك أنا قلت شغله يعني لو في حاجة غير الشعل مضايقاه يعني مشكلة مع واحد قريبه مثلاً بلاقيه بيقولي من غير مااسأله يعني مش أقدر أقولك انه دايما بيخبي ومش دايما بيقول   
وهو أصلاً بطبعه كلامه قليل وبيفكر مع نفسه كتير وحتى أما أبقى قايدة صوابعي العشرة شمع أوقات بيسرح وبيبقى مش طايق حد وأوقات يبقى طيب ومحترم ودمه خفيف 
وبرضه خد بالك انا قلت ان الكويس بتاعه أكتر من الوحش يعني أما ببقى تعبانة مثلاً بيقولي ماتعمليش حاجة في البيت ويا إما بيطبخ هو أو بيجيب أكل من بره 
وقلت برضه قلت ان البني آدم بتبان حقيقته في اللحظات الوحشة وأنا خلاص أخدت قراري  
وعارفه ان بين الرسالة اللي فاتت والرسالة دي ممكن أكون حيرتك معايا وانا مش عاوزه أحيرك أنا بس عاوزه أعرف ايه سر التناقض اللي عنده ده ؟
وإيه سر القلبة اللي بتحصل عنده فجأة دي هو ده بسبب البرج ولا هو أصلاً مش طبيعي ؟
وشكراً

****

ايميل من بلوجاتي :



بسبب البرج , الدلو ملك الجمع بين المتناقضات !

لاكمك مرتب و منطقي - بخصوص الواحدة التانية - و فعلا كدة يبقى الامر مستبعد

هو ممكن متازم في شغله
هو الدلو لما الشغل يكون مش مضبوط معاه - بيبقى شخص لا يطاق - 
ممكن تتكلمي معاه و انه لازم ينظم نفسيته لأن متاعب الشغل لن تنتهي - و الأزمة الاقتصادية مأثرة على الكل - و الخروج منها لن يكون يسيرا و لن يكون سريعا - فلازم ميستهلكش اعصابه و يخسر كمان اللي حواليه

تحياتي

****

ايميل من جوجو :

ياأخ بلوجاتي 
بقولك واحد ضربني وجرحني أكتر من مرة وكان بيزقني وبيضربني بسلك الشاحن وحدفني بالريموت وضربني بالقلم مرتين وفي الآخر تقولي ارجعيله كلميه وفهميه ليه هو العمر بعزقه ؟
الحمد لله مش بكلمه دلوقت وحكاية الطلاق دي رمضان يخلص ان شاء الله وهبدأ فيها 

عارف أنا بخاف أكلمه لاضعف واسامحه بسبب الحاجات الكويسة 
اسامحه لأني أفتكرت زي ما كنت بسأله مالك وييصدني كان برضه ساعات بيبوس راسي وبيقولي معلش انا عارف اني ساعات بزعلك بس غصب عني وانتي بنت ناس واستحمليني
ولأنه كنت لما ببقى زعلانة منه جامد كان يجيب منديل أبيض ويقولي أنا رافع الراية البيضا والنبي تبسم يا شيخه ويقعد يهزر ويضحكني 
ولأنه لما كنت ببقى مخنوقه من حاجة كان يقعد يتكلم معايا ويهديني ساعتها كنت بحس إنه عاقل قوي
بس أما بيقلب قلبته والقبر وببقى عاوزه اسأله انت فين والعقل فين ؟ 
أما بيقلب كان بيحسسني انه ندمان على أي كلمة كويسة قالها وأي حاجة كويسة عملهالي وعلى أي لحظة طيبة عشتها معاه

يشبه أغنية أحمد سعد بتاعة مسلسل قانون المراغي في رمصان اللي فات مع اني مابحبش أحمد سعد 

قلبك ساعات زى الحليب صافى...
وساعات يكون زى السراب كداب

معقولة يبقى حضنك الدافى
هو اللى برضه بيقسى عا الاحباب

وازاى بتقدر تتقسم نصين
تجمعنا وفى ثانية تفرقنا

وازاى بتتغير فى غمضة عين
من بحر هادى لموج يغرقنا
وتقوم رياحك تقفل الابواب

أنا نفسي أفتكرله الوحش بس عشان أكرهه بس بلاقي نفسي زي مابفتكرله الوحش بفتكر الحلو وبقعد اسأل نفسي لو هو مكانك وانتي حدفتيه بحاجة أو ضربتيه قلم واحد بس كان هيكمل معاكي مهما كنتي مهنياه ؟!
المشكلة اني من جوايا لسه بحبه وعشان بحبه مش عارفه اسامحه صعبان عليا منه وكرامتي واجعاني منه قوي
عارفه انه حازز في نفسك ان بيت يتخرب بس حقيقي الموضوع انتهى لأني بجد تعبت 

قبل ما أكتب رأيي على مدونتك كنت بكره كل رجالة الدلو بس اما كلمتك حسيت انه ممكن يكون فيهم أمل ولو بسيط 
شكرا على ردودك وربنا يعمل مافيه الخير

***

ايميل من جوجو :

إزيك يا أستاذ محمد كل سنة وانت طيب ويارب تكون بخير
بص أنا عارفه انك ممكن تكون مش حابب تسمع مشاكل أو ترد على أي حد دلوقت وفي الحقيقه لو مش عاوز ترد ماتردش انا بس مخنوقه وعاوزه اتكلم

انا كنت قلتلك قبل كده اني هستنى لحد اما رمضان يخلص وابدأ في موضوع الطلاق بس ماعرفتش اصبر كلمت عمي وقلتله يتكلم في الموضوع بحيث الطلاق يتم بعد العيد
و هو قال لعمي لو انا فضلت مصممة على الطلاق مش هيغصبني أعيش معاه بالعافية وهيديني كل حقوقي انا وبنتي بس هو عاوز يقعد يتكلم معايا الأول
وأنا لأني شبعت كلام معاه رفضت وقلت ياعمي انت كبيري دلوقت وخلص انت الموضوع ده انا مش هقابل حد

وبعدين جه العيد وانت عارف بقى الزيارات بتكتر بين الأهل بس كل اما حد من أهلي يشوفني يسألني عن الموضوع اياه فكنت عشان أغير جو بحب انزل اتمشى تحت شوية لأن الشارع بتاعنا هادي
وفجأة لاقيت اللي ماشي جمبي وبيسألني رايحة فين ؟ وطبعاً كان هو قلتله وانت مالك
قال هو انت نسيتي اني جوزك ؟
قلتله لأ طبعاً مانستش ان انت جوزي اللي ضربني واللي انا طالبة منه الطلاق
قالي طيب تعالي نقعد في حته ونتفاهم
قلتله لأ اتفاهم مع عمي

قالي يعني ايه لأ انتي سايبة البيت بقالك اكتر من 4 شهور ولو رجعتي اوعدك اني مش هزعلك تاني وكلام كتير زي انه اتغير ومايقدرش يستغنى عني وبعدين قالي انت مش فاكرة اي حاجة عدلة انا عملتها ؟ انت ماتعرفيش من ساعة ماسبتيى البيت انت والبنت وانا حالتي ازاي ؟
قلتله ومايهمنيش اعرف و انت يعني قبل ماتهيني وتضربني أكتر من مرة ماكنتش فاكر لي أي حاجة عدلة
قالي انا عارف اني غلطت في حقك وانت لو ماسامحتنيش مش هسامح نفسي قلتله لو سامحت نفسك يبقى ماعندكش دم
لاقيته اتنرفز وراح ساحبني من دراعي بالجامد كأنه حيفعصه وقالي انا فعلاً ماعنديش دم ولو وقفتي على شعر راسك طلاق مش هطلق
ساعتها انا خفت وقلتله سيب دراعي لحسن اصوت والم عليك الناس
قالي طيب صوتي كده وطبعاً ماصوتش وحاولت افلفص منه بس معرفتش قمت بعزم مافيا ورقعته حتة قلم - كان نفسي فيها ! -
شدني ناحيته وقالي انا ممكن ادفنك بالحيا دلوقت بس انا اللي مش عاوز
قلتله لو عاوز تدفني اتفضل ايه اللي حايشك ؟

فضل يبصلي شوية ووشه اتغير انا خفت بزيادة
قام سايبني وقالي انا هديكي فرصىة تفكري ولو فضلتي مصممة على الطلاق هطلقك لو غيرتي رأيك يبقى ساعتها نقعد ونتكلم قلتله كلامك مع عمي
وسبته ومشيت الغريبة انه فضل ماشي ورايا لحد اما روحت وانا قلبي كان واقع في رجلي كنت خايفه ييجي نحيتي تاني ويعمل أي حاجة بس الحمد لله ماحصلش
وطبعاً وصلت البيت مخنوقة من اللي حصل انا كنت بنزل اتمشى عشان افك الظاهر مش هنزل كمان

عارف انا عمري مامديت ايدي على حد وماكنتش احب ابو بنتي يبقى اول حد اعمل معاه كده بس غصب عني انا كنت خايفه وهو استفزني

يا أستاذ محمد انت قلتلي قبل كده ان لو هو غلطان مليون في الميه وانت صح ميه في الميه الناس مش هتقولك كده عشان البيت مايتخربش
انا امي صحيح ست كبيرة بس لو عرفت انه مد ايده عليا هتقولي تستاهلي سكتي ليه من الأول وهي اللي هتصمم على الطلاق

انا من جوايا لسه بحبه بس يغور الحب اللي يذل ويخوف صاحبه وانا خلاص على آخري مش عارفه اعمل ايه ؟
معلش طولت عليك انا بس كنت عاوزه اتكلم كل سنة وانت طيب وادعيلي ربنا يخرجني من اللي انا فيه
      
***

ايميل من بلوجاتي :




بصراحة رسالتك عصبتني او بالاصح افعالك

لكن عشنا احاول اكون موضوعي - لأني اصلا انا شايل من الجوزاء و شايف ان معظم الابراج افضل منها كزوجة

فانا بقترح عليكي اعرض مشكلتك على حد جوزاء نانا اعرفها - و هي كويسة و موضوعية و نموذج كويس للجوزاء - و اخد رايها و اللي هتقول عليه هنقلهولك بالنص

طبعا من غير ما اسمك يظهر او يتعرف

اما عن رأيي فانا لا أؤمن بان الزواج يكون فيه ندية بين الرجل و المرأة و دة أم البلاوي - و طبعا لان المساواة من الحاجات اللي بتلعب في دماغ الجوزاء فعندها مشكلة عويصة  في تقبل مكانة الزوج في الشرع و انها اعلى من امك و ابوكي

و اللي يمد ايده على مراته يبقى همجي و مش متحضر و ممكن مفتري و ظالم - و اللي تمد ايدها على زوجها تبقى ست مش متربية
دي كلمة الحق - اللي طبعا بتوجع - بس انا لما يكون الحاجة واضحة شرعا - مبعرفش أبويا
كمان الاسلام بيطالبنا اننا نتقبل اعتذار الاخرين و أسفهم و نسامحهم (عشان لما نغلط في حق ربنا - يقوم ربنا يسامحنا) دة مع الناس العادية فما بالنا مع الزوج ؟!

انا كنت متوقع انه ميرضاش يرجعك بعد عملتك
و كنت متوقع انك تهدي شوية بعد مرديتيله القلم

***

رد من جوجو :

يا أستاذ محمد براحة عليا ومتخليش شيلانك من الجوزاء يخليك متحيز لأنه بصراحة انت أبعد ماتكون عن الموضوعية

هو انا قلتلك اني مبسوطة من اللي عملته انا صحيح قلتلك كان نفسي فيها لكن من باب الهزار لكن انا مش مبسوطة من اللي عملته وقلتلك اني مابحبش امد ايدي على حد وخصوصا هو

وبعدين هو انا لما ضربته بالقلم كان من باب الندية ولا عشان اردهوله بقولك انا كنت خايفه وهو استفزني يعني من باب الدفاع عن النفس لأنه كان ماسك دراعي وساحبني زي ما يكون ساحب ب.... وماكنتش عارفه هيعمل ايه ؟ حتى انا جيت اصوت واستنجد بالناس صوتي ماطلعش وبما ان حضرتك دلو فانت أكيد عرف الدلو اما بيتعصب بيبقى شكله ازاي ؟ وهو بالذات اما بيتعصب ممكن يبقى وحش
ولو عن الرد هو مادنيش قلم واحد عشان اردهوله ده اداني قلمين على وشي وأقلام على ضهري وضربني على دراعي وعلى رجلي وحدفني بحاجات وزقني وشتمني وأهانني وأغلبها من أسباب هايفه وكنت بفوت وماكنتش بعمل اي حاجة تستفزه هو اللي مابيلاقيش غيري يطلع زهقه فيه
يعني استحملت كتير ولو عاوزه ارد عليه واعمل راسي براسه زي ما بتقول المفروض أجر واحد فتوة يديله علقه محترمة مش اديله حتة قلم
وصدقني هو من جواه عارف انه يستاهل اكتر من القلم ده وعشان كده لسه مصمم يرجعلي
وبعدين مساواة ايه يا أستاذ محمد اللي بتتكلم عنها ؟
انا خلال عيشتي معاه راعيت ربنا فيه لا عمري شتمته ولا قلتله كلام يجرحه حتى من وراه ولحد دلوقت ماحدش يعرف اسباب اصراري على الطلاق غير ربنا وانت حتى لما كتبت مشكلتي على مدونتك اتواصلت معاك انت مش مع اي حد
وأكيد ماكنتش أحب أضربه عشان ده أبو بنتي مش عشان هو جوزي وعاوزه اعمل راسي براسه زي ما بتقول
انا برغم كل اهاناته عمري مارديت عليه غير مرات قليلة كان بيأذيني فيها قوي وكنت برد على استحياء عشان اتقي شره وهو متنرفز ومع ذلك مكانش بيسكت

وبعدين اعتبرني بنتك أو أختك يا أستاذ محمد ترضى لو انت عارف انا استحملت جوزي قد إيه وماغلطتش فيه وهو كان بيضربني ويهيني ويبهدلني انك تقولي ده جوزك ومفيش ندية بين الراجل ومراته ؟ ومين جاب سيرة الندية أصلاً

انا كنت متصورة انه بسبب ظروف وفاة والدك ممكن ماتردش ؟ وكان أهون عليا انك ماتردش بدل ردك ده بس حضرتك زيك زي كل رجالة الدلو شايفين نفسكم مابتغلطوش ابدا مهما اذيتوا اللي قدامكم ولو الطرف التاني حاول يحمي نفسه بتعتبروه تطاول
و ياريت ماتبعتش مشكلتي لا لجوزاء ولا لتور انا اتكلمت معاك انت عن حاجات ماحدش يعرفها ومش عاوزه حد تاني يعرفها ولوهترد عليا رد يخنقني تاني ياريت حضرتك تخليه لنفسك انا في اللي مكفيني ومش ناقصة
ومش هقولك غير الله يسامحك الله يسامحك الله يسامحك

 
***
ايميل ثاني من جوجو :

حاجة كمان بخصوص برجي 
مش المساواة اللي بتلعب في دماغ الجوزاء لكن فكرة العدل هي اللي بتلعب في دماغه 
والعدل بيقول ان اللي ماتقبلوش على نفسك ماتقبلوش على غيرك
يا أستاذ ياللي بتتكلم عن التسامح في الإسلام 
انت لو متجوز واحدة مسلمة واتنرفزت وضربتك من غير سبب هتعمل ايه ؟ طيب لو الموضوع ده اتكرر اكتر من مرة هتعمل ايه ؟
هتسامحها ؟
متهيألي مفيهاش عمايل من اول قلم تديهولك هتردلها القلم علقه وتطلقها بالتلاته 
لكن انا جوزي يضربني ويهيني يبقى راجل ملو هدومه وانا لازم اسامحه وعلى فكرة انا سامحته وجيت على نفسي وأعصابي اكتر من مرة   
وانا لو ضربته عشان ادافع عن نفسي ابقى ست عاصية لا أقدر مكانة الزوج ويبقى كتر خير الزوج لو سامحني
مين اللي قال ان مكانة الزوج بتيجي من الضرب والإهانة ؟ من امتى كانت الرجولة انك تهين حد أضعف منك خصوصا لو مراته اللي معملتش حاجة
ولو اتخانق مع واحد صاحبه يمسك نفسه ولو حتى اتخانق مع واحدة شحاتة في الشارع يقولها انت لو راجل كنت عرفتك مقامك 
لكن مع مراته لازم الرجولة اللي على حق هي اللي تظهر
مع اني ماكنتش بتخانق مع جوزي أصلا وكنت بقول ياحيطة داريني 

يا أستاذ يا مؤمن 
أول دين عدل بين الرجل والست هو الاسلام وأدى حقها على الزوج زي ما أدى الزوج حقه عليها  
تقولي آية القوامة هقولك القوامة حسب ما قريت عندك في المدونة ان القائم على أمر الشيء هو المكلف برعايته والاهتمام بيه يعني الراجل يهتم بالمرأة بأنه يصرف عليها 
ومش عشان بيصرف عليها يبقى من حقه اي حاجة حتى لو ضربها 
هتقولي حديث السجود هقولك حسب ما قريت عندك في المدونة برضه ان الحديث ده بيوصي الراجل على الست مش العكس يعني لو الراجل بيهتم بيها ومش بيهينها وبيعاملها بما يرضي الله تسجدله انما مش معقول يكون بيضربها والرسول العادل يقولها اسجديله 
والردين دول اعتقد كان اصحابهم من برج الجوزاء برضه !
وبعدين ده ربنا بيقول ( ولهن مثل الذي عليهن ) يعني قدم الست الأول وزي ماانت تديها هي تديك 
يعني انت تقدم للست احترام ومودة ورحمة وبعدين تطالبها بالمقابل مش تقدملها ضرب واهانة وشتيمة وتقولها استحملي لأنك ست 
وربنا ببقول كمان ( وعاشروهن بالمعروف ) وعاشروهن بالمعروف مش معناها انك تعاملها كويس لأ ده معناه انك تحتمل أذاها ده على افتراض اني كنت بأذي جوزي وربنا عارف انا استحملته قد ايه في حين ان هو اللي أذاني بدنياً ومعنوياً ولفظياً    
ماسمعتش حديث الرسول اللي بيقول (  أي رجل لطم امرأته لطمه أمر الله عز وجل خازن النيران فيلطمه على حر وجهه سبعين لطمه من نار جهنم
و(لا يكرم المرأة إلا الكريم , ولا يهين المرأة إلا اللئيم..) ... ( ولن يضرب خياركم ) ( ورفقا بالقوارير ) 
وما ضرب رسول الله امرأة قط مش ده نبينا برضه ودي أحادبثه وتصرفاته والمفروض نفتدي بيه ولا إيه ؟  
متهيألي ده لأنك دلو  
يعني رأيك اللي مش بتصرح بيه عن الستات انها حتى لو خدت على دماغها لازم تسكت وتسامح وتركن كرامتها اللي ربنا خلقها ( زي ما خلق كرامة الراجل ) على جمب 
وده على فكرة مش انت لوحدك اغلب الناس اللي متجوزين دلو زي الناس اللي على مدونتك بيشتكوا من نفس النقطة 

متهيألي برضه ان سبب كرهك للجوزاء انه بيتمرد على ظلم الدلو وبيعرف يوقفه عند حده 
ويمكن دي غلطتي مع جوزي اني من الأول معرفتش أوقفه عند حده لأن الحب كان عاميني واستحملت كتير 
وكنت دايماً بقول لنفسي اصبري زي مابتشوفي منه الوحش هتشوفي الحلو 
بس انا هفضل لحد امتى اشوف الحلو وانضرب من غير ذنب ؟ 
ردك اللي فات كان غايظني قوي وعصبني قوي عشان كده بعتلك الرد ده كمان وبرضه مش هقول غير الله يسامحك

****
ايميل ثالث من جوجو :

اسمع لو هتبعتلي رد يعصبني ويخنقني ويخليني أرد عليك في رسالتين يبقى خليه لنفسك خليه لنفسك خليه لنفسك وما تبعتش مشكلتي لحد انا دلوقت بس عرفت هتصرف ازاي

****

ايميل رابع من جوجو :

منك لله


بصراحة رسالتك عصبتني او بالاصح افعالك

انت كمان عصبتني منك لله دماغي هتقف ودي رابع رسالة ابعتها 




لكن عشنا احاول اكون موضوعي - لأني اصلا انا شايل من الجوزاء و شايف ان معظم الابراج افضل منها كزوجة

ولا الدلو ينفع يبقى راجل أو زوج يحسس البني آدمة اللي معاه بالاحترام والأمان كفاية انه اما بيقلب بيقى وحش 



فانا بقترح عليكي اعرض مشكلتك على حد جوزاء نانا اعرفها - و هي كويسة و موضوعية و نموذج كويس للجوزاء - و اخد رايها و اللي هتقول عليه هنقلهولك بالنص

طبعا من غير ما اسمك يظهر او يتعرف
لا ألف شكر مش عاوزه من وشك حاجة



اما عن رأيي فانا لا أؤمن بان الزواج يكون فيه ندية بين الرجل و المرأة و دة أم البلاوي - و طبعا لان المساواة من الحاجات اللي بتلعب في دماغ الجوزاء فعندها مشكلة عويصة  في تقبل مكانة الزوج في الشرع و انها اعلى من امك و ابوكي
ولا أنا أؤمن بالندية والزوج شرعا هو رجل مكلف باهتمام واحتواء ورعاية الزوجة اللي معاه مش ضربها واهانتها من غير سبب



و اللي يمد ايده على مراته يبقى همجي و مش متحضر و ممكن مفتري و ظالم - و اللي تمد ايدها على زوجها تبقى ست مش متربية
دي كلمة الحق - اللي طبعا بتوجع - بس انا لما يكون الحاجة واضحة شرعا - مبعرفش أبويا
هي مين دي اللي مش متربية ان كان في حد مش متربي فعلا يبقى انت وكل اللي زيك  
انا مش هستحمل اهانات حد تاني
يا أستاذ انا كنت خايفة وهو اما يتنرفز بيقلب 360 درجة وعمالة اعيط واقوله سيبني  مش راضي وهو جامد وانا رفيعة وفاعص على دراعي وساحبني منه وحسيت ان صوابعه شوية وهتخش في العضم لدرجة ان دراعي عليه كدمة زرقا مكان صوابعه ولسه واجعني لدلوقت ومش عارفه افلفص ولا عارفه هو هيعمل فيا ايه ؟ عاوزه استنجد بالناس مفيش ناس الشارع بتاعنا هادي والناس بتعيد ومفيش صريخ ابن يومين استنجد بيه ده غير اني مش عارفه اصوت صوتي مخنوق من الخوف ومن العياط واكتر من مرة اقوله سيبني يا فلان سيبني يا فلان وهو مش عاوز يقف ولا عاوز يسيبني 
عارف انا اللحظة اللي ضربته فيها بالقلم كان قلبي في رجليا بكل معنى الكلمة  
ايه مادافعش عن نفسي واسيبه يضربني ولا يزقني ولا يحدفني تاني عشان ابقى واحدة متربية ياللي مابتعرفش أبوك في الشرع
يا أخي اتقي الله قبل ماتغلط في الناس

***
ايميل من بلوجاتي :




على العموم قلة الذوق حاجة معتادة من الجوزاء




انتي قلتي في الرسالة الاولى :

حاولت افلفص منه بس معرفتش قمت بعزم مافيا ورقعته حتة قلم - كان نفسي فيها

يعني انا مش بتبلى عليكي ان القلم كان انتقام-  دة كلامك !

انتي بتقولي :

وقلتله سيب دراعي لحسن اصوت والم عليك الناس

فيه واحدة تلم على جوزها و ابو بنتها الناس ! و طبعا قصدي واحدة محترمة

بتقولي :

وقالي انا ممكن ادفنك بالحيا دلوقت بس انا اللي مش عاوز
قلتله لو عاوز تدفني اتفضل ايه اللي حايشك ؟

دة رد غاية في الاستفزاز و كمان من واحدة لسة رازعاه قلم - انتي شكلك كنتي عاوزاه يديكي علقة و في الاخر تقولي مظلومة و النبي
المفروض تحطي لسانك في بقك
كمان هو لو مفتري و ظالم زي ما بتدعي مكانش سكت على القلم - لان حسب كلامك مش بيعرف يسيطر على نفسه - و اهوه بيسيطر و زيادة ! أو حتى لو كان كدة فاهو اتغير فعلا - عقبال الناس التانية ما تتغير

في رسالتك اللي بعد كدة بتقولي :

انا صحيح قلتلك كان نفسي فيها لكن من باب الهزار

دة كلام ميدخلش عقل طفل صغير

بتقولي :
بقولك انا كنت خايفه وهو استفزني يعني من باب الدفاع عن النفس لأنه كان ماسك دراعي وساحبني 
و انا بقى المفروض اقتنع ان القلم هو اللي هيحميكي و ينقذك - اي طفل عارف ان دة بيزود استفزاز الرجل !

نرجع تاني لحكاية مكانة الزوج :

مكانة زوج مينفعش فيها كلامك عن العدالة او اي كلام من اللي انتي قلتيه

الزوج مكانته اعظم من امك و ابوكي - لو امك و ابوكي ضربوكي هتضربيهم ؟ هتردي القلم و تقولي دفاع عن النفس ؟ حتى لو ابوكي ظالم و مفتري مفيش حد في الدنيا هيقولك معاكي حق و المفروض تديله بالجزمة كمان ! , دي مكانة الزوج شئتي أم أبيتي - دة شرع الله - و ملهاش علاقة الزوج وحش و لا حلو - لأنك بتعاملي ربنا عز وجل و اللي امر بكدة ربنا و اللي بيستجيب بياخد حسنات و اللي بيعصى مش هقولك بياخد سيئات لكن على الأقل بيتحرم من ثواب طاعة الزوج - و اللي هي تعدل الجهاد في سبيل الله - 

اما عن التسامح - فانا متكلمتش عليه الا لأن الراجل بقاله أربع شهور بيعتذر ! و القصة مش قصة بنتي او اختي انا برشدك للخير - الاية بتقول "و الصلح خير" ولو مش عاوزة تعمليه انتي حرة !

بتقولي :
وبعدين ده ربنا بيقول ( ولهن مثل الذي عليهن ) يعني قدم الست الأول وزي ماانت تديها هي تديك

الناس مش عاوزة تكمل الأية :
وَلَهُنَّ مِثْلُ ٱلَّذِي عَلَيْهِنَّ بِٱلْمَعْرُوفِ وَلِلرِّجَالِ عَلَيْهِنَّ دَرَجَةٌ وَٱللَّهُ عَزِيزٌ حَكِيمٌ
و للرجال عليهن درجة

بتقولي :
ماسمعتش حديث الرسول اللي بيقول (  أي رجل لطم امرأته لطمه أمر الله عز وجل خازن النيران فيلطمه على حر وجهه سبعين لطمه من نار جهنم
و(لا يكرم المرأة إلا الكريم , ولا يهين المرأة إلا اللئيم..) ... ( ولن يضرب خياركم ) ( ورفقا بالقوارير ) 
وما ضرب رسول الله امرأة قط مش ده نبينا برضه ودي أحادبثه وتصرفاته والمفروض نفتدي بيه ولا إيه ؟

رغم ان فيها احاديث ضعيفة - لكن برضه مش مبرر ان الزوج يبقى وحش ان الزوجة تبقى وحشة هية كمان - و الا لو حد خد رشوة من زمايلك او اخد منك رشوة - يبقى تاخدي انتي كمان رشوة

بتقولي :
متهيألي ده لأنك دلو  
يعني رأيك اللي مش بتصرح بيه عن الستات انها حتى لو خدت على دماغها لازم تسكت وتسامح وتركن كرامتها اللي ربنا خلقها ( زي ما خلق كرامة الراجل ) على جمب

انا بصراحة معرف ش في الدين حاجة اسمها كرامة ؟! , الست اللي بتستحمل اذي زوجها بتاخد حسنات - مش مني و لا من الحكومة - و الراجل اللي بيستحمل اذى زوجته بياخد حسنات برضه و مش مني و لا من الحكومة
و هذه ليست دعوة للتنازل عن الكرامة  لكن دعوة لأخذ حسنات - و دعوة للحفاظ على البيوت

بتقولي :
متهيألي برضه ان سبب كرهك للجوزاء انه بيتمرد على ظلم الدلو وبيعرف يوقفه عند حده 
ويمكن دي غلطتي مع جوزي اني من الأول معرفتش أوقفه عند حده

الدلو فعلا الجوزاء بخرج اسوأ ما فيه - وفيه ابراج كتير بتعرف تتعامل مع الدلو , و على فكرة متلوميش الا نفسك - ارجعي بالذاكرة هتلاقي نفسك رفضتي ناس عادية و كويسة لنك عاوزة شخص متميز - و لما لقيتيه طبعا مش قادرة تدفعي تمن التميز 
و اما عن الدو فانا بقول دايما انه مش كويس كزوج - لكن على الأقل فيه منه شخصيات مفيدة جدا للمجتمع

بتقولي :
لأن الحب كان عاميني واستحملت كتير

ياريت متتكلميش عن الحب - لن الحب حاجة تانية خالص - الجوزاء مش هيقدر يفهمها و لا يستوعبها - فللاسف مش هقدر اشرحهالك

بتقولي :

ولا الدلو ينفع يبقى راجل أو زوج يحسس البني آدمة اللي معاه بالاحترام والأمان كفاية انه اما بيقلب بيقى وحش

حسب معرفتي الرجالة كلهم لما بيقلبوا بيبقوا وحوش

بتقولي :
مش ضربها واهانتها من غير سبب

اكيد مش ممكن من غير سبب , و طريقتك واضحة جدا معايا !

بتقولي :
هي مين دي اللي مش متربية ان كان في حد مش متربي فعلا يبقى انت وكل اللي زيك 

طبعا باين حجم تربيتك - و باين طبعا انه كان بيضربك من غير سبب و انك ملاك طاهر بس  للاسمف مش قادر يعيش وسط الشياطين من الدلو - فوقي و اعرفي حقيقتك

بتقولي :
يا أخي اتقي الله قبل ماتغلط في الناس

طيب روحي لأي شيخ و قوليله انا ضربت جوزي بالقلم على وشه في الشارع و ابقي قوليلهم انه كان قبل كدة ضربك كتير و قوليلهم انه بقاله اربع شهور بياحول يصالحك - وشوفي الشيخ هيعمل معاكي ايه - و ابقي تعالي قوليلي !

و لا عاوزة دين على مزاجك ! يطلع كل تصرفاتك صح و شرعية - و كل تصرفات زوج غلط و ظلم !!!!

بتقولي :
والله هو لحد دلوقت بيحلم باليوم اللي انا ارضى ارجعله واسامحه حتى بعد اللي بتسميه عملتي اللي مش عاجباك لأنه عارف ان ماحدش استحمله زيي ولا حد صبر عليه قدي

ربنا يرزقه بزوجة صالحة - تسعده و تعرف قيمته و تعينه على دنياه و دينه

بتقولي :
ده لو مليون قلم مايساووش احساسي بالإهانة 

دة اسمه الكبرو العياذ بالله - و لا يدخل الجنة من كان في قلبه مثقال ذرة من كبر - مالك منتي واحدة من وسط ملايين الستات اللي بيضربوا فيكي ايه زيادة ؟ ! عشان عاوزة مليون قلم تعويض ؟

بتقولي :
( من كان يؤمن بالله واليوم الآخر فليقل خيرا أو ليصمت )

كنتي سكتي شوية مع زوجك و تاج راسك , او كنتي سكتي معايا مش اربع رسايل عشان قلت كلمة الحق - اللي اي واحد ماشي في الشارع هيقولهولك !
كبر مقتا عند الله أن تقولوا ما لا تفعلون


و اخيرا - شوفي رديتي عليا بكام رسالة - لمجرد اني قلتلك ان اللي تضرب جوزها بالقلم ست مش متربية ! مع ان كل الناس بتقول كدة مش انا بس ! كمان سيادتك ضربتيه في الشارع - و دي مهينة جدا !
و طبعا من الردود بتاعتك و رسايلك و نرفزتك و قلة ذوقك يتضح طبيعة طريقة معاملتك لزوجك !

طبعا طبعا لازم تتطلقوا لأنك مفكيش امل تتصلحي - و كدة حرام عليكوا انتوا الاتنين 

 ٱلطَّلَٰقُ مَرَّتَانِ فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَٰنٍ وَلاَ يَحِلُّ لَكُمْ أَن تَأْخُذُواْ مِمَّآ آتَيْتُمُوهُنَّ شَيْئاً إِلاَّ أَن يَخَافَآ أَلاَّ يُقِيمَا حُدُودَ ٱللَّهِ فَإِنْ خِفْتُمْ أَلاَّ يُقِيمَا حُدُودَ ٱللَّهِ فَلاَ جُنَاحَ عَلَيْهِمَا فِيمَا ٱفْتَدَتْ بِهِ تِلْكَ حُدُودُ ٱللَّهِ فَلاَ تَعْتَدُوهَا وَمَن يَتَعَدَّ حُدُودَ ٱللَّهِ فَأُوْلَـٰئِكَ هُمُ ٱلظَّٰلِمُونَ    البقرة 229

***
ايميل من جوجو :


بلا جوزاء بلا دلو انا معتش هسكت لحد بعد كده اللي يقل في ذوقه معايا مش هبقى ذوق معاه




انتي قلتي في الرسالة الاولى :



حاولت افلفص منه بس معرفتش قمت بعزم مافيا ورقعته حتة قلم - كان نفسي فيها

يعني انا مش بتبلى عليكي ان القلم كان انتقام-  دة كلامك !
لو على الانتقام زي مابتقول فمش حتة قلم هو اللي هيشفي غليلي



انتي بتقولي :

وقلتله سيب دراعي لحسن اصوت والم عليك الناس

فيه واحدة تلم على جوزها و ابو بنتها الناس ! و طبعا قصدي واحدة محترمة
انا محترمة غصبن عنك 
وبعدين هو كان في ناس عشان المهم وبعدين صوتي كان مخنوق مش عارف يطلع
انا كنت خايفة وكان ممكن اعمل اي حاجة
ثم يعني هو في راجل محترم يسحب مراته من ايدها في الشارع  
في راجل محترم يضرب أم بنته كل شوية على حاجات هايفه وأحيانا بدون اسباب خالص
عامل زي اللي بيتلكك انت هتغلطي عشان اضربك ولا اضربك انا لوحدي !
وطبعا قصدي الراجل المحترم



بتقولي :

وقالي انا ممكن ادفنك بالحيا دلوقت بس انا اللي مش عاوز
قلتله لو عاوز تدفني اتفضل ايه اللي حايشك ؟

دة رد غاية في الاستفزاز و كمان من واحدة لسة رازعاه قلم -
استفزاز ايه بقولك انا كنت خايفة والخوف زي ما ممكن يشلك ممكن يوصلك للغضب وماتعرفش انت بتقول ايه ولا بتتصرف ازاي 
 انتي شكلك كنتي عاوزاه يديكي علقة و في الاخر تقولي مظلومة و النبي
انت اللي شكلك عاوز حد يديك علقه عشان تعرف تتكلم مع الناس ازاي
وبعدين انا فعلا مظلومة وبلاش تريقه وطولة لسان على الحاجات اللي بتوجع الناس



المفروض تحطي لسانك في بقك
كمان هو لو مفتري و ظالم زي ما بتدعي مكانش سكت على القلم - لان حسب كلامك مش بيعرف يسيطر على نفسه - و اهوه بيسيطر و زيادة ! أو حتى لو كان كدة فاهو اتغير فعلا - عقبال الناس التانية ما تتغير
حط انت لسانك جوه بقك   
وانا عارفه انك مش هتصدقني بس انا لحد دلوقت معرفش هو سكت ازاي انا توقعت بعد القلم انه هيدفني فعلا

بس يمكن لأنه عارف انه ظلمني كتير وضميره مأنبه او ممكن عشان انت قايل ان الدلو بيتغير اما الانسانة تديله كل حاجة وبعدين تسيبه مين عارف يمكن يكون كده فعلا
بس حتى لو اتغير فانا كمان اتغيرت ولو مؤقتا لأنه كانت جوايا كمية غضب على كل حاجة وما كنتش بعرف اتحكم في كلامي أو اعصابي 



في رسالتك اللي بعد كدة بتقولي :

انا صحيح قلتلك كان نفسي فيها لكن من باب الهزار

دة كلام ميدخلش عقل طفل صغير
انت اللي كلامك مايخشش دماغ عيل صغير يعني اسيبه يضربني ولا يكرر اللي كان بيعمله



بتقولي :
بقولك انا كنت خايفه وهو استفزني يعني من باب الدفاع عن النفس لأنه كان ماسك دراعي وساحبني 
و انا بقى المفروض اقتنع ان القلم هو اللي هيحميكي و ينقذك - اي طفل عارف ان دة بيزود استفزاز الرجل !
لأ طبعا القلم مش هينقذني بس اما بتبقى خايف ممكن تتنرفز وتبقى مش مدرك للي انت بتعمله أو ممكن تستبيع
وبعدين هو مين فينا اللي استفز التاني انا اللي شفته ماشي لوحده في الشارع ورحت متنرفزة وفاعصة دراعه بالعافيه وساحباه وهو عمال يقولي سيبيني وانا اللي مش عاوزه انت بتفكر ازاي 
ولا هو عشان راجل ولا يمكن دلو زيك هتديله العذر في كل حاجة 
يجوز انا بالغت في خوفي وهو مكانش هيعمل حاجة وكان عاوز يتكلم وبس 
بس لا طريقته ولا سوابقه معايا تخليني اتطمنله 
ويمكن لأني كنت خايفه ومخنوقه ومش في حالتي الطبيعية عملت كده
انا لو في حالتي الطبيعية عمري ما هضربه عشان انا اللي مابحبش امد ايدي على حد

  

مكانة زوج مينفعش فيها كلامك عن العدالة او اي كلام من اللي انتي قلتيه

الزوج مكانته اعظم من امك و ابوكي - لو امك و ابوكي ضربوكي هتضربيهم ؟ هتردي القلم و تقولي دفاع عن النفس ؟ حتى لو ابوكي ظالم و مفتري مفيش حد في الدنيا هيقولك معاكي حق و المفروض تديله بالجزمة كمان ! , دي مكانة الزوج شئتي أم أبيتي - دة شرع الله - و ملهاش علاقة الزوج وحش و لا حلو - لأنك بتعاملي ربنا عز وجل و اللي امر بكدة ربنا و اللي بيستجيب بياخد حسنات و اللي بيعصى مش هقولك بياخد سيئات لكن على الأقل بيتحرم من ثواب طاعة الزوج - و اللي هي تعدل الجهاد في سبيل الله - 
انت بتتكلم ازاي يا بني آدم انت 
مش ربنا بيقول اني حرمت الظلم على نفسي وحرمته على عبادي
انا مادتش لجوزي بالجزمة وعارفه مكانة الزوج في الشرع كويس
والا ما كنتش استحملت اهاناته وضربه وتجريحه السنين اللي فاتت دي
وبعدين هو كمان مش المفروض يراعي ربنا فيا هو كمان مش المفروض يعامل ربنا عز وجل فيا
ولا يضربني ويهينني من غير سبب وانا استحمل وفي الآخر ابقى وحشه برضه
الست برضه لها مكانة عند جوزها شئت أم أبيت 

بس انت اللي شكلك بتكيل بمكيالين ومش مصدق ان ربنا سبحانه وتعالى يوم القيامة معندوش خيار وفقوس 
يوم الحساب اما ربنا يحاسب الاتنين هيقول للراجل انت راجل وكنت بتضرب مراتك كتير على الجنة
انت ست وضربتي جوزك مرة عشان كنت خايفة على جهنم



اما عن التسامح - فانا متكلمتش عليه الا لأن الراجل بقاله أربع شهور بيعتذر ! و القصة مش قصة بنتي او اختي انا برشدك للخير - الاية بتقول "و الصلح خير" ولو مش عاوزة تعمليه انتي حرة !
أيوة انا حرة وانت ماكنتش بترشدني للخير انت كنت بتقولي قد ايه انت متغاظ من الجوزاء وقد ايه انا ست وحشه عشان ضربته في لحظة خوف


بتقولي :
وبعدين ده ربنا بيقول ( ولهن مثل الذي عليهن ) يعني قدم الست الأول وزي ماانت تديها هي تديك

الناس مش عاوزة تكمل الأية :
وَلَهُنَّ مِثْلُ ٱلَّذِي عَلَيْهِنَّ بِٱلْمَعْرُوفِ وَلِلرِّجَالِ عَلَيْهِنَّ دَرَجَةٌ وَٱللَّهُ عَزِيزٌ حَكِيمٌ
و للرجال عليهن درجة

كويس ان انت كملتها بنفسك بالمعروف سامع بالمعروف مش بالضرب والاهانة
وبعدين الدرجة هنا هي درجة القوامة اللي هي تكليف وليست تشريف واللي هي معناها الاحتواء والرعاية والاهتمام



بتقولي :
ماسمعتش حديث الرسول اللي بيقول (  أي رجل لطم امرأته لطمه أمر الله عز وجل خازن النيران فيلطمه على حر وجهه سبعين لطمه من نار جهنم
و(لا يكرم المرأة إلا الكريم , ولا يهين المرأة إلا اللئيم..) ... ( ولن يضرب خياركم ) ( ورفقا بالقوارير ) 
وما ضرب رسول الله امرأة قط مش ده نبينا برضه ودي أحادبثه وتصرفاته والمفروض نفتدي بيه ولا إيه ؟

رغم ان فيها احاديث ضعيفة - لكن برضه مش مبرر ان الزوج يبقى وحش ان الزوجة تبقى وحشة هية كمان - و الا لو حد خد رشوة من زمايلك او اخد منك رشوة - يبقى تاخدي انتي كمان رشوة




هو اي حديث بيحترم كرامة المرأة يبقى ضعيف طبعا كل أحاديث الرسول بتحترم كرامة المرأة بس كل واحد وفهمه
وبعدين انا ابقى وحشه ساعة ما أرد القلم بقلم والزقة بزقة والحدفة بحدفة مش من مرة ضربته ابقى زيه وارجع واقولك انا لو مش مخنوقه او خايفه كان مستحيل اعمل كده



بتقولي :
متهيألي ده لأنك دلو  
يعني رأيك اللي مش بتصرح بيه عن الستات انها حتى لو خدت على دماغها لازم تسكت وتسامح وتركن كرامتها اللي ربنا خلقها ( زي ما خلق كرامة الراجل ) على جمب

انا بصراحة معرف ش في الدين حاجة اسمها كرامة ؟! , الست اللي بتستحمل اذي زوجها بتاخد حسنات - مش مني و لا من الحكومة - و الراجل اللي بيستحمل اذى زوجته بياخد حسنات برضه و مش مني و لا من الحكومة
و هذه ليست دعوة للتنازل عن الكرامة  لكن دعوة لأخذ حسنات - و دعوة للحفاظ على البيوت


حلو قوي اول مرة نتفق بس هو مش كل بني آدم ليه طاقة برضه يعني هو انا هفضل لحد امتى استحمل ومسئولية الحفاظ على البيت فوق كتافي لوحدي
ماهو برضه لو عاوز يحافظ على البيت المفروض مش يهين الانسانة اللي معاه
بتقولي :
متهيألي برضه ان سبب كرهك للجوزاء انه بيتمرد على ظلم الدلو وبيعرف يوقفه عند حده 
ويمكن دي غلطتي مع جوزي اني من الأول معرفتش أوقفه عند حده

الدلو فعلا الجوزاء بخرج اسوأ ما فيه - وفيه ابراج كتير بتعرف تتعامل مع الدلو ,





يا أستاذ أخرج أسوأ ما فيه أما أبقى بديله سبب عشان يضربني أو يهيني لكن بقولك في حياتي معاه نادرا ما كنت بستفزه انا كنت بقول يا حيطه داريني
ثم مين البرج اللي يعرف يتعامل مع الدلو مين البرج اللي يعرف يتعامل مع واحد أما بيزهق مش بيلاقي حد يطلع زهقه عليه غير مراته ده غير ضربه واهانته
الدلو هو اللي بيخرج أسوأ مافي الجوزاء انا عمري في حياتي ماكنتش احب امد ايدي على جوزي مهما كان وحش لأني عارفه مكانته كويس
و على فكرة متلوميش الا نفسك - ارجعي بالذاكرة هتلاقي نفسك رفضتي ناس عادية و كويسة لنك عاوزة شخص متميز - و لما لقيتيه طبعا مش قادرة تدفعي تمن التميز 



تميز ايه الله يهديك انت راخر لو على التميز ما المتميزين كتير هو صحيح ممكن يكون متميز بس انا اتقدملي المتميز اكتر منه
انا كان شرطي الوحيد في البني آدم اللي ارتبط بيه انه يكون بيحبني أيا كانت ظروفه عشان يحافظ عليا اكون بحبه عشان اعرف ابقى زوجه كويسة ليه
وفي الأصل هو ماشدنيش اول ماشفته هو اللي فضل يعملي من البحر طحينة هو اللي حبني وخلاني احبه 
مع ان ربنا شاهد ان عمري ماقصرت في حقه ولا حق بيته او بنته وعمري ماغلطت فيه بكلمة والمرة الوحيدة اللي قلت وعملت فيها حاجات ضايقته فعلا هي آخر مرة 
وانا معرفش ازاي اتصرفت كده يمكن الغضب اللي جوايا خلاني ابالغ في ردة فعلي واخاف اتخنق يمكن انا مجروحة منه قوي لأني حبيته فعلا 
و اما عن الدو فانا بقول دايما انه مش كويس كزوج - لكن على الأقل فيه منه شخصيات مفيدة جدا للمجتمع

يا فرحتي باللي مفيد في المجتمع ومش عارف يبقى هادي في بيته


بتقولي :
لأن الحب كان عاميني واستحملت كتير

ياريت متتكلميش عن الحب - لن الحب حاجة تانية خالص - الجوزاء مش هيقدر يفهمها و لا يستوعبها - فللاسف مش هقدر


يا أخي اتق الله برضه هتحكم عليا بسبب برجي وبعدين هو الجوزاء ده مش بشر ممكن يحب زي الناس العادية 
وبعدين يا سلام على حب الدلو اللي كله غلط وضرب وبرود وتجاهل 
انا كنت فاكرة ان ممكن يكون جوزي بس اللي كده بس اما دخلت مدونتك وقريت مشاكل الناس اللي بيبعتولك عرفت قد ايه الدلو برج بيقدر الحب


بتقولي :

ولا الدلو ينفع يبقى راجل أو زوج يحسس البني آدمة اللي معاه بالاحترام والأمان كفاية انه اما بيقلب بيقى وحش

حسب معرفتي الرجالة كلهم لما بيقلبوا بيبقوا وحوش
يعني ايه اما بيقلبوا كلهم بيقوا وحوش عايز تفهمني ان الرجالة خلاص انعدمت من الدنيا كلهم اما بيكونوا زهقانين حتى لو شريكة حياتهم ماعملتش حاجة بيضربوا ويهينوا ويشتموا هو الرجولة انك تغضب وتتنرفز على مخاليق ربنا قصدي على ستات ربنا طبعا مايعرفش يطلع كل الزهق ده الا في مراته 
هو مش الراجل المفروض انه عاقل وبيعرف يسيطر على غضبه ومشاعره وعشان كده العصمة في إيده
هو ربنا ادالكم القوامة عشان تحافظوا علينا ولا عشان تغلطوا فينا ؟


بتقولي :
مش ضربها واهانتها من غير سبب

اكيد مش ممكن من غير سبب , و طريقتك واضحة جدا معايا !



معاك انت آه استفزك وأرد عليك واغلط فيك زي ما بتغلط فيا انت مش جوزي
وانا فعلا جوزي كان بيضربني كتير من غير سبب وربنا شاهد اني قلتله كتير انا ممكن استحمل منك اي حاجة ممكن استحمل لو متنرفز وزعقت عليا ممكن استحمل انك تكون زهقان ومش حابب انك تقرب مني او تتكلم معايا
بس بلاش تجرحني بلاش الضرب بلاش الإهانة بلاش تجرحني من غير سبب انا حتى وانت متنرفز مابردش عليك يبقى ليه الأمور بيننا توصل للضرب ؟
أوقات يبوس راسي ويقولي انا آسف واستحمليني مش هزعلك تاني ويبقى طيب ويحسسني انه ندمان وطبعا بيرجع يزعلني ويهيني
وأوقات مع اني كنت بكلمه براحة ومن غير تقطيم يكابر بنفس منطقك ويقولي انا حر انا الرجل ومهما اعمل استحملي واسكتي
وفعلا بسكت لأني عارفه اني لو اتكلمت معاه اكتر من كده هيقلب عليا
عارف في مرة كلمته في الموضوع ده وبرضه الكبر ركبه
قلتله يا بن الناس احنا لو فضلنا على الحال ده انا مش هعرف استحمل
قام لازقني في ضهر السرير وقعد يزعق قالي يعني ايه مش هتستحملي انا اعمل اللي انا عاوزه وانت تستحملي غصبن عنك وقعد يزعق ويشتم وانا خفت ليتهور فسكتت خالص وبعدين قام زقني وقعت على ضهري وفضل يوجعني اسبوع
اللي بقولهولك ده حصل زي مابحكهولك تصدق بقى ما تصدقش انت حر       

المرة الوحيدة اللي ممكن اكون اتهورت فيها هي آخر مرة وحتى دي ماكنتش احب انها تحصل مني


بتقولي :
هي مين دي اللي مش متربية ان كان في حد مش متربي فعلا يبقى انت وكل اللي زيك 

طبعا باين حجم تربيتك - و باين طبعا انه كان بيضربك من غير سبب و انك ملاك طاهر بس  للاسمف مش قادر يعيش وسط الشياطين من الدلو - فوقي و اعرفي حقيقتك
فوق انت واعرف حقيقتك انت اللي باين حجم تربيتك وباين ازاي بتعرف تتعامل مع الناس
ثم انت مش جوزي ولا ابويا ولا اخويا عشان اسكت اما تعيب فيا وفي تربية اهلي لي


بتقولي :
يا أخي اتقي الله قبل ماتغلط في الناس

طيب روحي لأي شيخ و قوليله انا ضربت جوزي بالقلم على وشه في الشارع و ابقي قوليلهم انه كان قبل كدة ضربك كتير و قوليلهم انه بقاله اربع شهور بياحول يصالحك - وشوفي الشيخ هيعمل معاكي ايه - و ابقي تعالي قوليلي !
بس كده قوي قوي لو كان شيخ فاهم الدين صح اروحله وماله
اما لو زيك بيفسر الدين على هواه فما يلزمنيش اروح ولا آجي
و لا عاوزة دين على مزاجك ! يطلع كل تصرفاتك صح و شرعية - و كل تصرفات زوج غلط و ظلم !!!!
انت اللي عاوز دين على مزاجك يحتقر اي ست مهما كانت مستحملة بس فاض بيها
وانا ما قلتش ان تصرفي الأخير صح ربنا شاهد ان دي المرة الوحيدة اللي عملت فيها كده واني ندمت عليها قد ايه
لأن فعلا أغلب تصرفات جوزي كانت غلط وظلم


بتقولي :
والله هو لحد دلوقت بيحلم باليوم اللي انا ارضى ارجعله واسامحه حتى بعد اللي بتسميه عملتي اللي مش عاجباك لأنه عارف ان ماحدش استحمله زيي ولا حد صبر عليه قدي

ربنا يرزقه بزوجة صالحة - تسعده و تعرف قيمته و تعينه على دنياه و دينه
هههههههههه طيب بس ما تستعجلش على رزقك
ويا سيدي لو بعدي عنه هيسعده وماله وربنا يرزقه باللي أحسن مني بس المهم هو كمان يعرف قيمتها ويحافظ عليها ومايوصلهاش للحالة اللي وصلني ليها

بتقولي :

ده لو مليون قلم مايساووش احساسي بالإهانة 

دة اسمه الكبرو العياذ بالله - و لا يدخل الجنة من كان في قلبه مثقال ذرة من كبر - مالك منتي واحدة من وسط ملايين الستات اللي بيضربوا فيكي ايه زيادة ؟ ! عشان عاوزة مليون قلم تعويض ؟
الكبر يا متكبر هو انك تستكبر غلى غيرك لأنه أضعف منك
وانا ما قلتش ان فيا حاجة زيادة عن بقية الستات كل اللي قلته ان ربنا مايرضاش بالظلم وان انا فاض بيا 
ثم هو الإسلام بيقول ان الرجالة تضرب زوجاتها من غير سبب مش ده شرع برضه ولا انت عاوز دين على مزاجك 
وطبعا انت دلو اي ست لازم تاخد على دماغها وتسكت 
وهو انت يعني شفتني رحت ضربته المليون قلم انا بقول لو سامع لو يعني مجازا مش حقيقة


بتقولي :
( من كان يؤمن بالله واليوم الآخر فليقل خيرا أو ليصمت )

كنتي سكتي شوية مع زوجك و تاج راسك , او كنتي سكتي معايا مش اربع رسايل عشان قلت كلمة الحق - اللي اي واحد ماشي في الشارع هيقولهولك !
كبر مقتا عند الله أن تقولوا ما لا تفعلون




تاج راسي وسيدي هو اللي خلقني واداني كرامتي وماحدش غيره
ومعاك حق مكانش المفروض اعبر واحد زيك اصلا ثم كلمة الحق دي على هواك هو لو هو اللي ضربني في الشارع كان هيبقى ده كلامك برضه
فعلا كبر مقتا عند الله ان تقولوا ما لا تفعلون
و اخيرا - شوفي رديتي عليا بكام رسالة - لمجرد اني قلتلك ان اللي تضرب جوزها بالقلم ست مش متربية ! مع ان كل الناس بتقول كدة مش انا بس ! كمان سيادتك ضربتيه في الشارع - و دي مهينة جدا !
و طبعا من الردود بتاعتك و رسايلك و نرفزتك و قلة ذوقك يتضح طبيعة طريقة معاملتك لزوجك !
افهم يا قليل الذوق انت الحمد لله انت مش جوزي عشان اتعامل معاك زي ماكنت بتعامل معاه
وانا جوزي رغم كل عيوبه ملاك بالنسبالك أقله أوقات كان بيعتذر عن غلطه مش زيك
وانا عارفه ان اللي انا عملته غلط ومهين بس انا كنت اعتبر مش في وعيي والبركة فيه 
والردود بتاعتي من نرفزتي وخنقتي عموما لو انا هادية مش هعبرك اصلا 
طبعا طبعا لازم تتطلقوا لأنك مفكيش امل تتصلحي - و كدة حرام عليكوا انتوا الاتنين 

 ٱلطَّلَٰقُ مَرَّتَانِ فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَٰنٍ وَلاَ يَحِلُّ لَكُمْ أَن تَأْخُذُواْ مِمَّآ آتَيْتُمُوهُنَّ شَيْئاً إِلاَّ أَن يَخَافَآ أَلاَّ يُقِيمَا حُدُودَ ٱللَّهِ فَإِنْ خِفْتُمْ أَلاَّ يُقِيمَا حُدُودَ ٱللَّهِ فَلاَ جُنَاحَ عَلَيْهِمَا فِيمَا ٱفْتَدَتْ بِهِ تِلْكَ حُدُودُ ٱللَّهِ فَلاَ تَعْتَدُوهَا وَ
(الميل وصلني بهذا الشكل و يبدوا انه ناقص)

***

ايميل من جوجو :


في نقطة عاوزه أرد عليها عشان تحترم نفسك

بتقول 

الزوج مكانته اعظم من امك و ابوكي - لو امك و ابوكي ضربوكي هتضربيهم ؟ هتردي القلم و تقولي دفاع عن النفس ؟ حتى لو ابوكي ظالم و مفتري مفيش حد في الدنيا هيقولك معاكي حق و المفروض تديله بالجزمة كمان ! 

هو مين ده اللي اديلو بالجزمة يابو لسان عاوز قطعه 
أبويا ولا جوزي ! 
الاتنين انا عارفه مكانتهم كويس وبالمناسبة انا لا أبويا ولا أمي عمرهم ضربوني 
وطول عمرهم معودني ان أهم حاجة عندي كرامتي 

 بتقول كمان 



دة اسمه الكبرو العياذ بالله - و لا يدخل الجنة من كان في قلبه مثقال ذرة من كبر - مالك منتي واحدة من وسط ملايين الستات اللي بيضربوا فيكي ايه زيادة ؟ ! عشان عاوزة مليون قلم تعويض ؟
هقولك تاني الكبر انك تتكبر على مخاليق ربنا أقصد ستات ربنا لأنهم أضعف منك 
الكبر انك ترضى على حد اللي ماترضهوش لنفسك يامتكبر 
ووالله في ملايين من الستات مابينضربوش وازواجهم محترمين أنا أقل عنهم في ايه
وبعدين بالزمة ده كلام واحد متربي ومتعلم ومثقف وبيتكلم عن الدين
يا أخي الدين بريء من كلامك .. الدين يعني مودة ورحمة مش إهانة وغلط
خليت ايه للناس الجاهلة اللي مش متربية يا رجعي
انا أهلي أهم حاجة علموهالي كرامتي مهما كان اللي قدامي ولو كنت خدت بالي من النقطة دي كان مع أول مدة إيد من جوزي وقفته عند حده ثمايه فايدة حياة الإنسان من غير كرامة ده اللي بيرضى بالذل ربنا بيذله حتى لو مع شريك حياته 
وعلى رأي محمد صبحي في وجهة نظر 
إذا كنتوا انتوا قبلتوا الذل وبالهوان رضيتوا فياريتكوا ما اتولدتوا ولا من الأصل جيتوا
في كرامة للراجل زي ما في كرامة للست الاتنين إنسان وعند ربنا يوم الحساب مفيش راجل وست كلنا عباد وده أبسط مباديء العدل
تعترف بقى ان في كرامة بين الأزواج ولا ماتعترفش انت حر   
ثم يا ترى انت بقى هتربي بنتك على ايه ؟!! خليه يضربك وحتى لو ماغلطتيش استحملي 
انا الحاجة الوحيدة اللي ندمت عليها اني ماشتكتش لأبويا وهو عايش الله يرحمه من جوزي
وانت لو كان عندك بنات الله يكون في عونهم 
لأنه لو لا قدر الله بنتك جات تشتكي من جوزها اللي ضربها من غير سبب هتقيم عليها الحد  
وعلى فكرة انت حاجة من الاتنين 
يا إما متربي في الخليج لأني أعرف عن أهل الخليج عدم الوسطية وشدتهم مع المرأة و ممكن حد من عيلتك كان متأثر بيهم وأثر فيك 
وممكن تكون انت أتأثرت بفكرهم وطريقتهم من غير ما تاخد بالك  
أو إنك الولد الوحيد يعني إبن وحيد أو ممكن تكون الأخ الوحيد على بنت أو بنتين 
عشان تكون خدت الدلع كله أو بلاش الدلع لكن حسيت انك الكل في الكل وفاكر ان الأم أو الأخت أو الزوجة مستقبلا شيء مسخر لتحمل تقلباتك وأخطاءك
لأني أعرف دلو ليهم اخوات صبيان ومش بيفكروا بطريقتك ورجعيتك دي  
وأعتقد والله وأعلم انك الوحيد على بنتين وعلاقتك بأختك الصغيرة كانت أقوى من الكبيرة لأنك بتعرف تفرض سيطرتك عليها 
واعتقد انك برضه ممكن تكون في فترة من حياتك عرفت جوزاء مش كويسة وادتك زمبة مثلا فانت متغاظ منها ومن بنات أحلى برج في الدنيا وفي الحالة دي هي ممكن مكانتش بتحبك لأني أعرف الجوزاء كويس
هي لو حبتك كانت استحملتك لحد أما يفيض بيها  
وبعدين تبدأ توقفك عند حدك بس أدام ماستحملتش يبقى ماحبتش وزي ماقلت يا إدتك زمبة يا عملت فيك فصل بايخ
وأنا أعرف إن الدلو زي الجوزاء في النقطة دي مش محظوظين في علاقتهم بالجنس الآخر
وممكن حظهم الحلو يوقعهم في بعض وحد فيهم يطلع كويس والتاني لأ
وعموما اذا كانت هي غلطت في حقك ليه بقية الجوزائيات يدفعوا تمن غلطتها ؟
ليه تحكم على بنات برج كامل من واحدة او اتنين وماتقوليش انا اعرف جوزائيات كتير
المثل بيقول تعرف فلان قاله لأ قاله عاشرته قاله لأ قاله يبقى ماتعرفوش حتى أنا ماتعرفنيش 
وانت أكيد ماعشرتش كل الجوزائيات انا اعرف جوزائيات قمة في الأدب والرقة وانت برضه ممكن تكون عارف جوزائيات كويسات بس عند أي حاجة بتفتكر الوحشين بس  
وخد بالك دي كلها اعتقادات يعني ممكن تطلع غلط وعموما زي ما قلتلك يا عدو الجوزاء      

عاوز تبعت ميل يبقى تقولي مبروك انك اتصالحتي مع جوزك 
هتغلط وتتعدى حدودك يبقى حط لسانك جوه بقك وما شوفش ايميلك بطلعته البهية 
وزي ما قلتلك فركش يامعلم

***

ايميل من جوجو :



انا ماضربتش جوزي بالقلم لأني مش متجوزة أصلا  
وبص انا كنت متوقعة انك تبعت ميل تاني تهاجم فيه صاحبة المشكلة اللي بعتهالك 
وساعتها كنت هتابع استفزازك للآخر مش حبا في استفزازك لكن في حاجات معينة كنت عاوزة أعرفها
بس بما انك مارديتش انا هقولك على حاجة بس أوعدني إنك تاخد من واسع وبراحة خالص

انت فاكر الجوزائية اللي قعدت تناقشك في موضوع تولي المرأة القضاء 
أهي تبقى أنا بشحمها ولحمها ومش عارفه انت فاكر ولا لأ بس كنت قلتلك كمان إني مخطوبة لدلو وسبته
بس احنا رجعنا لبعض دلوقت والفرح قريب والحمد لله علاقتنا أحسن دلوقت  
وبصراحة في حاجات كنت عاوزه أعرفها عنه زي رأيه في حاجات معينة 
وانا لو سألته هيجاوبني بس مش هيقولي اللي جواه بصراحة 
وأحسن طريقة عاوز تعرف بيها اللي جوه بني آدم إنك تستفزه وطبعا لو استفزيت الراجل هيكش من ناحيتي
طيب استفز مين ؟ استفز مين ؟ معلش مالقيتش قدامي غيرك
هو صحيح تفكيره غير تفكيرك بس أنا مؤمنة ان بيبقى في طبايع وأفكار ما بتغييرش في أبناء البرج الواحد
زي مثلا طبع المقاوحة في الجوزاء كل الجوزائيات اساتذة في المقاوحة لكن ممكن نروض الخصلة دي يعني لو عند ناس بنحبهم قوي بلاش  نقاوحهم قوي
وقلت أقلك حكاية من دماغي اقلك فيها ان صاحبة المشكلة مظلومة وبعدين أغير موقفها تماما وأشوف هيبقى رأيك في الحالتين إيه ؟      

انا عارفه إنه تصرف بايخ وعلى فكرة قبل ما أوضح أي حاجة الحكاية اللي حكتهالك حقيقية  
حصلت لواحدة قريبتي باستثناء شوية حاجات من دماغي
قريبتي مش جوزاء وجوزها مش دلو - أنا قلت كده عشان اخليك تتفاعل مع الحكاية - وجوزها عمل فيها اللي بحكهولك بالظبط وبرغم مبدأ العدل اللي انا مؤمنة بيه واللي انت بتنتقده كنت بنصحها تصبر وتستحمل مع اني لو مكانها مش هصبر بس انا عارفه ظروفها بس هي جات على الآخر وزهقت قالت بعد كده لو ضربني هضربه قلتلها بس انتي كده ممكن تخربي البيت قالت يعني هو مش خربان دلوقت
وفعلا ضربته بس في بيتهم مش في الشارع لأنها ما سبتش البيت والغريبة انه اتعدل بعدها !  
حكاية الشارع دي اخترعتها من دماغي عشان أخليك تنفعل بالموضوع أكتر بس الظاهر انها وسعت مني شوية
وبالمناسبة الجوزائية لو حبت تتخانق مع جوزها هيبقى في بيتهم ومقفول عليهم باب مش في الشارع عشان بس ماتاخدش الجوزائيات بذنبي

عموما انا كنت عاوزه أعرف حاجات معينة ومانكرش اني عرفت جزء منها 
عموما لو حبيت تبعتلي ميل تهاجمني فيه وتشوف اني واحدة فاضية وتهاجم بنات برجي براحتك خالص ماحدش يقدر يلومك وبصراحة انا ماكنتش ناوية أقلك بس لما لاقيتك متفاعل معايا وبترد عليا في الأول لاقيت ان الأمانة تخليني أقلك 
سلام واتمنى انك تتفهم موقفي

**
انتهى





تنبيه و تحذير
كل ما كتب في هذه المدونة عن صفات الأبراج هو من واقع خبراتي ومشاهداتي في تحليل الشخصيات والتعامل مع البشر وليس له علاقة من بعيد أو قريب بالتنجيم أو الفلك أو الحظ أو التنبؤات!
والبرج هو الشهر في السنة الشمسية و هي تقابل السنة القمرية و الشهور القمرية, فما أكتبه يشابه أن تكتب التشابه في صفات أبناء بلد معين أو مهنة معينة, فالعلاقة هي المصاحبة (التوقيت) لا أن النجوم تؤثر في الصفات ,و يشابهها أن نقول أن الجيل الفلاني يتصف بكذا و كذا (صفات في داخل فترة زمنية)
-         نسبة دقة الكلام المكتوب – في تقديري الشخصي -  حوالي 80% , بمعنى أنه يصدق أو يصيب بنسبة 80% من الناس و 80% من صفاتهم كأفراد
-         تشابه الصفات في داخل وقت محدد هو آية من آيات الله عز و جل – وأن الكون كله في تناغم و علم مسبق لله عز وجل

صفات الأبراج – لماذا حذفت و لماذا أرجعت المدونة في الرابط التالي:
وفيه كيفية الاستفادة من الأبراج بشكل سليم

لمن أراد معرفة تفاصيل وقصة من أين أتيت بالكلام المكتوب في المدونة عن الأبراج طالع البوست في هذا الرابط :
حكايتي مع الأبراج

لمشاهدة كل الموضوعات في المدونة اضغط على هذا الرابط: